الموضوع: استفسار بخصوص زيت الاوتوماتيك لبيجو 406

لا ياباشا بيتغير كل 60000 كيلو وانا متاكد وفعلا تمن التر 175 جنيه وبتغير 8 لتر كل 60000 يعني كل 3 سنين .

معلش يا باشا على حسب معلوماتى بيتغير كل 20 الف فعلا وده على لسان المهندس محمد صلاح ال بصراحة بعتبره دكتور البيجو فى مصر
وبتغير علبتين كل علبة 2 لتر تمن العلبة حاليا 325 ساعات كان بيغلى مرة 350 ومرة 375 ووصل 400 فى فترة
هو الفتيس بياخد 8 لتر فعلا بس بتغير 4 بس 8 ده فى حالات معينة لما يكون فى مشاكل فى الفتيس او بتغير نضافة وانت شارى العربية جديد
بالنسبة للترخيص
زى اى عربية هو ال غلى بس هو تنمية موارد الدولة ودى فى العربيات ال 2000 سى سى 1000 بتقل 50 جنيه عن كل سنة فاتت انت 2003 يعنى 7 سنين يبقى هتخصم 350 يبقى 650 ضيف عليهم التامين الاجبارى وباقى المصاريف هتدخل فى حوالى 900 جنية ده بالنسبة للمصاريف السنوية
غير طبعا مصاريف الشهر العقارى حاول تجيب الشهادة بتاعة الانتاج المحلى للعربية عشان بتقل مصاريف الشهر العقارى للنص تقريبا

الصفيحة ان شاء الله تعمل جوه البلد من 180 ل 200 كم وبره تعمل حوالى 250
وان شاء الله لو العربية مظبوطة اوى تعمل اكتر من كده شوية

المشاركة الأصلية كتبت بواسطة meteosat101

كده ممتاز طيب شويه اسئله كده سريعه :
1- ايه موضع الزيت الى ب 175 دا وهل هوا بيجو ؟
2- مصاريف 900 جنيه كتير انا عربيتى 1600 وحوالى 400 جنيه وموديل 2006
مافيش اى حاجه تتعمل بحيث تقلل من القيمه دى ؟
3- ازاى اجيب شهاده المنتج المحلى وهيا عربيه فرنساوى مش تقفيل وجيه اباظه

ماهو استاذ محمود يقصد ان اللتر ب175 يعنى العلبة ب 350 وانت بتحتاج علبتين يبقى 700 هى رخصت شوية دلوقتى وبيعملوا حوالى 650
مع ان الزيت ده فى اوروبا تمنه 11 يورو للعلبة شفت بقى ال بيحصل فينا فى مصر
بالنسبة للمصاريف دى مالهاش دعوة بنوع العربية ولا موديلها اى عربية 2000 سى سى كده هما خلوا الترخيص لحد 1600 سعرها معقول بعد كده لو زاد سى سى واحد تدخل فى شريحة تانية ال ايه انت كده بقى من المرفهين وبتركب 2000 سى سى
ومالهاش حل دى ضريبة ولازم تتدفع الحسنة ال فى الموضوع ان كل سنة بتقل 50 جنيه يعنى ان شاء الله بعد 16 سنة هتدفع الحد الادنى وهو 200 جنيه بدل 1000 يكونوا اخترعولنا حاجة جديدة
لو العربية مصرى الشهادة دى بتبقى مع المالك او ممكن تجيبها من المرور احتمال تلاقيها فى الملف بتاع العربية

لو العربية فرنساوى مقدرش افتي بقى هل ممكن تعدى عليهم ويعتبروها مصرى بما ان معظم ال 406 مصرى ولا هما بيعرفوا من رقم الموتور والشاسية لان الارقام المصرى بتختلف