الموضوع: الحمد لله اخيرا استلمت عربيتى ال 301 شويه استفسارات بسيطة

المشاركة الأصلية كتبت بواسطة amrelsaqqa

ريحة العادم طبيعية والعربية باردة وده في عربيات كتير
الفرامل اغلب الاوروبى كدة واكتر من كدة ، انا شايفها وسط مش واطية اوى زي الاوبل مثلا ومش عالية اوى وبتقطم زي اللانسر مثلا

هو ريحة العادم ده شميته و العربية راجعة من مشوار مش بارده وبعدين الريحة دى شمتها قبل كده فى عربية 301 و هى باردة و كانت بتتسلم قدامى فى المعرض و كنت اتكلمت فى الموضوع ده قبل كده قبل ما استلم بس انا كنت بركن فى نفس الجراج اللى انا بركن فيه دلوقتى و كنت مش بشم ريحة العادم ده فى عربيتى الاوبترا قبل ما ابيعها حتى و هى بارده اه فى ريحة عادم معاك فى اى عربية فى مكان مكتوم بس مش نفاذه كده

المشاركة الأصلية كتبت بواسطة leitosr

أولاً مبروك علي العربية وربنا يبارك لك فيها,,



حضرتك كنت سئلت نفس السؤال دا من فترة, وفي ناس كتير ردت عليك في الموضوع دا,
http://www.nilemotors.net/nile/384619-301.html

ومعظم الناس اللي راحت صيانة ال 2500 أتعملهم سوفت وير أبديت عشان يظبط العربية علي البنزين بتاع مصر علي حسب كلام التوكيل ليهم,

وكنت قايلك قبل كدا فيه حساس علي الشكمان بيسجل قرايات طول الوقت وطول مالعربية نازلة,,
لو فيه قرايات مش مظبوطة أو نسبة عادم أعلي من الطبيعي كله بيتسجل علي الكمبيوتر بتاع العربية وبيبقي fault.
ودي مواصفات أوروبي مفهاش تهريج,,

فمتقلقش نفسك ومتروحش تقف ورا العربية وتستني تشم ريحة العادم عشان تقلق نفسك.!

الله يبارك فيك يا باشا انا مش قلقان و لا حاجة هى مجرد ملاحظة و ماوقفتش كتير و لا حاجة مجرد وقت الركن و يدوبك قفلت عربيتى و اخذت حاجتى و خلاص الفكرة كمان انى قبل ما استلم العربية الراجل اللى فى المعرض قالى ان احنا بنعمل السوفت وير الجديد و بنعمل ابديت قبل ما بنسلم العربيات قبل كده كان الناس بتستلم و تروح على 2500 كيلو و تعمل الموضوع ده فى التوكيل يعنى قصدى مش عيب سوفت وير ممكن يكون بعد فترة علبة الشكمان بتاخد وقت لحد ما تكربن و الريحة تقل مش عارف ممكن معنديش خبرة فى الموضوع ده بس عامة انا الحمد الله مبسوط بالعربية و مش قلقان منها خالص

المشاركة الأصلية كتبت بواسطة ahmedfouad

مبرووووووووووووووووكة ان شاء الله

الله يبارك فيك متشكر جدا

الف مليون مبروك ربنا يديينا خيرها و يمنع عننا شرها انا استلمت في نفس اليوم نفس العربية ... انصحك تقرا الكتيب الي جاي معاها هايفيدك كتير جدا في كل حاجة .... انا لغاية دلوقت مش لاقي حامل الاكواب ... متابع

انا في مشكلة تانية لما بادي العربية ال r باسمع صوت غريب ما اقدرش اقول زنة بس زي صوت هوا كدا و مش عارف دة طبيعي و مع الوقت بيروح و لا لازم اراجع الصيانة ؟ عامة العربية ما شاء الله لا قوة الا بالله اختيار موفق الحمد لله