الموضوع: مشكلة في الفتيس اتوماتيك

السلام عليكم
سيارتي كابريس 92 في السعودية
وحصلت معايا مشكلة
زيت الفتيس دخل في الراديتر والمية بقت حمرا من الزيت
واكتشفت بعد كده ان مبرد الجير جوه الراديتر وبيسرب زيت جواه والحمد لله غيرته
المهم بعد كده اضطريت اني اغير زيت الفتيس والفلتر عشان بقى طحينة
بس بعد كده لقيته بقى طحينة تاني
والميكانيكي قال لي اصلا لازم تغيره مرتين عشان جواه ميه،، فما رأيكم؟
أغيره تاني وهتظبط فعلا ان شاء الله ولا هتفضل برضو المشكلة؟؟!!
مع العلم ان الراديتر خلاص بقى تمام مفيهوش زيت

صديقي المواطن
اللي حصل عندك بيسموه تهريب في القزانات داخل الراديتير ودي ما دام إتغيرت مفيش مشاكل ولكن إختصاصي الفتايس عندك صنايعي كفته بالطعميه وكان اﻷصح يحط زيت أي كلام 5 لتر ويدور ربع ساعة وتمشي عليه 10 دقايق ثم تنزل الزيت ده وتغير الفلتر وحينظف الفتيس عندك وتحط زيت غالي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال