متسوبيشي شارك: استشارة في الشراء

**askme** · 20-09-2010 06:10 PM

الاعزاء والاصدقاء في موقع نايل موتورز المحترم

لدي عدة استفسارات عن السيارة Mitsubishi Shark اتمنى ان اجد لديكم الإجابات الشافية واتمنى الإجابة من مالكي السيارة للأهمية القصوى.

في البداية كنت متحير جدا في بعض السيارات التي ارغب في شرائها والمفاضلة بينهم لانني انوي بيع سيارتي الدايو والحصول على سيارة اخرى ولكن كانت اهم نقطة هي ان تكون سيارة جيدة ومشاكلها قليلة جدا وتتحمل الطرق الجميلة بتاعتنا.

الخيارات كانت (كيا سول - متسوبيشي 1600 - شارك )

وبعد الكثير من البحث والقراءة في منتداكم قررت اقتناء سيارة متسوبيشي ان شاء الله

الأسئلة للأحباء هي:

- كما اعلم ان الشارك افضل من 1600 شكل وثبات الخ (هذا هذا الكلام صحيح)؟
- ما هو الفرق بين الشارك "التوكيل" والشارك "الخليجي" ؟
- ما هي الاسعار الصحيحة لاني رأيت اسعار الشارك على Contact cars مبالغ فيها بعض الشيء لاني سمعت ان الاسعار هبطت بعض الشيء

فياريت الاسعار الحقيقية الحالية للشارك "التوكيل" والخليجي

- اماكن توفر الشارك الخليجي وكيف اعرف انها خليجي؟

- ما هي مواصفات الشارك الخليجي الكاملة؟

شكرا لكم مقدما واعتذر عن الإطالة

مودتي واحترامي

**MaZaGAngeE** · 20-09-2010 07:41 PM

باشا انت خدت الكلام من على لساني
اسمحلي أضيف لأسئلتك :
ايه الفئات و الكماليات و الفروقات بين الخليجي و بعضه ..؟
ايه الفرق بين العفشة الاسبور و العادية ؟
هل ليها ضمان في مصر ؟
لو عايز أركب ميزان خلفي و استرات بار ينفع ؟ و منين ؟
لو جبت الكاسيت الوهمي بتاع شركة الندى هيطلع العربية من الضمان لو ليها ضمان ؟
هل صحيح الشنطة ضيقة أو صغيره ؟

**aliyehia** · 20-09-2010 08:21 PM

بصوا يا جماعه انا المدام عندى معاها الشارك مو 2009 و اقدر اقول انها عربيه عائليه قبل ان تكون شبابيه او رياضيه, هى اتوماتيك و سحبها على الهادى قوى و صوت موتورها عالى لكن واسعه جدا و الشنطه كبيره

**MaZaGAngeE** · 20-09-2010 11:09 PM

المشاركة الأصلية كتبت بواسطة aliyehia

بصوا يا جماعه انا المدام عندى معاها الشارك مو 2009 و اقدر اقول انها عربيه عائليه قبل ان تكون شبابيه او رياضيه, هى اتوماتيك و سحبها على الهادى قوى و صوت موتورها عالى لكن واسعه جدا و الشنطه كبيره

هوه ايه حكاية الستات مع لانسر ؟
انا كمان المدام عندي مقتنعة جدا بيها

**PoweRPassioN** · 21-09-2010 02:05 AM

مش كل الستات
في ستات بتكره البوز بتاع الشارك جدااااا وبتحب السيراتو اكتر
وفي الاخر دي اذواق

**askme** · 21-09-2010 05:10 PM

منتظرين المعلومات يا شباب بارك الله فيكم

**mimohsen** · 21-09-2010 09:13 PM

انا معايا شارك من يناير 2008 ومقتنع بيها جدا ... عربيه ممتازه ... لكن للاسف معنديش معلومات اقدر افيدك بيها لاني مش متابع موضوع العربيات اوي

**bassem_sams** · 21-09-2010 09:24 PM

المشاركة الأصلية كتبت بواسطة mimohsen

انا معايا شارك من يناير 2008 ومقتنع بيها جدا ... عربيه ممتازه ... لكن للاسف معنديش معلومات اقدر افيدك بيها لاني مش متابع موضوع العربيات اوي

بالنسبه لحضرتك من ملاكها فممكن اعرف منك انطباعاتك عنها و عيوبها

من حيث موتور و سحب و العفشه و ثبات و فرامل

وهل صوت موتور عالى و شنطه ضيقه

و لكم جزيل الشكر

**aliyehia** · 22-09-2010 05:53 PM

المشاركة الأصلية كتبت بواسطة bassem_sams

بالنسبه لحضرتك من ملاكها فممكن اعرف منك انطباعاتك عنها و عيوبها

من حيث موتور و سحب و العفشه و ثبات و فرامل

وهل صوت موتور عالى و شنطه ضيقه

و لكم جزيل الشكر

زى ما سبق و ووضحت ان العربيه جميله جدا من كل ناحيه عدا السحب فى الاتوماتيك و بوزها الى بارز عن الاكصدام يخليك قلقان طول الوقت من الترييحه الاولى سواء منك او من الغير
الشنطه بالنسبه لحجم العربيه ممتازه و العفشه مريحه و هاديه و الثبات مش حاقدر افيدك لانى مزودتش عن 130 فى طريق مصر\ اسكندريه و كانت ثابته لكن صوت الموتور لو مش مشغل الكاسيت ممكن يضايقك و التكييف قوى و مش ملحوظ له تأثير على السحب(الى اساسا على قده)