السلام عليكم ورحمة الله
الشتا داخل علينا وهنبدأ نحتاج التكييف السخن
وفية ناس التكييف السخن شغال عندها تمام فمش هيحتاجو الموضوع دة
وفية ناس السخن عندها ملغى
والسبب غالبا ان بيكون فية تسريب مية جوة العربية فى الدواسة
تروح للميكانيكى عشان يصلحلك العيب
فالميكانيكى يستسهل ويروح قايلك كلمتة المشهورة :
الغى السخن ياباشا ملوش لازمة
http://www10.0zz0.com/2013/11/13/17/450042280.jpg
وطبعا الميكانيكى بيقول كدة من باب الاستهال لا اكثر
لان السربنتينة مكانها مزنوق ومقرف شوية
والحقيقة هيا ملهاش لزمة فى فصل الصيف فقط
لكن اول ما الشتا يدخل هتحتاجها ضرورى جدا
والا هتضحى بميزة كويسة الشركة عاملها فى العربية وهتلجأ للطرق البدائية للتدفئة فى الشتا
تقفل الازاز ولو الجو كتم فى الصالون تنزل الازاز حاجات بسيطة ويجيلك سرسوب هوا سقع من برة دة غير الدوشة اللى بيعملها فتحة الازاز 2 او 3 سم عشان النفس
وبكدة بقيت زيك زى العربيات موديلات السبعينات فى طريقة التعامل مع الجو الساقع فى فصل الشتا
وطبعا دة مش حل
الحل انك تفك السربنتينة بتاعة السخن وتطلعها وتشوف اية اللى فيها وتصلحها وتركبها تانى
ودة اللى هنعملة دلوقتى خطوة خطوة وبالصور
الاول هنفك الكونسولة بتاعة فرامل اليد
هتطلع الجوز كراسى لقدام وتفك المسمارين دول
http://www10.0zz0.com/2013/11/13/17/623826716.jpg
http://www10.0zz0.com/2013/11/13/17/747089587.jpg
وبعدين هترفع فرامل اليد لفوق خالص
وترفع الكونصولة من ورا وتعديها من فرامل اليد وتطلعها
http://www10.0zz0.com/2013/11/13/17/889868482.jpg
وبعدين تخش على الفتيس
وتشد الفرام بتاعة لفوق هتلاقية طلع فى ايدك
وتقلبة وتشوفة من تحت ماسك بافيز او اى حاجة تانية
وتفكها وتطلع الفرام بالجلد برة خالص
http://www10.0zz0.com/2013/11/13/17/190600559.jpg
http://www10.0zz0.com/2013/11/13/17/786429520.jpg
وبعد كدة تخش على ال3 مسامير اللى ماسكين الكونصولة بتاعة الفتيس
واحد بين الكرسيين
وواحد جنب رجلين السواق
وواحد جنب رجلين اللى قاعد جنب السواق
http://www10.0zz0.com/2013/11/13/20/144076969.jpg
http://www10.0zz0.com/2013/11/13/20/120307589.jpg
http://www10.0zz0.com/2013/11/13/20/893820268.jpg
وتسحب الكونصولة لفوق
بس بحرص عشان لسة الطرفين الكهرباء بتوع الولاعة لسة راكبين
هتفكهم من بعض وبعدين هتطلع الكونصولة
http://www10.0zz0.com/2013/11/13/20/970872374.jpg
http://www10.0zz0.com/2013/11/13/20/533631721.jpg
وهيكون دة الشكل النهائى
http://www10.0zz0.com/2013/11/13/20/902995369.jpg
وهنبدا نفك علبة التوزيع بتاعة الهوا اللى بتبقى على اقدام السائق واللى جنبة
هنبدأ بالمسامير الواضحة
http://www10.0zz0.com/2013/11/13/20/299746665.jpg
وبعدين هنشتغل على المسامير اللى مش واضحة
وعشان زاوية التصوير صعبة
او بمعن اصح لو انا صورتها فانت مش هتفهم هيا فين بالظبط
فانا هثبت المفك او البيبة 7 وهصور عشان تبقى فاهم مكان المسمار فين
http://www10.0zz0.com/2013/11/13/20/515636170.jpg
وبعدين هنروح الناحية التانية
عند الى راكب جنب السواق
وبرضو نفس الطريقة للمسامير اللى مش واضحة
