الموضوع: حاجة غريبة حصلت في 301

المشاركة الأصلية كتبت بواسطة leitosr

التكتكة بعد ما العربية تدور ممكن تكون من علبة الفيوزات,,
وممكن تكون بسبب إن الموتور شغال علي 3 سلندر بسبب البوجيه اللي فاصل أو ال misfire اللي حاصل,

المروحة ممكن تفضل شغالة بعد ما العربية تفصل وتشيل منها المفتاح,, ودا بيكون طبيعي في حالة أنك ترجع من مشوار طويل وتكون درجة الحرارة عالية جداً,,
هتفضل المروحة شغالة شوية حوالي من 5 - 10 دقايق بعد كدا تفصل.
وهتلاقي دا مكتوب في الكتالوج, يعني لو مكنتش فصلت البطارية وسيبتها من 5 ل 10 دقايق كانت هتفصل لوحدها.

بس عشان تشتغل معاك وهيا باردة, دا هيكون في الغالب بسبب البرجلة اللي حصلت معاك,
لأن ساعات كتير بيكون فيه عيب ويسمع في عيب تاني أو حاجة تانية ملهاش علاقة بالمشكلة الأساسية,,

فأنت لما تروح لهم وتحكي لهم اللي حصل هما هيشوفو علي الكمبيوتر العربية مسجلة خطأ أيه,,
وأطلب منهم يكشفو علي سينسور الحرارة و علبة الفيوزات والتوصيلات اللي داخلة فيها من البطارية لأنها في الغالب السبب.

ربنا يخليك لينا وما يحرمناش من ذوق حضرتك
وجزاك الله عنا خير الجزاء

بص ياباشا الكلام الي انت بتحكي عنه ده حصل معايا بالضبظ..ومرتين كمان مش مره واحده ولما روحت التكويل علي حسب كلامهم هناك المشكله في سوفت وير بتاع البوابه..والي انا ملاحظه الي الان في البيجو 301 انهم مش عارفين يظبطوا السوفتوير مه نوعيه البنزين الي عندنا فهتلاقي المشاكل دي بتظهر كتير
علي العموم انت هتروح وهيخدوا منك العربيه وهينزلوا للعربيه اخر تحديث للسوفتوير وهتستلم العربيه ومش هتلاقي المشكله دي ان شاء الله