هاغير نوع الزيت ... أتخلص من آثار الزيت القديم إزاى ؟؟

طبعا زى ما قلت لحضراتكو إن زيت شل الأصفر مش مظبوط معايا خالص فى آخر ٣ غيارات .. ولله الحمد حاله الموتور معايا كويسه جدا وحرام أبوظه بزيت مضروب

بعد بحث عن أنواع الزيت والسؤال إستقريت الحمد لله على كاسترول ماجنتك نصف تخليقى بيمشى عشر آلاف كيلو طبقا لتوصيه شركه التصنيع
وطبعا عندهم كذا صنف زيت بس هما رشحولى الزيت ده بعد ما قلتلهم مواصفات عربيتى

ودى صوره عبوه الزيت

http://www11.0zz0.com/2013/11/15/00/664630629.jpg

وده لينك المنتج على موقع الشركه

Castrol Arabia : Magnatec

لزوجه الزيت 10w/40 ... وفيه ميزه جديده انه مش بيحتاج العربيه تسخن عشان يوصل لكل أجزاء المحرك .. يعنى تدور وتطلع على طول عادى .. بس أنا بأمر الله هاسخن شويه برضو
موضوع الجزيئات الذكيه ده مش فاهمه أوى بس طبعا هاعمل تقرير بالنتايج بأمر الله لما أجربه
الزيت جبته من موزع معتمد فى مدينه السادات جنبى تليفونه على موقع الشركه وجبته بسعر كويس ٢١٥ جنيه للعبوه ٤ لتر

إن شاء الله هاروح بكره أنزل الزيت وأغير الفلتر ... والسؤال المهم هنا هو إزاى أنظف الموتور من آثار الزيت القديم عشان ما يبقاش له أى أثر مع الزيت الجديد
سمعت عن حاجه اسمها فلاش أويل بس غالبا مش هلاقيها عندى .. يا ترى إيه المطلوب فى الحاله دى

شكرا مقدما لجميع الزملاء

لسا باصص عليه امبارح وانا بفول من بنزية تاقة TAQA اللي على الدائري وفعلا هو SN وبالتالي ده أحسن من وولف اللي في نفس فئته واللي هو Wolf ExtendTech 10W40 HM لأنه SM

موضوع الميزة ديه في أي زيت تركيبي وهي درجة لزوجة الزيت الأولى كل ماتبقى قليلة كل ماتبقى أحسن للموتور البارد لأن الزيت بيبقى خفيف وبالتالي بيوصل لأجزاء الموتور بسهولة وبسرعة وبالتالي وقت أقل في تسخين العربية

اويل فلاش هاتحطه على الزيت القديم وتسيبه 10 دقائق تقريباً وبعد كدا تفضي الزيت
دور عليه في أي بنزينة

على فكرة كنت ناوي أغير لـ وولف المرة ديه 10w40 ، بس لما لاقيت إنه الـ API بتاعه SM في ظل إن كاسترول ماجنتك 10w40 مستوى خدمته SN ، فابالتالي هانفض لـ وولف

ممكن اما تنزل الزيت القديم تجيب اى زي رخيص و تحطه فى العربية كيلو حتى كفايه
و تدور العربية 5 دقايق كده و خلاص و تنزله هيجيب كل بواقى الزيت الى كان موجود و شكراا

اقتباس:

---

المشاركة الأصلية كتبت بواسطة maam

لسا باصص عليه امبارح وانا بفول من بنزية تاقة taqa اللي على الدائري وفعلا هو sn وبالتالي ده أحسن من وولف اللي في نفس فئته واللي هو wolf extendtech 10w40 hm لأنه sm

موضوع الميزة ديه في أي زيت تركيبي وهي درجة لزوجة الزيت الأولى كل ماتبقى قليلة كل ماتبقى أحسن للموتور البارد لأن الزيت بيبقى خفيف وبالتالي بيوصل لأجزاء الموتور بسهولة وبسرعة وبالتالي وقت أقل في تسخين العربية

اويل فلاش هاتحطه على الزيت القديم وتسيبه 10 دقائق تقريباً وبعد كدا تفضي الزيت
دور عليه في أي بنزينة

على فكرة كنت ناوي أغير لـ وولف المرة ديه 10w40 ، بس لما لاقيت إنه الـ api بتاعه sm في ظل إن كاسترول ماجنتك 10w40 مستوى خدمته sn ، فابالتالي هانفض لـ وولف

---

هو الشل الاصفر عامل معاك ايه ؟؟ بصراحه عندى زى الزفت وعشان كده قررت اغيره .. هاشوف ده ظروفه ايه واقولك
ولما تروح بنزينه طاقه تانى ابقى اسألى على سعره هناك

صديقي المواطن
الخلاصة والصح في تنظيف داخل المحرك بعد خبرات في مئات العربيات وشددلي على مئات فالصح ولتلافي كل المشاكل وكل العيوب في عمل الفلاش فحتعمل التالي لكن حتصرف فهل أنت مستعد ؟
بص يا سيدي حتجيب عدد 2 فلاش وده سعره من 10 إلى أنواع توصل 25 جنيه حتجيب 2 وبعدين تجيب فلتر زيت بتاع عربيتك بس نوع أي كلام وتجيب عدد 2 جركن تعاون أبو 46 جنيه يعني 8 لتر زيت فشلنجي وإنتبهلي للتالي
حتنزل الفلتر والزيت القديم مباشرة وتركب الفلتر الفاشل مع 3 لتر زيت أي كلام وتدور لمدة 5 أو 10 دقائق على السلانسيه حسب ما مكتوب على العلبة فيه 5 دقائق وفيه 10 دقائق ولكن آخر دقيقة تدوس بنزين على رقم 2 ومتزودش عن كده ولمدة دقيقة واحدة فقط وبسرعة ومباشرة تخليه ينزل الزيت وبعد كده تحط فلاش و3 لتر تاني وتعيد كل الكلام أعلاه بالظبط ثم تنزله بسرعه وتحط في اﻵخر 2 لتر الباقي زيت من غير فلاش وتدورها 10 دقايق ثم تفتح الطبه وتسيبها مفتوحة لمدة نصف ساعة وبكده عربيتك رجعت من الداخل مرايه مرايه مرايه ومفيش أي شوائب ولا بواقي فلاش

وتحط الفلتر الجديد والزيت الجديد ولكن حرام بعد كل التعب الوطني ده تحط زيت من غير أي إضافات حديثة ترفع من كفاءة المحرك وتعوض اﻹهانات اللي حصلت للمكنه من شل وغيره
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
الخلاصة والصح في تنظيف داخل المحرك بعد خبرات في مئات العربيات وشددلي على مئات فالصح ولتلافي كل المشاكل وكل العيوب في عمل الفلاش فحتعمل التالي لكن حتصرف فهل أنت مستعد ؟
بص يا سيدي حتجيب عدد 2 فلاش وده سعره من 10 إلى أنواع توصل 25 جنيه حتجيب 2 وبعدين تجيب فلتر زيت بتاع عربيتك بس نوع أي كلام وتجيب عدد 2 جركن تعاون أبو 46 جنيه يعني 8 لتر زيت فشلنجي وإنتبهلي للتالي
حتنزل الفلتر والزيت القديم مباشرة وتركب الفلتر الفاشل مع 3 لتر زيت أي كلام وتدور لمدة 5 أو 10 دقائق على السلانسيه حسب ما مكتوب على العلبة فيه 5 دقائق وفيه 10 دقائق ولكن آخر دقيقة تدوس بنزين على رقم 2 ومتزودش عن كده ولمدة دقيقة واحدة فقط وبسرعة ومباشرة تخليه ينزل الزيت وبعد كده تحط فلاش و3 لتر تاني وتعيد كل الكلام أعلاه بالظبط ثم تنزله بسرعه وتحط في اﻵخر 2 لتر الباقي زيت من غير فلاش وتدورها 10 دقايق ثم تفتح الطبه وتسيبها مفتوحة لمدة نصف ساعة وبكده عربيتك رجعت من الداخل مرايه مرايه مرايه ومفيش أي شوائب ولا بواقي فلاش

وتحط الفلتر الجديد والزيت الجديد ولكن حرام بعد كل التعب الوطني ده تحط زيت من غير أي إضافات حديثة ترفع من كفاءة المحرك وتعوض اﻹهانات اللي حصلت للمكنه من شل وغيره
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

