الموضوع: A 620 2007 ولا ميجان 2006

والله الواحد تعب من الاراء المتضاربة في العربية دي وان كان الاكثر من مالكها بيشكر فيها لكن واحد جربها بيعيب فيها وواحد بتاع قطع غيار قالي بلاش تجيبها دي عربية بتدلع انا تعبت والله مش عارف اجيبها وهل هي صفقة رابحه ولا بلاش واروح اجيب فيرنا واريح دماغي بس انا مش بحبها بس كله يقولي هات فيرنا دي قطع غيارها عند البقال وكله فاهمها

اكيد الميجان دلع و شياكة و فرنساوي و حركات .... بس انت اكيد عارف ان خوازيقها كتير .... ف انت نفسك محتاج بس حد يشجعك و يقولك توكل علي الله .....

مفيش عربية حلوة في كل حاجة ولا عربية وحشة في كل حاجة ..... بس عامة الاسبيرانزا ليها صنايعيتها المتخصصين دلوقت و قطع غيارها بقت اكتر من الهم علي القلب .....

استخير و توكل و ربنا يهديك للخير ان شاء الله

المشاركة الأصلية كتبت بواسطة m i d o

مبفضلش ال 620 بسبب المحرك ال 2000 و الضريبة و استهلاك الوقود

لو حضرتك شايف دي المشكلة هقولك
1-المحرك ال 2000 مناسب للعربية جدا واستجابته مع الفتيس جميلة جدا ولا تحس بنتش ولا اي حاجه خالص ولو هنشكك في انه مش ميتوبيش جالنت مش هتفرق في حد قابلته لقيته مركب ماتور المتيبوشي الاصلي بالفتيس ب 10000 ألف جنيه يعني انا بفترض اسواء حاجه ممكن تحصل للعربية وطبعا حضرتك عارف اكثر ال 516 مغيرة مواتير وعفشة الانسر 1600
2 - الضريبة لل2007 بتعمل 750 و110 تأمين يعني كله 860 في السنة وبتنزل كل سنة 50 ج
3- استهلاك الوقد اكثر من 1600 طبعا بس مش بفارق شاسع ممكن نقول الصفيحة متوسطها من 180 - 200 او اكثر في السفر
وفعلا كل عربية لها مميزات وعيوب العربية دي مميزاتها الوسع الداخلي التكيف التاتش القوي جدا فعلا دن التأثير علي العربية في السحب والبنزين كماليات فتحة سقف ستارة كهربائية ظبط الكراس كهرباء ومريحة جدا اماكن التخزين الكثيرررة العفشة النعمة اللي مش بتحس باي شي خالص لكبر العربية غير الشاشات الشنطة الكبيرة جدا
العيب الكبيرر حجم العربية كبير فعلا في ظل الا زدحام الكبير بس قريبة للالنتر القديمة مثلا - الخامات نوعا ما مش جيدة
بس انا بحبها لو هشتري عربية مريحاني وهتلبي احتيجاتي اوتوماتيك واستبرونيك بخلاف انها صيني وبسعر في حدود 55 ألف وفبريكا موديل عالي كيلو متر قليل انا شايف انه بالنسبة ليا كويس
خصوصا انها خسرت من تمانها النص فصعب تخسر تاني حتي لو فكرت تبيعها وبالتوفيق