3 ايام مع الفلوينس = 3 ايام من المتعه الخالصه

**saddam** · 18-11-2013 01:20 AM

المشاركة الأصلية كتبت بواسطة amr011111

ياريت يا أستاذ صدام تفيدنا انت بتركب ازرار الكلاكسات فين هل فى الطاره ولا فى دراع زى دراع النور
وهل بتركب 7 زراير على اساس ال 7 كلاكسات

صديقي المواطن
أنا بركب الكلاكسات بطريقتين ولكن المبدأ ثابت يعني إما أحط الزراير ظاهرية أو أحطها في دردج الكنسوله أو داخل درج الطبلوه أو أصنع مكان ﻷني بحط 25 زرار كماليات في صفوف متوازية وشبه بعض والزراير صغيرة
أولا إنت تجيب الزراير مدورة صغيرة أوي قد عقلة صباح بينور أحمر ولما بيتحط في العربية بيرفع مستواها ثم تركب عدد أطقم الكلاكسات اللي نفسك بيها أنا عن نفسي بسيب الفبريكة وبحط فوق منه كلاكس هوائي 3 بوق ده طقم ثم 4 طقم معدل وربط العالي مع الكلاكس بزرار ومعاهم جرس الحنتور وطبعا كل طقم ليه كتاوت ضخم جدا بتاع مارش تكتك لقاط هندي بيديك طاقة إنفجارية عشان يفجر الكلاكسات وتحط لكل طقم كتاوت وزرار مستقل ثم تختار براحتك عايز الطارة من غير كلاكس ولا نور حتطفي كل الزراير ثم حتشغل زرار رقم 1 حيديك صوت الفبريكة الفاشل لزوم الكماين وإخوتنا من شعبة الفشلة في المرور والكماين ثم نشغل زرار رفم 2 حيزود صوت على.اﻷولاني وهكذا براحتك تشغل ال 8 زراير حيطلع ال 7 كلاكسات والنور مرة واحدة تفجر اللي قصادك وتنسيه هو جاي منين وممكن إنت تنقي اﻷصوات اللي تشغلها مع بعض عن طريق الزراير ﻷنك إنت بتكلم عبقري إفتكاسات فبشغل كل اﻷوبشن مع بعض إنما إنت كان في بالك لو بشغل واحد لازم أطفي التاني وده شغل طعمية بالعظم
وعشان أختصر عليك إنت لو رحت للكهربائي بتاعك غالبا مش حيعرف وحيقول الراجل ده بيقول إيه وكمان عندك من كل 20 كهربائي تروحله في مصر واحد بس حيعرف يعمل الشغل ده وغالبا مش حتلاقي الواحد ده ﻷن ده لازم يكون كهربائي دكتور ولابس بالطو نظيف وتديه فلوس تريحه ومعلهوش زحمة وبيحب الصنعة
أنا عن نفسي الناس بتحب تشتغل بعربياتي بيقولولي إنت بتخلينا نفتكر ونفتكس ونشغل مخنا والناس كلها بتيجي عايزة تلزق عربياتها والسلام
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Silent~Dream** · 19-11-2013 05:55 PM

ايها العضو الكريم Saddam بجد انتا راجل صعب الواحد يلاقيه فى القرن غير مره واحده و ما شاء الله افكار و هوايه ولا اروع بجد خلص الكلام مش عارف اعبر كفايه و احب احييك بشده و اقولك الى الامام و من نصر الى نصر

**Silent~Dream** · 19-11-2013 05:59 PM

الفلوانس الفيس ليفت 2014 ما شاء الله فجرت الدنيا انبهارات والكل بيتكلم على الشراكه بينها و بين نيسان وانها طلعتلنا عربيه تستحق الاحترام و التقدير و best value for money فى الفئه دى و على راى العضو الكريم صدام فى احد المداخلات الحاجه الى بجد اعلى منها فى رينج الفلوس و فئه العربيات هى ال 508 لكن بجد رينو عملت انجاز تاريخى بالفلوانس ال 2014 فيس ليفت

**saddam** · 21-11-2013 02:06 AM

المشاركة الأصلية كتبت بواسطة silent~dream

ايها العضو الكريم saddam بجد انتا راجل صعب الواحد يلاقيه فى القرن غير مره واحده و ما شاء الله افكار و هوايه ولا اروع بجد خلص الكلام مش عارف اعبر كفايه و احب احييك بشده و اقولك الى الامام و من نصر الى نصر

صديقي المواطن
كلام عضو قديم ومحترم مثلك هو الذخيرة التي تساعدني على الصمود ودرب النضال
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال