الموضوع: صوت تخبيط جاااامد

المشاركة الأصلية كتبت بواسطة crazydeepman

انت مقولتش الكلام ده بيظهر من سرعه كام تقريبا
بس اعتقد النقشه متعملش كده ممكن تكون بينت اكتر العيب...انت كان عندك شغل في الاسكترا او المقصات او البطاحات؟؟ انت بتحس بالهبده جايلك منين من قدام ولا ورا؟ من التاره ولا من الدواسه؟ انت رصصت او ظبطت زوايا؟
معلش اسئله كتير بس عشان نعرف كا اعضاء نساعدك

من سرعه 40 كده ... الخبط من قدام من عند الدواسه زغالبا جلب المقصات فيها مشكله وكنت مرصص وظابت زوايا لما عملت شغل فى العفشه من 6 شهور كده

المشاركة الأصلية كتبت بواسطة a_mohamedsamir

إهتزاز الدركسيون على السرعات المنخفضه
بيكون سببه غالبا ان الكاوتش حالته سيئه إنما عيب الترصيص مش بيظهر قبل 60-70
ولما بيكون العيب من الكاوتش غالبا الرعشه بتروح لما تزود السرعه
يعنى ترعش على 40 وتروح على 60 او 70
لو ده اللى بيحصل عندك يبقى في لوحه فى الكاوتش
ونصيحه متممشيش عليه لانى تعرضت لموقف سىء وانفجار إطار بسبب اللوحه اللى فى الكاوتش
واهتم ومتكسلش وربنا يسلم طريقك

هى فعلا الرعشه بتظهر عند 40 وتختفى عند 70 كده وتظهر تانى من 100 ل 120 وتختفى بس التخبيط م اول 40 ومستمر

المشاركة الأصلية كتبت بواسطة أسامه طياره

الدركسيون اللي بيتهز ده متمشيش عليه كده خطر جداااااااا وياريت تكشف عالعربيه في اقرب وقت واركنها لحد ماتشوفها واعتقد المشكله في مسامير الدركسيون

ربنا يستر ... تسلم يا باشا

المشاركة الأصلية كتبت بواسطة speed_magnum

رجة الدريكسون يمين وشمال دي ان شاء الله مشكلة ترصيص
بس التخبيط دا معرفش بقى من ايه
وممكن يبقى الاتنين سببهم مشكله واحده
في انتظار راي الخبراء

بس الهزه على سرعه بسيطه تبقى مشكله ترصيص برده