الموضوع: السايس والبلطجة , فى كل زنقة فى مصر فى سايس عايز فلوس بلطجة , ايه الحل ؟

المشاركة الأصلية كتبت بواسطة dodge2013

الحل ان هيئة المرافق التابعه لكل محافظه تاخد كل الباركن ده في جميع انحاء مصر

وتسعره تسعيره رسميه 2 جنيه وكل باركن يبقى واقف عليه سايس + فرد او فردين امن بسلاح

ويحبذ لو يكون السايس ابن المنطقه عشان يكون ليه ناس كتير + او يكون هوا كان ماسك الباركن ده

ويبقى للسايس مرتب على حسب اهمية الباركن اكيد مش حيقل على 1000 جنيه ومش حيزيد عن 1500 على حسب الدخل بتاع الباركن

يعني يبقى الاساسي مثلا مبلغ معين والباقي على حسب الي داخل وكل واحد يدخل من حقه انه ياخد وصل بالباركن او ان كل باركن يتحط فيه جهاز

وكل شخص ياخد كارت ( مدفوع مسبقا ) لما الواحد يركن قبل ما يطلع يحط الكارت في الجهاز يسحب ال 2 جنيه توماتيكي هههههههههههههههه عشان

السايس ميظبطش ويضرب الفلوس في جيبه وطبعا كل مكان وله تسعيره معينه يعني حيبقى فيه مناطق ب 4 جنيه مثلا خلينا ندي مثال على ال 2 جنيه

يعني لو في المهندسين الباركن لو ب 2 جنيه في اليوم فا الباركن الواحد حيركن فيه في اليوم ما لا يقل

عن 20 عربيه 20*2 = 40 جنيه لباركن واحد يعني لو الباركن يكفي 20 عربيه 20*20 = 400 جنيه ل 500 جنيه يوميا

على حسب الذروه يعني ممكن الرقم يزيد وبكده حيخش فلوس للدوله + السايس حياخد مرتب محترم

ومحد يقدر يقوله لا مش حدفع وناحية الاستفاده التانيه الي حيركن مش حيوجع راسه مع الي واقف لا

هما 2 جنيه حيدفعهم وحيبقى عارف وراضي

ده افضل حل لاكن لو قلت نجيب حد يمشيهم لو مش حتلاقي غيره جه وهكذا

لاكن لو هيئة المرافق مسكتها وبقى الباركن تابع للدوله سعتها محدش حيقدر يفتح بقه

واتحدى حد يجيب حل تاني افضل من كده d:

تعليقا على كلام سيادتكم
لدينا فى منطقتى جراج عمومى تابع لمحافظه القاهره خلف فندق شهير جدا على الكورنيش وهذا الجراج يعمل به عدد من الموظفين التابعين للمحافظه وبتذاكر مختومه وتسعيره للركن معتمده من المحافظه ولكن !!!! حدث ولا حرج الموظفين معدومى الضمير يستولون على غالبيه النقود لانفسهم بمعنى يحصلون على قيمه لركن سياره وفى مقابلها سيارتين او ثلاثه يتحصلون على قيمه التذكره لانفسهم بدون قطع تذكره الجراج وهكذا يوميا وبذلك يكون حاميها حراميها كما يقولون