والله ياباشا عندك حق فى كل اللى انت بتقوله بس طنطا عامه متساعدش الواحد انه يعمل فيها اى حاجه
ومش كل شويه هنزل القاهرة علشان اعمل الحاجه هناك
بس كنت عاوز اعرف هو بتاع الفيبر هيظبط الفوج اكتر من الكهربائى ؟
ويعنى ايه ارش الاكصدام كمبيوتر ؟
عرض للطباعة
ماشاء الله لا قوة الا بالله شكلها تحفة ربنا يباركلك فيها
بس السؤال هوة انت اشتريته منين وفعلا فيه منه بفتحة واحدة واسمه ايه اقصد اى موديل
وانا شايف انه من قريب مش باين قوى محدش هايدقق معاك قوى كدة وربنا يباركلك فيها
انا كان معايا شارك بتاعت واحد قريبي دوخت وملقيتش حل للفوجات خالص ياريتني شقت الموضوع من فترة تحياتى
شغل جامد ما شاء الله
الله ينور عليك
الله يخليك ياباشا
انا اشتريت الفوجات من المحله بعد ما اتفرجت وشوفت الاسعار فى طنطا والمحله والتوفقيه
بس فضلت انى اشترى من المحله علشان لو مش هيركب صح اعرف ارجعه علشان انا اصلا الكهربائى بتاعى فى المحله
اما بالنسبه اللى فيه مكان لمبه واحده . واحد هنا فى طنطا قالى ده بتاع مستورد اسمه ناجى بس لما سألت عند واحد تانى قالى لا ده الفانوس ده جه غلطه قبل كده ومبقاش بينزل تانى
مش عارف بقى بصراحه ايه الصدق وايه الكذب ؟
شكرا ياباشا للمجامله
نورت تقريرى المتواضع :wink10:
صديقي المواطن
قولا واحدا بتاع الفيبر حيعمل برواز للفوجات داخله برواز حديد عشان الفوج يركب بمساميره ثم يفتح فتحة في الإكصدام يقيف عليها الفوج بالبرواز الجديد ثم تتمعجن ثم تترش كمبيوتر والمقصود برش الكمبيوتر هو إنك ترش بكود اللون الفبريكة بتاع العربية
وهذا ما لزم بيانه ودمتم
ويالتوفيق وإلى اﻷمام ومن نصر إلى نصر
ودمتم للنضال
بسم الله ما شاء الله بجد جامدة
بس قولي انت دلوقتي قطعت القايم بتاع مسمار الفوج القديم
امال الجديد مركبه ازاي ؟؟؟
الله اكبر ماشاء الله عليها ماشاء الله عليها
حرام عليك يا استاذنا
تسلم دماغك ...
=======
انا بس بعد إذنك عندى سؤال ؟
ما هو مدى توافق كهرباء السيارة البومة مع نفس الفوجات ... اقصد هل لو تم التركيب هيعمل مشاكل خصوصا انى لسه فى الضمان
شكرا لذوقك ياباشا
انا فعلا قطعت القايم اللى بيتركب فيه مسامير الفوج القديم
لو مكنتش قطعته الفوج مكنش هينفع يدخل فى الفتحه اصلا علشان القايم بالطول فى نص المسافه بالظبط
ياباشا انت مش هينفع معاك فى البومه الا فوجات الاوكتافيا A5
مش هينفع عندك الفانتازيا
وبالنسبه للتركيب هيبقى نفس الشغل بالظبط ومدام انت اصلا عندك فوجات فى العربيه يبقى مفيش قلق ولا اى حاجه غير انه هيشيل الفوجات المدورة الصغيرة ويركب فوجات ال A5 وتركب عليهم طقم زينون وهيبقى زى الفل
وشوف كده التقرير بتاعى بتاع البومه
http://www.nilemotors.net/Nile/327635-a5.html
ما شاء الله
الف مبرووك