الصراحة الاسعار الحالية لجميع موديلات هيونداى خزعبلية لما الفيرنا مانيوال وصلت ل 80 الف
والنترا والار بى خلاص الفرق بينهم وبين الهوندا والتويوتا مفيش
يبقى سحقا لهيونداى واركب هوندا وتويوتا احسن
اوووووووووووووف معلش بقى بس الصراحة اتصدمت
والله هيونداى لازم نقاطع عربياتها وصيانة بقت غالية جدا وكل حاجة بقت (....) ولا بلاش يبقى غالى بغالى واركب يابانى
:(
-ما هو ده اللي هيحصل يعني أنا لما جبت هيونداي عشان الاداء مثلا... ابدا عشان رخيصة ولكن حتى قطغ غيارها بقت غالية
-ملحوظة الياني زي هوندا سوبارو تويوتا وكده مش تقولي صني ياباني :wink10:
دى فيه بعض الناس بتقارن الكورى بالالمانى عشان قرب من سعره ههههههه لا تعليق بصراحه
ليه ماتقولش انه مفيش فرق
وكله قرب من بعضه
لو كان الياباني زي زمان اصلي وعلي ابوه
نقول ممكن يكون في فرق في السعر
لكن الياباني دلوقتي بقي
هندي وتايلاندي وفيتنامي وصيني ومكسيكي
يبقي الكور ي هو اللي اصلي
طبعا يا برنس:wink10:اقتباس:
المشاركة الأصلية كتبت بواسطة toty_305
الاسعار كلها مستفزة
يعنى الكروز الكورى الهاىلاين اغلى من الشارك اليابانى الهاف اسبورت الى بنفس الامكانيات
ولما السيراتو الكورى الهاى لاين اغلى من الاسترا الهاى لاين
ولما الاسبورتاج تبقى اغلى من الاكس فى
يبقى المنظومة كلها اتغيرت وبكره نلاقى الباسات ارخص من السيراتو!!!!!
وجهة نظر برضه فى محلهااقتباس:
المشاركة الأصلية كتبت بواسطة hugan
عشان كدا لازم نعمل وقفة, :-) :grinder:
لأن مهما كانت أعتمادية وأداء الكوري وهوا جديد, كلنا عارفين أنو بعد 5 سنين مش بيفضل محافظ علي نفس الأداء زي الأوروبي,, دي حاجة
والحاجة التانية أنو من وهوا زيرو عوامل الأمان فيه أقل من الأوروبي,,
انا مش عايز أحط صور حوادث بس أكيد معظمنا شاف شكل حوادث الكيا والهيونداي بتبقي عاملة أزاي,,
فا لما كان سعر الكوري في المعقول وبيوفور أمكانيات وكماليات كان صفقة معقولة كماليات وراحة قصاد سعر كويس بغض النظر عن الأمان,,
لكن دلوقتي فعلاً مع سعر الفيرنا الجديد وسعر السيراتو الجديد وسعر البيكانتو الجديد والأسبورتاج والريو ألخ,
وهتلاقي اللي بينزل فيهم من غير أيموبلايزر زي الالنترا !! واللي بينزل من غير abs غير في الهاي لاين زي الريو !!
لا تعليق..
قولت كده و النعمه
ما خلصتش و ازاي و انت بتهرج و الكوري اتطور سلملي علي ال 2 أير باج و الفرامل المايصه المتنكره اللي بيسموها abs في الكوري و هي ولا ليها لازمه !
يا شيخ بلا قرف !
:[1]::makeup:انا كنت في التوكيل من اسبوع الاكسنت غليت 4000 جنيه بقت اول فئه اوتو 128 الف جنيه يابلاش وهينزل منها فئه 132 الف فيها ايموبلايزر وفرامل abs واللي معاه فلوس ومحيراه يجيب هيونداي وهيشوف اخر راحهfun_10_9_134[1]
شكلك مضايق جدا من الاسعار
وعلشان اضايقك اكتر الالنترا زادت 5000 جنية من حوالي كام يوم :) :) :) :)
لنا الله
دا طبعا سببه احتكار سوق السيارات لاشخاص معروفين بالاسم يعمل اللي نفسه فيه
وماشاء الله الدولة والحكومة ولا كانها موجودة (حد فاكر انه في قرار بتخفيض الجمارك على السيارات الاوروبية 10% كل سنة من 2010 عشان تكون زيرو جمارك في 2020)
بس بسم الله ما شاء الله كل اليوم السعر ف الطالع
اي حاجة ف الدنيا قيمتها بتنقص مع مرور الزمن والاستهلاك بس المصريين غير العالم كله العربيات معنا بتزيد
اقلب العربية ولا غير ليها ربع وصدقني هتبيع بسعر اعلى من سعر الشراء
لنا الله
الموضوع ده قتل بحثا بس أحب أقولك ان مفيش فايدة!!! احنا هنفضل نشتري سيراتو والنترا وأكسنت حتى لو بقوا بنص مليون!!!
