الموضوع: بيجو 301 و متسوبيشي شارك و شيفورليه اوبترا

بما انك حطيت الشارك في المقارنة, يبقي حتختارها في الاخر

المشاركة الأصلية كتبت بواسطة hunting_eagle

متسوبيشي شارك

شكلها شبابي و رياضي
ادائها قوي و ثباتها عالي على الطريق بشهادة كل اللي ركبوها
عربية ياباني و اعتمادية عالية طبعا

هي من ناحية الشكل فعلا شبابيه ورياضية بس تحس انها كبيرة ومش ملمومة وشنطتها صغيرة الي حد ما
اما ثباتها فهو عالي فعلا بس العزل بتاعها مش اد كده وصوت الكاتوش مسموع بشكل ملحوظ وده عن تجربة من احد اصدقائي بس بيخف لما تحطلها نيتروجين
انها ياباني فعلا ميزة بس الياباني بيعتمد علي الاداء وبينسي الكماليات شوية وده ساعات بيخليها شكلها مش مشجع
بس في الاجمالي هي فعلا عربية حلوة وادائها عالي

المشاركة الأصلية كتبت بواسطة ahmedharon

الشارك جميله جدا قبل ما اشترى سيئه من وجهة نظرى بعد الشراء نظرا لسمعتها السيئه للسوق اما البيجو انا ركبتها عربيه جميله مقارنة بالسعر وشكل جديد ولكن هايعيبها برضو اعادة البيع مثل باقى موديلات البيجو بس اعتقد انى ارشح البيجو اكتر ولو ان الشارك وحش برضو بس العزل فيها وحش بصراحه مقارنه صعبه اما الاوبترا برا الحسبان تماما

ايه السئ الي انت شايفه من وجهه نظرك ؟؟؟ لان ناس كتير بتشكر فيها وفي ادائها
سعر اعاده البيع مش مقياس بالنسبة لعربية جديدة زي البيجو او حتي الشارك لانه هيعتمد علي انتشارها وقوتها في السوق وادائها
اما بالنسبه لبيجو فانا سمعت ان اباظة عايز يستعيد السوق من تاني من خلال خدمة ما بعد البيع والصيانة وبيحاول يحسن من ادائة لان ده كان عامل من عوامل ضعف الاقبال علي البيجو في الفترة الاخيرة
اما الاوبترا فخارج الحسابات ليه ؟؟؟ لو علي الامان فالشارك مفهاش امان برده ولو علي الشكل فشكلها مقبول الي حد ما ولو علي الاداء فثباتها كويس ومعمرة واعتمادية , ليه من وجهه نظرك ؟؟

المشاركة الأصلية كتبت بواسطة dr.ragoooo

فى رايى الشارك بس اسأل على قطع الغيار الاول لان سمعت انها غالية

انا سمعت نفس الكلام ولكن كان بعض التفاسير للموضوع ده ان مكنش فيه اقبال علي السيارة قبل كده لما كانت 1500 وسوقها مكنش حلو
بس لما نزلت 1600 والاقبال عليها كبير وده من كلام المعارض فاعتقد ان انتشارها واستمرارها في السوق هيخلي قطع الغيار تقل
اما بقي لو غالية علشان ياباني فده يبقي فيه كلام تاني لان الياباني معمر علي ما اعتقد
وفي الاخر اسالو اهل الذكر ان كنتم لا تعلمون

المشاركة الأصلية كتبت بواسطة masmankola

هى الشارك دى مانوال و لا اوتوماتيك ؟

اوتوماتيك , والمانيوال مش بينزل حاليا والله اعلم اذا كان هينزل في المستقبل ولا لا
للاسف برده ان مفيش الا فئة واحدة في الشارك وهي البيزلين

المشاركة الأصلية كتبت بواسطة saddam

صديقي المواطن
قولا واحدا
اﻷوبترا ملهاش مكان هنا وتنساها بعد إذنك إنت بتطلع إلى اﻷمام ولا بترجع إلى.الوراء
الشارك الناس في مصر كسرت سمعتها خلاص رغم إني مش بكرهها أنا شايف إنها أحسن من البومة بكتير جدا جدا ولا وجه للمقارنة وعندنا في مصر اللي إتكسر مبيتصلحش فمظنش إن سمعتها حتتحسن حتى إعادة بيعها مش كويسة برضو ومتنساش برضو خلاص شكلها بقه قديم وعلى أعتاب التغيير فليه تورط نفسك بالبواقي
أما البيجو 301 فلسه شكلها جديد وثوري وسعرها مقبول وعليها إقبال جماهيري كبير وبتنتشر فلسه بتتوسع يعني لسه الفرصة قدامها أكبر من فرصة الشارك في إن الناس تحترمها وبعدين لازم تكون مغامر ومقدام وتخليك في الجديد ومتدورش في كسر السيارات وبقاايا الموديلات اللي أكل الدهر عليها وشرب
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

كنت مستني اشوف ردك يا اخ صدام لاني متابع تعليقاتك في مواضيع كتير
بس مع احترامي لكلام حضرتك انا عايز اقول كلام مخالف شوية للي بتقوله
الشارك اه شكلها قديم شوية وسمعتها مش اد كده بس ده ايام ماكانت 1500 , بس بعد ما نزلت 1600 وماتور مايفيك 117 حصان اصبح ادائها عالي بالاضافة الي شكلها الي قد يكون قديم الا انه فيه بعض الحيوية والرياضية بس لو فضلت علي معدل مبيعاتها الحاليه اتوقع انها خلال سنتين من دلوقتي هتلاقيها زي الكيات والهيوندايات
اما الاوبتر بانا شايف ان شكلها مقبول وحجمها كويس وادائها حلو يمكن قديمه شوية بس سعرها اقل ب 15 الف وده يديها افضالية في السعر بس عموما انا حطتها لابداء الراي فيها من خلال المقارنة
اما البيجو فانا متفق معاك في كلامك واتمني ان بيجو ترجع زي عصرها الذهبي في الثمانينات والتسعينات ب504 وده لان رجوعها هيحرك السوق ويخلي الناس تهدي شوية في الاسعار
وعلي رايك , ودمتم للنضال

المشاركة الأصلية كتبت بواسطة crazydeepman

يا تاخد الريسك و تختار بيجو يا تفضل مع الشارك
وانا افضل الشارك

المخاطرة موجوده مع السيارتين ولكن الشارك افضل في حاجات والبيجو افضل في حاجات