انا عربيتي كيا بيكانتو 2012 الشكل الجديد هي جنوط سبور 14 ومقاس الكاوتش 165/60 انا عايش فى منطقة كلها مطبات ده بخلاف ان شوارع مصر كلها مطبات
كنت بعد ما جيبت العربية بكام شهر لقيت فى الكاوتش بالونة كده من الجنب وكانت العربية ناشفة معايا فى المطبات اوي بعد كده لو اخدت مطب على سرعة البالونة ديه بتروح مفرقعة غيرت الكاوتش و ولاد الحلال قالولي قلل ضغط الهواء بتاع الكاوتش شوية وفعلا قللته والعربية مبقتش تدب فى المطبات زي الاول بس برده بعد فترة ممكن الاقي بالونة كده مع العلم اني مغير الكاوتش حوالي 3 مرات وجبت فى مرة هانكوك زي الي كان جاى فيها وفى مرى تانية جبت كومغو
دلوقتي انا عاوز اغير طقم كاوتش
سؤالي : ايه مقاس الكاوتش الاكبر الي اجيبه بس يكون على نفس الجنوط بحيث يبقى مريح فى المطبات وفى نفس الوقت يحميني من قصة البالونة ديه وميبقاش فيه اى ضرر على العربية