بس العجيب هنا ان ناس كتير بيهاجموا عربية زي الشارك الفاضية اللي هي أول فئة وبيقولوا ما ندفعش 133000 في عربية بلا أوبشنز... في حين ان حضرتك بتقول ان الأكسنت -حتى مش الالنترا على الأقل- بتبدأ فاضية من 128000!!!! يا للهول... يعني تركب أكسنت عبارة عن كيس هوا متحرك وضيقة جدا ومراجيح مولد سيدي العريان بمجرد ما توصل السرعة لـ100 وفوق كل ده فاضية، وتسيب الشارك اللي هيه فاضية برضه -وانا دايما مش برشح لحد يجيبها علشان كده- بس على الأقل فئة تانية خالص... اوسع واقوى واثبت بفرق خيالي وعفشة مالتي لينك وكل حاجة!!
وتسيب الامبريزا اللي اعلى حاجة فيها بـ185000 علشان تركب سيراتو بـ200000!!! ثم تطلع للفئات الأعلى بنفس الاستهبال وصولا الى الطامة الكبرى في الفئات الفاخرة وتشتري الجينيسس بمليون وربع وتسيبك بقى من الجاجوارXJ وتسيبك كمان من المرسيدس S-class ومن البي إم الفئة السابعة!!!! مع احترامي الشديد للجينيسس اللي بعشقها... بس مش كده يعني ده احنا هيجيلنا تخلف يا جماعة!!! الله يخرب بيت دي بلد!!
Following
فعلا والله كلامك سليماقتباس:
المشاركة الأصلية كتبت بواسطة ahmed travco
سبب فينا احنا حاجه تولع بروده نتشترى نقول تولع ليه واحنا الشعب عندنا واعي او ثقافه تجار مش يقدور يلعبوا بينا
المشكلة مش فى العربية و الماركة هيونداى بتعمل عربيات بجودة عالية جدا و مابتنزلش مصر ابدا و بتنافس شركات تانية كتير العيب فى مصر من وجهة نظرى جشع تجار + حكومة نايمة + شعب معندوش وعى فى الشراء
طول ما المواطن اللذيذ ماشي ورا التاجر و الصنايعي , هايفضل حاله في الهيونداي و السيراتو و الكورولا و اللانسر البومة
نفس النظرية اللي مودية المواطن في داهية في كل حاجة
علي فكرة الفارق مثلا في امريكا في حال المقارنة بين هيونداي النترا وفولكس فاجن جيتا ..... أول فئة في الإلنترا أغلي 250 دولار عن اول فئة في الجيتا
العربيات الكوري مبقتش زي زمان يا جماعة .. الكلام دة كان صحيح لحد سنة 2000 مثلا، بعد كدة المسألة اتغيرت كليا
وهل معني كدا إن الألنترا أحسن من الجيتا.؟؟اقتباس:
المشاركة الأصلية كتبت بواسطة yoyome
سواء في الصناعة أو الأمان,, :wink10:
الكوري مبقاش زي زمان أه وبقي أحسن عن زمان ممكن أتفق معاك في دي,,
لكن لحد دلوقتي موصلش لدرجة الأمان والتكنولوجيا اللي في العربيات الأوروبي,,
ومش معني أنو بقي أغلي أنو بقي أحسن.! :oops2:
حتي التكنولوجيا مبقتش علي مسافات بعيدة .. وقطع غيار الكوري الأصلية عمرها طويل والله زي الأوربي عن تجربة مع صحابي اللي ركبوا اوربي وكوري، ليا صديق في الكويت معاة باجيرو وجيتا و جي أم سي اصغر شوية من اليوكن، الأغلي في الصيانة هي الجيتا رغم انها 1600 سي سي .. تقريبا تكلفة صيانتها ثلاث اضعاف الباجيرواقتباس:
المشاركة الأصلية كتبت بواسطة leitosr
وعن تجربة سابقة مع الأوربي، فيات ورينو ... ربنا ما يوريك لما بيفتح بوقة .. بيبقي بلاعة فلوس !
