d- n في الفتيس الاوتوماتيك

**S.Hasan** · 15-11-2013 06:02 PM

لاقيت المشاركة دي
http://www.nilemotors.net/Nile/381273-a.html

ممكن حد يجيبلنا الخلاصة بتاعة موصوه النقل في الفتيس الاوتوماتيك ده ؟

**Ahmed Amin** · 15-11-2013 06:08 PM

أيه المطلوب عشان مفهمتش السؤال ؟؟
والموضوع فيه ردود زي الفل علي فكرة, أيه علاقتة بالبيجو ؟؟

**Ahmed Amin** · 15-11-2013 06:28 PM

أبقي بص كدا علي الرد دا,,
دا طريقة التعامل مع الفتيس بتاع ال 301 بالتفصيل,,
http://www.nilemotors.net/Nile/37413...post3875140869

وبالنسبة لموضوع النقل من d إلي n وأنت ماشي بالعربية,
أو وأنت نازل علي منزل, أو وأنت داخل علي مطب,
ممكن تمور عادي مفيش أي مشاكل,, طبيعي جداً,,

أنا قريت الردود هناك دلوقتي,, فيه كلام كتير غلط,!! علي إن الفتيس المفروض متقربلوش ومتلمسوش وأنت سايق والكلام دا مش صح,!!

أنا بمور وأنا نزل علي منزل, أو وأنا داخل علي مطب عشان أريح العربية من تسقيط الغيارات وعشان مضغطش علي الفرامل,, وعموماً دي طريقتي ومفهاش غلط,

الحاجة الوحيدة اللي ممكن تضر الفتيس الأوتوماتيك هوا أنك تقطر العربية (تشدها) علي n وهيا مش شغالة,
عشان طلمبة الزيت بتكون واقفة ومش شغالة, والتروس بتفضل تتحرك حتي لو العربية علي n
وعشان كدا هتلاقي في الكتالوج مكتوب إن العربية الأوتوماتيك المفروض متتقطرش لمسافة أكتر من 50 كيلو متر وهيا عطلانة ومش دايرة, وكمان السرعة اللي هتقطر العربية متزيدش عن كيلومتر عشان متبوظش الفتيس,,
علي عكس الفتيس المانيوال ممكن تمور العربية وتقطر العربية براحتك لأي مسافة وعلي أي سرعة.

يعني من الأخر لو العربية عطلت ومش راضية تدور لأي سبب, والفتيس أوتوماتيك, المفروض تكلم كساحة أو ونش يجي يرفع العربية لو بيتك أو التوكيل بعيد من المكان اللي عطلت فيه عن 50 كيلو.

النقطة التانية أنك ممكن لو أنت نازل علي منزل, والعربية كانت n وعايز تديها d
دا برضه عادي وطبيعي ومفهوش ضرر, لأن الفتيس فيه حساس سرعة وبيشوف السرعة اللي أنت ماشي عليها,
وعلي أساسها بيعشق الغيار الللي مناسب مع السرعة دي وبيكمل عادي,,
يعني متفكرش أنك لو نازل علي منزل والعربية واخدة سرعة 60 كيلومتر مثلا, وقمت نازل من n إلي d أن العربية هتاخد أول وهتكسر الفتيس,,
لأن العربية هتاخد الغيار تالت في الحالة دي,,

وعلي فكرة برضه الكلام دا في معظم الأوتوماتيك مش في البيجو بس,, كنت بعمل كدا في اللانسر برضه.
ومفيش أي مشاكل من الموضوع دا.

وبس كدا.

**Ahmed Amin** · 16-11-2013 12:55 AM

مش أتسرعت, أنا مفهمتش الحتة دي في السؤال, عشان كدا قلت لك مفهمتش السؤال وأيه المطلوب من وضع لنك موضوع تاني هنا وانت كان ممكن ترد فيه هناك,

المشاركة الأصلية كتبت بواسطة S.Hasan

ممكن حد يجيبلنا الخلاصة بتاعة موصوه النقل في الفتيس الاوتوماتيك ده ؟

والشكر لله, وأنت عارف أنك عضو قديم معانا من زمان,
مش لسه بأيدينا يعني نتقبل أو منتقبلش.

**eleanor** · 16-11-2013 05:05 AM

انك تنقل من d ل n عادى على اى سرعه بس يشترط عدم الضغط على دواسه البنزين يعنى ماتجبهاش على المور وانت دايس بنزين علشان ده بيحمل على الموتور
اما انك تجيب من n ل d فلو انت واقف لازم تكون دايس فرامل اما لو كنت ماشى ومورت يفضل انك ماتجبش d تانى على سرعه اعلى من 40 كيلو حفاظا على الات الجر والفتيس وده بيبقى تنويه فى كل الموديلات الزيرو فى الكتالوج
وتحت امر حضرتك فى استفسار