ياجماعة انا قربت استلم ان شاء الله

**Ayman_52** · 16-09-2008 04:27 AM

تحيه لجميع اعضاء نايل موتورز

انا الحمد لله حجزت جين2 ....هى موحوده بس مستنى اخلص توضيب الجراج واستلمها ان شاء الله

المهم بقى دلوقتى انا كنت عاوز اامن عالعربيه....فأيه هى احسن شركة للتامين من وجهة نظر حضراتكم...وهل التأمين مع عز العرب نفسه حلو ولا ايه؟؟؟

وكل سنه وانتم طيبين

**hazem_khidr** · 16-09-2008 04:49 AM

الف الف مبروك
و ربنا يديك خيرها و يحميك من شرها
التامين عليه اقاويل كتير
فيه يقولك حلال و فيه يقولك حرام
ولولا اني مقسط العربيه مكنتش عملت تامين
عموما انا مأمن مع كونتاكت و اسمع انهم كويسين
لاني لسه مااتعاملتش معاهم

**Boody8882** · 16-09-2008 04:58 AM

ألف مبروووووووك على العربية وربنا يباركلك فيها
بس إستفسار بسيط هو حضرتك جايبها منين وقسط ولا كاش

**ahmedsiyam** · 16-09-2008 11:42 AM

الاخ ايمن

ريح نفسك و اعمل التامين مع عز العرب نفسهم و عندهم التامين كويس جدا و مريح خالص

الاخ حازم خصر
والله اعلم انا اسمع ان كونتاكت احسن شركة فى موضوع التامين بتاع السيارات
تحياتى و ربنا يحفظهالك ان شاء الله

**zacklat** · 16-09-2008 08:54 PM

الف مبروك على العربية وربنا يباركلك فيها....
ممكن تقولنا هى تمنها كام ؟ وايه الموديل اللى انت جبته(سبورت ولا عادى)
وايه اخبار التقفيل من داخل العربية؟
الفرش جلد ولا لا؟ والكاسيت لسه اوديو ولا بقى mp3 ؟

**momenhamdy** · 18-09-2008 04:14 AM

استاذي الفاضل ايمن ربنا يكرمك و يباركلك و اشوفك راكب الجين 2 و انا شايف بدل ان في تأمين عند عز العرب يبقي اتوكل علي الله ....... و انا كمان شايف ان الاستاذ احمد صيام مع وجه النظر دي يعني كله يبقي في منطقة واحده استلام السيارة و التأمين مره واحده احسن و ربنا يوفقك الي الخير دائماً

**MaGiC** · 18-09-2008 06:25 AM

الف مبرووك يا كبييير يديك خيرها ويكفيك شرها إن شاء الله

**m_marmoush** · 18-09-2008 10:45 AM

خد بالك من الحاجات اللى مفروض تستلمها مع العربيه عشان بتوع التوكيل بيضربوا عليها
كتالوج (العربيه-الكاسيت- الصيانه)
الأريال-الدواسات-صرة الجنط
عدة العربيه ودى عباره عن طقم مفكات ومفاتيح (اللى أنا أستلمتهم كانوا نوعهم ردىء فمعرفش هل دى اللى بتيجى مع العربيه ولا ضحكوا عليه و أدوهالى من التوفيقيه)
ياريت حد من الأعضاء يفدنى فى موضوع العده وهل فى شنطه جلد سودا بتيجى مع الكاتالوجات ولا لأ

**m_marmoush** · 08-10-2008 01:33 PM

المشاركة الأصلية كتبت بواسطة m_marmoush

خد بالك من الحاجات اللى مفروض تستلمها مع العربيه عشان بتوع التوكيل بيضربوا عليها
كتالوج (العربيه-الكاسيت- الصيانه)
الأريال-الدواسات-صرة الجنط
عدة العربيه ودى عباره عن طقم مفكات ومفاتيح (اللى أنا أستلمتهم كانوا نوعهم ردىء فمعرفش هل دى اللى بتيجى مع العربيه ولا ضحكوا عليه و أدوهالى من التوفيقيه)
ياريت حد من الأعضاء يفدنى فى موضوع العده وهل فى شنطه جلد سودا بتيجى مع الكاتالوجات ولا لأ

ياريت حد من اللى أستلموا العربيه يقولى على الحاجات دى(عدة العربيه والشنطه الجلد) عشان مش مستريحلها و ناوى أروح التوكيل أتخانق لو هيه متبدله أو فيها حاجه ناقصه

**Ayman_52** · 09-10-2008 12:49 AM

فعلا كانت العربيه موجوده فى السابع ولما جيت استلمها لقيت فيها عيب كده والصراحه كان معايا استاذ/احمد صيام...ولما ا/احمد شافها نصحنى انى استنى واحده تانيه...وساعتها لقيت مو 2009 قرب فعدلت على مو2009 وربنا يوفق واستلمها على خير يــــــــــــــــــــــــ ـــــــــــــــــــــــــ ــــارب.

وبخصوص العده والحاجات التانيه اللى معاها ...حضرتك ممكن تروح اى فرع وكانك بتتفرج عالعربيه وتشوف اللى معاها ايه وتقارنه باللى حضرتك استلمته.

الموضوع: ياجماعة انا قربت استلم ان شاء الله

LinkBack

أدوات الموضوع

عرض

-

-

-

-

-

-

المواضيع المتشابهه

يا جماعة ارجوا الأفادة انا قربت استلم الكروز و عايز اعرف شوية حاجات

فى حد ياجماعة حجز الكروز توب لاين,و استلم أو هيستلم أمتى؟؟

قربت استلم اللوجان ,,,, وعندي شوية اسئلة

خلاص يا جماعه قربت استلم العروسه ومحتاج نصايحكم

ياجماعة حد يقولى الأصوات دى جاية منين عشان خلاص قربت اتجنن

الكلمات الدلالية لهذا الموضوع

المفضلات

المفضلات

ضوابط المشاركة