بالنسبة لموضوع قطع الغيار أنا لسه قايل إن الكوري مبقاش زي زمان أه وبقي أحسن عن زمان ممكن أتفق مع أي حد في دي,,اقتباس:
المشاركة الأصلية كتبت بواسطة yoyome
يعني في الأعتمادية بقي أحسن من زمان كتير,, دي مفيش جدال عليها.
لكن لما تلاقي العربيات الكوري في الحوادث بتطلع معجونة,,
والأوروبي في حوادثها مش بتلاقي أي حاحة وصلت للكابينة,,
من هنا بقول أنو لحد دلوقتي الكوري موصلش لدرجة الأمان والتكنولوجيا اللي في العربيات الأوروبي,,
يعني عشان بقي تلاقي عربية زي الالنترا مكنش بينزل فيها أيموبلايزر غير في النسخة ال Fully loaded اللي معدية ١٥٠ ألف كلام ميرضيش حد. :oops2:
ولما تلاقي مثلاً لحد انهارده عربيات بينزل فيها أير باج وحدة بس والتانية أوبشن.! :oops2:
وعربيات تانية مش بينزل فيها فرامل abs في كل فئاتها إلا في الهاي لاين,!!!
وبيكون سعرها قرب من عربية أوروبي محترمة ركوبة وأمان.
عندك كمثال تاني البيجو ٣٠١ مانيوال أول فئة ب ١٠٧ ألف,,
عربية أقتصادية بس هتلاقي نازل فيها ٢ أيرباج وفرامل abs+ebd وأيموبلايزر,,
أيه الكلام بقي.؟؟ :-)
بالنسبة للفيات الجديد مش هقدر أفتي فيه عشان مجربتوش ومش مع حد اعرفه,,
والرينو وباقي الاوروبي عموماً لو أتعملها صيانتها في معادها هتعيش ومهياش غالية زي ما بيتقال عليها.
لأن مع أسعار الكوري الجديدة كله بقي محصل بعضه.!!
وأي عربية سواء أوروبي او كوري أو صيني لو حصل فيها أهمال هتفتح بقها.
طبعا مسألة الأمان لا يزال الأوربي متفوق وحاطط حدود دنيا محدش يقدر ينزل عنها، ودة تقريبا اللي بيضيع ميزة الـ 10% الخصم الجمركي علي الأوربي ... وكمان لازم تحسب فارق تكلفة النقل من شرق أسيا والتأمين علي الشحناتاقتباس:
المشاركة الأصلية كتبت بواسطة leitosr
كمان تكنولوجيا أعلي تعني عامل ومعدات صيانة مصروف عليهم اكتر في التكاليف الثابتة للتوكيلات ومراكز الصيانة ... صدقني هي محسوبة بالشعرة لو حسبت علي عمر افتراضي 10 سنوات من الإستخدام
وتيجي بقي أخر نقطة وهي ان اصحاب التوكيلات أغلبهم رجال اعمال مرضي عنهم من فوق ... وبلاش ندخل في السياسة والبيزنيس علشان هنفتح موضوع طويل، بس معلومة كدة عالماشي، هل تعلم ان موضوع استيراد عربية مستعملة من الخارج انت مش مالكها الأول اتغير مخصوص علشان وجية أباظة ؟
بس خلى بالك انتا بتقارن الاوربى بالكورى اللى فى مصر وده غلط مع احترامىاقتباس:
المشاركة الأصلية كتبت بواسطة leitosr
الاوربى زى ما بينزل في بلاده بينزل في مصر وان حصل اختلاف بيحصل فى الاوبشنز
على خلاف الكورى بينزل متغير علشان يناسب مصر يعنى الار بى او الالنترا اللى بتزل مصر بتنزل مختلفة فى الموتور ( تخيل بقى ) ومختلفة فى الاوبشنز ووسائل الامان يعنى كانها عربية تانية غير الاصليه كل التشابة بين اللى بتنزل مصر واللى بتنزل بره فى البودى بس
عندك حق في حاجات أه وحاجات لأ,اقتباس:
المشاركة الأصلية كتبت بواسطة khaabas
مش كل الأوروبي اللي بينزل في بلادة بينزل في مصر,, لأن معظم الأوروبي برة بينزل فيه esp و 6 أيرباج,
هنا معظم الأوروبي بينزل 2 أيرباج بس ومفهوش esp,
مش كله طبعاً,, بس بقول المعظم..
