استفسار بخصوص عمل مفتاح لبيجو 301

**m.basha** · 15-11-2013 01:43 AM

السلام عليكم كنت عايز اطلع مفتاح ثالث للعربية عشان اسيبه مع حارس العمارة لانى بركن فى جراج تحت البيت و معايا عربيتين كمان فالحارس بيطلع و يدخل عربيتنا بدل ما كل شويه ننزل نعمل كده المهم انا بصراحة خايف اسيبله المفتاح الاسبير بتاع العربية عشان ما يضعشى او يبهدله و كنت عايز اعمل مفتاح كده مشى حاللك يعنى و كنت سمعت ان الورقة اللى بتيجى مع المفتاح اللى مكتوب عليها رقم دى مهمة لو عايز تتطلع مفتاح تانى عشان ده رقم الشفرة بتاع المفتاح مش عارف الكلام ده مظبوط و لا ايه عشان بصراحة مش لاقى الورقة ده غالبا ضاعت منى و ياترى المفتاح ده حايتكلف كام و شكرا لحضراتكم

**ِA.Elsobky** · 15-11-2013 01:54 AM

مش هينفع تعمل مفتاح مشى حالك علشان الايموبيليزر سيستم مش هيخلى المفتاح المشى حالك يشغل العربيه .. فا نصيحه بلاش :]

**Akram.Gamal** · 15-11-2013 03:33 AM

لا ياباشا الورقه دى مينفعش تضيع
دور عليها و هاتها من تحت الارض افضلك طالما عايز تعمل مفتاح

ده موضوع فيه عناوين كتير للناس بتوع عمل المفاتيح يعتبر موسوعه
http://www.nilemotors.net/Nile/22724-a.html

و اقرا الموضوع ده فيه معلومه مهمه كده شوف صاحب العربيه عمل حجات قد ايه بسبب عدم وجود الشفره دى
http://www.nilemotors.net/Nile/356010-4.html

ولو على المفتاح لا سهله مفهاش حاجه صعبه هو بس هيبقا غالى سيكا حشان الايموبلايزر

**eleanor** · 15-11-2013 05:10 AM

عادى لو الورقه ضاعت بياخد الملفات من المفتاح وبينقلها على مفتاح تانى بس يستحسن تعمله فى التوكيل حتى لو غالى شويه بس اامن للعربيه وليك

**saddam** · 15-11-2013 12:28 PM

صديقي المواطن
أنا لست من هواة نسليم نسخة مفتاح ﻷي حد وتحت أي ظرف ولكن براحتك حتروح لعزب في شارع السودان مقابل محطة موبيل حيعمل ليك مفتاح إحتياطي لعربيتك ومش حتزيد الكلفة عن 400 جنيه وجايز أقل ومش مهم لو مش معاك الكود
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال