الموضوع: الحمد لله اخيرا استلمت عربيتى ال 301 شويه استفسارات بسيطة

السلام عليكم الحمد لله استلمت عربيتى امبارح بيجو 301 هاى لاين بعد انتظار طويل ما يقرب عن شهرين و نصف المهم انطباعى الاول عنها و انا على فكرة كونت راكب اوبترا قبل كده و كانت زيرو و قعدت معايا اربع سنين المهم طبعا يدوبك كده امبارح لفت لفة مع الاسرة الكريمة بالعربية فالتقييم بتاعى مبدئى اولا العربية تكيفها معقول و كويس السحب ما جربتوش اوى لانى ما حرقتش على النقلات بس باين انه كويس العفشة ممتازة مقارنة بالكورى الفرامل ممتازة برده العربية من جوه واسعة الحمد لله عندى بس شوية استفسارات عشان متزاول فيها اول حاجة الكرسى بتاعى و انا سايق بيوطى و انا قاعد و انا جبته لحد الاخر لحد مل لاقيته مش بينزل عن كده لو عايز ارجع اعليه تانى لازم اقوم من على الكرسى و لا ايه ثانيا فى عندى عداد الكيلو اللى بيعد اعتقد بتاع الرحلات عايز اصفره او اخفيه من التابلو ينفع و لا ايه ثالثا كن عايز اعرف لبنزين اللى معايا يمشينى كام كيلو بعرفها منين و اخيرا التليفون بتاعى ظبطته على البلوتوث بتاع العربية لما يجيلى مكالمة و عايز ارد من التليفون بس عشان لو حد معايا اعمل ايه عشان ميشتغلشى على سماعات العربية فى ساعة و التليفون بيرن معلشى صدعتكم و يارب اللى ما استلمشى يستلم على خير و ان شاء الله امشى بيها شويه كده و اعمل تقرير تفصيلى عنها بس مبدئيا العربية ما شاء الله كمجمل كويسه الحمد لله و شكرا لكل الاعضاء

الف مبروك . متابع

المشاركة الأصلية كتبت بواسطة medori

مبروك اولا و ربنا يديك خيرها و يكفيك شرها
نقطة الكرسى مش فاهم استفسار حضرتك الصراحة، هو بيعلى و بيوطى من الدراع اللى على ايدك الشمال و انت قاعد على الكرسى عادى.
عداد الكيلومتر موجود على طول فى التابلوه، اللى ممكن تصفرة الtrip computer من الزرار اللى بين العدادين، بتدوس علية دوسة طويلة، بتاع 3 ثوانى هيصفره
لو عايز ترد على التليفون مش من خلال الbluetooth بتغير من التليفون نفسة ما بين الheadset او الbluetooth

تمام يا باشا انا استفسارى بالنسبة للكرسى انى بدوس علية من فوق لتحت عشان الكرس يوطى و تمام بيوطى لما غيرت الحركة عشان اعلية يعنى استخدمت الذراع من اسفل لاعلى عكسى يعنى و انا قاعد على الكرس ما علييش تانى فكنت بسال لازم لما اعلى الكرسى تانى اقوم من عليه و لا مش فارقة

المشاركة الأصلية كتبت بواسطة m.basha

تمام يا باشا انا استفسارى بالنسبة للكرسى انى بدوس علية من فوق لتحت عشان الكرس يوطى و تمام بيوطى لما غيرت الحركة عشان اعلية يعنى استخدمت الذراع من اسفل لاعلى عكسى يعنى و انا قاعد على الكرس ما علييش تانى فكنت بسال لازم لما اعلى الكرسى تانى اقوم من عليه و لا مش فارقة

مش فارقة بس المفروض وانت قاعد علشان تظبط قعدتك

مبروك و ربنا يديك خيرها و يكفيك شرها

الف مبروك يا باشا :). Enjoy