نيجي بقي للحتة اللي أنا متفق معاك فيها, إن الكوري في أوروبا غير اللي مصر,, ودي حقيقة.
الكيا والهيوتداش متقدرش تنزل عربية هناك مفهاش abs ولا 2 أير باج علي الأقل عشان ينفع تتباع هناك,,
حتي الكيا دلوقتي بتنزل في بريطانيا بضمان 7 سنين,, ودا عشان العربيات بقت أعتمادية عن زمان ودي حقيقة,,
لكن اللي أنا معترض عليه في مصر أن وكلاء الشركات بتستهزء بالمشتري المصري,,
لما تلاقي سعر الفيرنا بيزيد,! والالنترا وهيا كانت بتنزل مفهاش أيموبلايزر وسعرها داخل في 150 ألف وبتتسرق بسهولة هيا والسيراتو,
ولما تلاقي عربيات زي الريو برضه مش بينزل لك فيها abs في الفئات المانيوال والفئات الاولي من الأوتوماتيك,!!
وعشان تجيب الهاي لاين هتلاقي أسعارهم بقت أغلي من عربيات أوروبي فيهم abs و2 أير باج علي الأقل.!!!!
طبعاً دا هيخلي الكوري مرفوض في الحالة دي أنك تشتريه بسعر الأوروبي أو قريب منه وهوا مفهوش نفس عوامل الأمان,,
دا غير أن مجمل العربية كا بودي وشاسية مش زي الأوروبي في التصميم.!
لا معلومة جديدة عليا, ومش فاهمها كويس,اقتباس:
المشاركة الأصلية كتبت بواسطة yoyome
ياريت توضحها لي.
هو اللي في مصر كلة وضعة نيلة مقارنة حتي بالخليجي .. لكن كمان في حدود للجودة بتشترطها الشركات ... خد بالك ان هنا كل قطعة بيتدفع عليها جمرك، حتي حزام الأمان علية جمرك .. وفرق المواتير طبيعي وبيضطروا يحطوا مواتير متخلفة علشان تمشي بنزين 92 لأن الفارق رهيب بين 92 و95 !!اقتباس:
المشاركة الأصلية كتبت بواسطة khaabas
في اواخر السبعينات كان في تجار بينزلوا الـ 504 مستعملة من أوربا تقريبا بنص سعرها في السوق المصري وكسبوا منها كتير خاصة ان كان خلاص انتاجها في أوربا انتهي وبدأت الـ 505، غير ان في دول في أوربا مكانتش بترخص العربيات اكتر من 10 سنين تقريبا، فبعد شكاوي من وجية اباظة تم وضع حد لموضوع الموديل والمالك الأول وقفلوا تماما القصة دية ... المعلومة دية من واحد صديق والدي كان بيجيب البيجو من فرنسا والنمسا وقتها والبيزنيس بتاعة باظ بسبب دةاقتباس:
المشاركة الأصلية كتبت بواسطة leitosr
اقتباس:
المشاركة الأصلية كتبت بواسطة ahmed travco
كلام سليم + التخلف موجود أصلا بس المشكلة أنه بيزيد وبيعدي والناس هتفضل تشتري النترا وسيراتو ولو وصلت ل 300 الف
ياجماعة لو شوفتوا كل اللى احنا فية دية سببة حاجة واحدة بس
ان الشعب المصرى ماشى بمبدأ " الانطباع الاول يدوم "
الميكانيكية من زمان وملاك هيونداى القدامى , كانت العربيات قطع غيار رخيصة وزى الفل واى حد بيصلحها
فدلوقتى تنزل تشترى عربية وتخير اى حد مش متابع السوق وماشى على افكار زمان , اى حد هيقولة الكلمتين دول
يابنى خليك فى الكورى سعرة حنين , وقطع غيار رخيصة , وعند البقال , واى حد يصلحها , ويوم ماتحب تبيع الف مين يشترى وانت حاطط رجل على رجل وبأى حالة
مش دة اللى بيحصل
طيب تعالى اقولكوا كمان تأكيد لكلامى , روح اسأل كدة اى حد على فورد فوكس 2010 ولا النترا 2010 ز سيراتو , هيقولك ياعم الفورد حلوة اة بس قطع غيار نار ودوخ علييها وسوقها ضايع
