الموضوع: كيفية فك عوامة البنزين

بسم لله
كان عندي مشكلة زي ما البعض منكم عارف وهي ان المؤشر عندي مرحل 10 لتر ورا دا غير انه مابيوصلش لـ 60 لما أفول
فقولت امبارح اختبر العوامة واشوف بتقرى صح ولا لأ
بداية يفضل تعمل الموضوع ده والتانك فيه 20 لتر على الأكثر



































--------------------------------------
الكلام اللي جاي خاص بالصورة اللي تحته
--------------------------------------
الجوان أو المحبس الحديد ، هاتحطه بنفس الوضع ده ، لاحظ ان ودانها كلها قبل الكلبسات الثابتة المجوفة
زق بايدك على غطاء الطرمبة عشان ماتتحركش من مكانها وفي نفس الوقت لف بايدك التانية المحبس الحديد عكس عقارب الساعة عشان الودان تدخل في الكلبسات المجوفة
وأول ماتدخل سنة بسيطة ، كمل بالمفك العادة بنفس الطريقة اللي فكينا بيها ، لغاية اما تبات كويس في الكلبسات الحديد المجوفة




============================================

نيجي بقى لـ مشكلتي

خرجت العوامة برا واختبرتها يدوي وبعد كدا ركبت فشتها وفيشة غطاء الطرمبة وابتديت احط الدراع على مقاس معين وافتح كونتاكت على التكة التانية واشوف المؤشر قرأ كام
جربت اخر الدراع والمؤشر وقف على 60 وجربت أول الدراع وقرأ 0 وجربت على النص وقرا 30 تقريبا
دا غير ان حركة الدراع سلسة ومافيش اي عائق
يبقى العوامة سليمة والدراع مظبوط ؟ اومال فين المشكلة ؟

لما ركبت العوامة جوا الطرمبة وركبت فيشتها ، قولت اما اشغل كونتاكت واشوف هاتقرا كام، والمؤشر وقف عند فوق 10 لتر بسنة بسيطة جدا
لما قفلت بقى كل حاجة وشغلت اجرب عشان اشوف العربية هاتدور ولا لأ
لاحظت هنا ان المؤشر وقف تحت 10 لتر بسنة
يبقى كدا فيه حاجة
فكيت تاني وقست من غير اما اربط غطاء الطرمبة لاقيت المؤشر رجع تاني فوق 10 لتر بسنة
وهنا تكمن المشكلة ، تقريبا كدا لما بقفل غطاء الطرمبة بتكبس بالخراطيم البنزين الجلد من تحتها على طرمبة البنزين وبتخليها تميل وبالتالي العوامة بدورها تميل معاها ، عشان كدا القراية بتكون غلط
دخلت الخراطيم على الجنب وقفلت غطاء الطرمبة وكبسته من غير اما الف المحبس الحديد ، وجربت ، لاقيت المؤشر وقف عند 10 بالظبط ، قولت تمام ودا كدا مرضي بالنسبة لي ، واما اجرب الصبح
ربط كل حاجة مكانها
والنهاردة الصبح بعد التفويلة ، ديه صورة المؤشر



أسمع بقى أحلى زغروطة :)

إبداع في الشرح ، وبساطة في العرض ومجهود يستحق الشكر
تحياتي للأستاذ محمود ، وفي انتظار المزيد
جعله الله تعالى في ميزان حسناتك