الموضوع: معايا 80 الف و عاوز اجيب عربيه

المشاركة الأصلية كتبت بواسطة khaled_rafea

معايا نفس المبلغ و عندى نفس الحيرة, لسه بايع سيفك 93 و مش عارف اركب ايه بعديها , بس اعتقد سوبر اكشن 2008 انسب حاجة فى الحدود دى او اعلى شوية

و بعت السيفيك ليه؟ ديه عربية جميلة.

المشاركة الأصلية كتبت بواسطة svneleven

و بعت السيفيك ليه؟ ديه عربية جميلة.

النصيب و حب التغيير يا باشا, هى عربية جميلة فعلا بس قدمت شوية, لكن هى افضل اختيار فى رنج سعرها من وجهة نظرى

حضرتك عندك في رينج ال80 ألف ده و معاك 5 آلاف +\-
-صني موديل 2009-2010 أوتوماتيك حالة نضيفة جداً بس الكنبة اللي ورا هتضايقك شوية عشان أضيق من اللانسر في المساحة الخلفية..
-لانسر موديل 2008 أوتو حالة نضيفة جداً..
-مازدا 3 موديل 2007-2009 تكون حالة نضيفة جداً و عربية محترمة جداً جداً و هتحس بفرق كبير في الركوبة..عيبها قطع غيار اغلى من اللانسر و قطع غيار أغلى شوية..
-أوبل أسترا موديل 2007-2009 على حسب الحالة..
-جولف 4 أوتو موديل 2002-2003 عربية تحفة و اعتمادية بس قطع غيارها غالية شوية و إعادة بيعها بتاخد وقت عقبال ما تتباع..


رأيي الشخصي شوف حاجة زيرو بالفلوس ديه و ريح دماغك من المستعمل و قصصه..أو دور و لف شوية عالمستعمل و ربنا يوفقك..و متنساش تكشف عالعربية في حتة كويسة قبل ما تدفع مليم و تكشف عليها في المرور..

المشاركة الأصلية كتبت بواسطة amgadatef

سلام عليكم :)

انا لو معايا 80 الف و عاوز اجيب عربيه مستعمله بس اهم حاجه تكون حالتها نضيفه عشان تعبت من اللانسر اللي معايا صراحه.

اي مقترحات؟

انا كنت بفكر في الانترا او لانسر او صني او اوبترا و انا صراحه مُفضل للالنترا

السلام عليكم ورحمه الله وبركاته شوف يا باشا انا كنت لسه فى اللى انت فيه ده وكان حدودى ال80000 بردو والحمد لله جبت النترا 2008 اوتوماتيك رشه بره الجانبين وزيرو دواخل ولو بتفكر فى النترا فى معايا ارقام ناس كتير معاهم النترا للبيع وفى منهم واحده كان عليها تامين وحالتها حلوه واهو اوفر عليك الفلوس بتاعه نزول السوق والكشف والسواد اللى انا شفته ههههههه وبردو معايا ارقام ناس معاهم تويوتا كورولا من 2003-2007 علشان بردو كان نفسى اجيبها اوى بس الحمد لله واللى نصيبك فيها هتركبها بس اهم حاجه اكشف عليهم كويس ولو انت قريب من المعادى اكشف فى البنزينه بتاعه شل اللى على الأتوستراد بعد صقر وانت رايح على حلوان محرمين جدا وبيفصصو العربيه بجد والبنزينه اصلا شكلها شغاله على الكشف بس المهم علشان مننساش كلمنى على الخاص وخد الأرقام وشكرا

المشاركة الأصلية كتبت بواسطة نادر الزغبى

السلام عليكم ورحمه الله وبركاته شوف يا باشا انا كنت لسه فى اللى انت فيه ده وكان حدودى ال80000 بردو والحمد لله جبت النترا 2008 اوتوماتيك رشه بره الجانبين وزيرو دواخل ولو بتفكر فى النترا فى معايا ارقام ناس كتير معاهم النترا للبيع وفى منهم واحده كان عليها تامين وحالتها حلوه واهو اوفر عليك الفلوس بتاعه نزول السوق والكشف والسواد اللى انا شفته ههههههه وبردو معايا ارقام ناس معاهم تويوتا كورولا من 2003-2007 علشان بردو كان نفسى اجيبها اوى بس الحمد لله واللى نصيبك فيها هتركبها بس اهم حاجه اكشف عليهم كويس ولو انت قريب من المعادى اكشف فى البنزينه بتاعه شل اللى على الأتوستراد بعد صقر وانت رايح على حلوان محرمين جدا وبيفصصو العربيه بجد والبنزينه اصلا شكلها شغاله على الكشف بس المهم علشان مننساش كلمنى على الخاص وخد الأرقام وشكرا

يا ريت تبعتلي الارقام يا باشا انا بدور علي حاجه في حدود 95 انترا او لانسر او كورولا ولك جزيل الشكر