تعالى بقى للكلام العملى هتلاقى ان قطع غيار الفورد فوكاس 2010 مثلا اقل فى حاجات كتير من الكورى مع اضافة بقى عامل الراحة + الثبات + الاوبشن والامان + الخامات
يعنى من الاخر شعب ماشى على المعتقدات القديمة
انا الصراحة نفسى اركب عربية كورى تغير وجهة نظرى عن الكورى لكن حتى الان مافيش, انا مش متخيل الصراحة ان عربية بالاداء دة وادفع فيها 200 الف جنية
اقتباس:
المشاركة الأصلية كتبت بواسطة leitosr
دى قطع غيارها عن البقال هههههههه و بتبقى قطع غير اصليه اى صناعه عشان كده سعرها اقل شويه لكن لو هتشترى من التوكيل شوف السعر هتلاقيه فى رينج الاوروبى و الاوروبى اغلى بعض الحاجات و الكورى اغلى فى بعض الحاجات
اقتباس:
المشاركة الأصلية كتبت بواسطة kareem.elaraby
انا لسه من فتره قريبه حوالى شهر مظبط منظومه الفرامل عندى تظبيطه محترمه فيات 131 ( طنابير و تيل ورا و قدام و زيت فرامل و غسيل الهباب و مساتر و الدنيا خربانه ) الحمد لله طبعا الفرامل ادائها كويس جدا المهم امبارح واحد بلانسر بوما كان ماشى فى حدود 60 و انا فى نفس السرعه تقريبا ومسافه فى حدود 5 متر واحد بتريسكل جى عكس قفل على بتاع البوما فرمل جامد وقف و انا فرملت جامد وقفت وراه بعديها ثانيتن بالضبط سمعت صوت صريخ و لقيت واحد بفيرنا تررررررخ خبطنى من ورا انا نازل و عارف ان مش هيكون فيه حاجه عندى ببص مفيش حتى خدش فى الاكصدام الحمد لله ببص على الفيرنا حدث ولا حرج اكصدام امامى طار و اتشرخ و حاجات غريبه و شكلها مبقاش ينفع من قدام اصلا طبعا هو الغلطان مقالش حاجه ولا انا و مشيت و سلملى على الفرامل هو اصلا لو فرامله قويه و محترمه مفيش حاجه كانت حصلت
يا جماعة الموضوع عرض وطلب المصريين عندهم تراث ان الكورى ارخص حتى بعد ما الاسعار ولعت برضوا هايشتروا كورى... (عندنا زاكرة السمك)
والكوريين عارفين احنا عايزين اية بالظبط وبيعملوة وغبور بيعرف يلعب كويس والاخر عرض وطلب والكورى هيفضل اكتر مبيعات
كنت جايب الفيرنا فول اوبشن مانيوال 2009 ب69500 كويس انى لحقتها بالسعر ده انما 80000 حرام بجد على ايه يعنى.
هيونداى sant fe اغلي منbmw x3 بحوالى 100 الف طب ليه وازاى ؟؟اقتباس:
المشاركة الأصلية كتبت بواسطة Ahmed TRAVCO
الـSanta Fe 2013 ب730 الف بموتوتر 3300 سي سي... وكانت في السعودية بـ67 ألف ريال بموتور 3500 سي سي... ايه رأيك بقى؟؟؟اقتباس:
المشاركة الأصلية كتبت بواسطة freedom_2010
هيطلعلنا واحد يقولك أصل الجمارك على المواتير الأعلى من 1600 بتبقى 135% قبل الرسوم التانية... والبي إم بتتقفل في مصر فمفيش جمارك عليها...
أوكي تمام... بس ينفع السانتافي تتباع في السعودية ب67 ألف ريال في نفس الوقت اللي الX3 هناك كانت ب190 ألف ريال (قربت على 3 أضعاف)؟؟ ونيجي احنا هنا نشتري الأولى ب730 ألف في حين الX3 2014 كمان عاملة 580 ألف؟؟؟
ايه ده؟؟؟؟
طول ما الناس بتشتري
العربية هتغلي اكتر حتي لو العملة بقي ب 2 جنيه مش 7
مجرد رأي
دي مش ذاكرة سمكاقتباس:
المشاركة الأصلية كتبت بواسطة drcobra
دول حافظين مش فاهمين
الكوري قطع غياره ارخص و اي حد يشتغل فيه
هل ده لسه حقيقي بقى ولا لأ مش مهم :-)