http://www10.0zz0.com/2013/11/13/20/853638070.jpg
http://www10.0zz0.com/2013/11/13/20/751394452.jpg
http://www10.0zz0.com/2013/11/13/20/289447624.jpg
بعد ما تخلص هتلاقى الغرفة الاخيرة بتاعة توزيع الهوا على الاقدام نزلت لتحت
احتمال تحتاج منك بعض المساعدة فى السحب والتسليك لتحت ودة شكلها الاخير لما نزلت
http://www10.0zz0.com/2013/11/13/20/297100545.jpg
http://www10.0zz0.com/2013/11/13/20/383442043.jpg
بعد كدة هيفضل عندك مسمارين اوعى تفكهم
لانك لو فكيتهم هتتسحل بكل ما تحملة الكلمة من معنى عشان تقفل العلبة تانى
واحد جنب دواسة البنزين وهحط لك المفك علية عشان تبقى عارفة بس متفكوش
والتانى عند رجلين اللى راكب جنب السواق وهحط لك فية البيبة عشان تبقى عارفة ومتفكوش
http://www14.0zz0.com/2013/11/17/10/937356963.jpg
http://www14.0zz0.com/2013/11/17/10/431646792.jpg
هنا كدة هتبقى المسامير كلها خلصت
مش هيتفضل غير انك تنزل الفبرة لتحت
بس خلى بالك
الفبرة دى مش هتطلع خالص
الفبرة دى هتنزلها لتحت وتسحب منها سربنتينة السخن
بس قبل ما تعمل الكلام دة
هتنزل تحت العربية
وتفك المسمارين اللى تحت اللى ماسكين وحدة التكييف بالكامل عشان توسع لك شوية وتسمح لك انك تعرف تطلع سربنتينة السخن
هنرفع العربية
وننزل تحتها نفك المسمارين دول
http://www10.0zz0.com/2013/11/13/20/183159702.jpg
وبعد كدة هتلاقى شفة حديد ماسكة السربنتينة بتاعة السخن من فوق ......انطرها بالمفك العادة
http://www14.0zz0.com/2013/11/17/10/662455822.jpg
وبعد كدة هتبدأ تسلك العلبة الاخيرة وانت بتنزلها لتحت من الضفيرة بتاعة الكهرباء
وخلى بالك الموضوع دة محتاج صبر عشان متبوظش حاجة فى الضفيرة
هتنزل العلبة بايد وهتسحب السربنتينة بتاعة السخن بالايد التانية
http://www10.0zz0.com/2013/11/13/20/154883547.jpg
http://www10.0zz0.com/2013/11/13/20/951159144.jpg
ونبدأ بصبر وبحرص
نسحب السربنتينة من جوة العلبة
http://www10.0zz0.com/2013/11/13/20/495007944.jpg
http://www10.0zz0.com/2013/11/13/20/191318115.jpg
http://www10.0zz0.com/2013/11/13/20/437854233.jpg
هنا هنشوف ان ماسورة من الماسورتين متاكلة خالص
والحقيقة انا عارف الموضوع دة من اول الصيف اللى فات
بس كنت مكبر دماغى علشان انا مش هحتاجها طول فصل الصيف
لكن اول ما الشتا دخل قلت ضرورى اعملها علشان اعرف اشغل السخن واخلط سخن على بارد واستمتع بالتكييف الدافى
انا كدة خلصت فك
هروح ادور على حد بيبيع مواسير المونيوم نفس القطر الخارجى 19 مم وهفور الماسورتين بالمرة بما انى فكيت وهلحم ماسورتين جداد عند اى ورشة فيها لحام ارجون (لحام الالمونيوم اسمة كدة)
وهصور الكلام دة وهقولكم على التكلفة وبعدين احتمال اقفل يوم السبت او الاحد وهصور بردة التقفل وهقول عل كل الملاحظات اللى ممكن تقابل اى حد وهوة بيعمل الشغلانة دى
وبالنسبة ليا التكلفة كلها هتكون فى حتتين الماسورة واللحام
وهبقى ابلغكم وبالصور زى ما قلت
ملحوظة اخيرة
كل العدة اللى احتاجتها كانت مفك صليبة عادى ومفك صليبة قصير طولة 7 سم وبيبة 7
http://www10.0zz0.com/2013/11/13/20/124763472.jpg