استاااااااااااااااااااااا اذ

لو ماتورك ماشي كتير اوعه تستعمل الفلاش ابدا ابدا ابدا ابدا ابدا

للأسف انا جربت كاسترول ماجنتيك ونزلته علي 2500 تقريبا :(
جبت الجركن ب 250 وفلتر ب 30 جنيه
بعد 2000 كيلو تقريبا لقيت صوت الكوستبانات بدأ يظهر بصوت عالي جدا وحسيت اني سايق 128 !!!
مع العلم ان الماتور عندي مغيره قريب وعامل من 40 ل50 الف كيلو
و رجعت غيرت النوع وجبت شيل الاصفر والدنيا اتظبطت تاني

نسيت اقول ان الزيت كان نازل اسود ولزوجته معدومه تقريبا

اقتباس:

---

المشاركة الأصلية كتبت بواسطة sherif moneer

نسيت اقول ان الزيت كان نازل اسود ولزوجته معدومه تقريبا

---

حضرتك كنت حاطت زيت لزوجه كام ؟ وكان تخليقى ولا نصف تخليقى
لان اللى حضرتك بتقوله دة بيدل انك حطيت زيت لزوجته غير مناسبة مع حالة موتورك
تحياتى

عملت زى ما قال صدام والحمد لله نضفت آثار الزيت القديم ... وربنا يسهل ويكون الماجنتك زى ما انا عاوز

تحياتى وشكرا للمرور لجميع الزملاء

اقتباس:

---

المشاركة الأصلية كتبت بواسطة ayman hamdy

حضرتك كنت حاطت زيت لزوجه كام ؟ وكان تخليقى ولا نصف تخليقى
لان اللى حضرتك بتقوله دة بيدل انك حطيت زيت لزوجته غير مناسبة مع حالة موتورك
تحياتى

---

كان حاطط كاسترول ماجنتك 10w40

وده اللي خايف منه ، اني ادفع 200 جنيه والزيت يترمي في الأرض !

اقتباس:

---

المشاركة الأصلية كتبت بواسطة maam

كان حاطط كاسترول ماجنتك 10w40

وده اللي خايف منه ، اني ادفع 200 جنيه والزيت يترمي في الأرض !

---

انا آخر ٣ غيارات شل كانوا زى الزفت عندى وحسيت ان الزيت ده انضرب .. دورت عن زيت نضيف ولقيت كاسترول .. كلمت التوكيل وبعد ما عرفوا موديل العربيه وماشيه كام كيلوا رشحولى الماجنتيك .. نزلت الشل بعد ١٥٠٠ كيلو بعد ما شميت ريحه شياط لما افتح غطاء الزيت
استعملت فلاش اويل امريكى إبرو بعشرين جنيه .. وبعد كده حطيت الزيت الجديد بفلتر جديد والحمد لله
الملاحظات اللى أقدر أقولها دلوقتى ان ريحه الشياط مش موجوده .. سحب العربيه اتحسن بنسبه ممكن تكون بسيطه بس ملحوظه
صوت الموتور بقى أعلى شويه ... وربنا يسترها ويسهلها من عنده وهاقول الأخبار الجديده أول بأول ان شاء الله

المفروض يا هشام تحط 20w40 زى ما قلت لك فى مشاركة سابقة علشان صوت الموتور ما يعلاش لان 10w40 دة يعتبر خفيف نوعا ما بالنسبة لموتورك بس كاسترول زيت محترم وما تقلقش
تحياتى

اقتباس:

---

المشاركة الأصلية كتبت بواسطة MaaM

كان حاطط كاسترول ماجنتك 10w40

وده اللي خايف منه ، اني ادفع 200 جنيه والزيت يترمي في الأرض !

---

10w40 دى لزوجة خفيفة جدا بالنسبة لمواتيرنا عموما ودى بتطحط للعربيات الجديدة توعا ما علشان كدة بتسمع صوت الموتور عالى شوية فى مواتيرنا وكمان الزيت بيتحرق بسرعة علشان خفيف ومحطوت مع موتور كمان خفيف فبتشتد درجة حرارته من احتكاك اجزاء الموتور الخفيف فبيتحرق بسرعة علشان كدة انا بنصح دائما بأختيار اللزوجة المناسبة لموتورك اولا ودة المهم وعليه عامل كبير لضبط اداء الموتور ثم نوعية الزيت ثانيا
زيت كاسترول من احود انواع الزيوت على مستوى العالم وبيستخدموه هنا فى اوروبا دائما وبيعتمدوا عليه لانه اثبت كفائته على مستوى الاتحاد الاوروبى بعد اجتيازه جميع اختبارات مطابقة الجودة
تحياتى

مبروك للى بيحط فلاش لعربيته

اقتباس:

---

المشاركة الأصلية كتبت بواسطة ayman hamdy

المفروض يا هشام تحط 20w40 زى ما قلت لك فى مشاركة سابقة

---

يا أيمن
كاسترول هنا مالهوش غير 3 زيوت متعددة اللزوجة بالنسبة للبنزين
ايدج: 5w30
ماجنيتك: 10w40
جي تي اكس: 20w50
وشكرا على كدا
زيوت شل و وولف من الزيوت اللي ليها اكثر من نوع بالنسبة لـ متعدد اللزوجة

وطالما صوت الموتور بقى عالي عند هشام يبقى أكدلي نفس المعلومة اللي كنت بحكي فيها قبل كدا

اقتباس:

---

المشاركة الأصلية كتبت بواسطة MaaM

ليه قولت 20w50 ، بناءاً على التجربة ومعنديش حجج لأني هابقى بألف كلام من دماغي
التجربة كانت على أسترا 2003 عاملة 85 الف كيلوا
حطيتلها زيت شل الأصفر 5000 وكان صوت الموتور كويس
ولما حطيت زيت شل الترا 10000 واللي هو لزوجته مختلفة مش فاكر كام بالظبط ، صوت الموتور بقى عالي جدا وبيخض الناس
ولما رجعت لـ شل الأصفر تاني ، صوت الموتور بقى أهدى وانعم بكتيير ورجع زي الأول

---

وديه تجربة تانية لـ شريف منير على موتور تسقيط عامل 50 الف كيلوا

اقتباس:

---

المشاركة الأصلية كتبت بواسطة sherif moneer

سلام عليكم :)
كنت اتكلمت قبل كده بخصوص تكته في الماتور بعد ما يسخن بشويه وكده
رحت غيرت زيت وفلتر طبعا
الزيت نازل اسووود جدا ومفيش اي لزوجه مع انه عمل 4900 كيلو وهو زيت 10 الاف تخليقي كاسترول
المهم حطيت زيت شيل الجركن الاصفر والصوت الحمدلله اتظبط و راح :)

---

وبكرر تاني ، لو كاسترول gtx مستوى خدمته n ، وفي وولف m يبقى الكاسترول أحسن

لسا مراجع الإتنين دلوقتي
وهما متعادلين في مستوى الخدمة SL بالنسبة لـ 20w50 فاللي عايز يجرب كاسترول يجربه ، واللي عايز يجرب وولف يجربه

ملاحظاتى حتى الان ان الزيت لزوجته ممتازه لما العربيه تكون سخنه ودى اهم حاجه .. بختبر الزيت كل شويه وباخد منه عينه من مقاس الزيت وهى سخنه بلاقيه خفيف بس لزوجته ممتازه .. مافيش صوت كستبنات مع الزيت

اقتباس:

---

المشاركة الأصلية كتبت بواسطة MaaM

يا أيمن
كاسترول هنا مالهوش غير 3 زيوت متعددة اللزوجة بالنسبة للبنزين
ايدج: 5w30
ماجنيتك: 10w40
جي تي اكس: 20w50
وشكرا على كدا
زيوت شل و وولف من الزيوت اللي ليها اكثر من نوع بالنسبة لـ متعدد اللزوجة

وطالما صوت الموتور بقى عالي عند هشام يبقى أكدلي نفس المعلومة اللي كنت بحكي فيها قبل كدا



وديه تجربة تانية لـ شريف منير على موتور تسقيط عامل 50 الف كيلوا




وبكرر تاني ، لو كاسترول gtx مستوى خدمته n ، وفي وولف m يبقى الكاسترول أحسن

لسا مراجع الإتنين دلوقتي
وهما متعادلين في مستوى الخدمة SL بالنسبة لـ 20w50 فاللي عايز يجرب كاسترول يجربه ، واللي عايز يجرب وولف يجربه

---

عموما يا محمود 20w40 او 20w50 زى بعض بس الاخير لزوجته اعلى شوية واكيد هيكون افضل للمواتير اللى حالتها ٥٠٪ واعلى
انا معرفش ان فى مصر مفيش كاسترول 20w40 هو موجود هنا وفى كل اللزوجات كمان ودة رابط جبته فيه الزيت ده
20w40 - Preisvergleiche, Erfahrungsberichte und Kauf bei Nextag

Engine Flush: Are They Dangerous? - YouTube