الموضوع: حد سمع عن فيلم noah سيدنا نوح

مش هايتمنع من العرض
سنه 2004 تم عرض الام المسيح
مننتظر نزوله في مصر علشان ادخله
مفيش غير فيلم واحد اللي اتمنع من العرض
فيلم اسباني اسمه اجورا
وكان بيصور قيام البطرك كيرلس الرابع المسمي بعمود الدين
بقتل عالمه الرياضه والفلك هبياتيا
في الاسكندريه
وتم منعه بناء علي طلب من الكنيسه
الرقابه وافقت ارضاء لها
مع ان الواحد في التسيعنا ت كنا بنزوغ من المحاضرات ايام مهرجان القاهره
المهرجان كان بيعرض افلام ايه ماقولكش
وع ذلك الرقابه كانت متسامحه وزي الفل

المشاركة الأصلية كتبت بواسطة Imhotep

الرقابة انتهت فعليا فى عصر الانترنت و القنوات الفضائية و مبقاش لها معنى زيها بالظبط زى الحساسية الزيادة من الافلام اللى هى فى النهاية اعمال ترفيهية لكن فى المجتمعات الغير معتادة على القراءة و اللى تدوال المعلومات فيها كله سماعى هى دى اللى بيبقى فيها الحساسيات دى

انا اتفرجت على فيلم اجورا كذا مرة و هو فيلم جميل و كل ما بييجى بشوفه. . . و مفيش فيه حد معين قتل حد لكنه بيتكلم فى الحقيقة و بيدين الهيستريا الدينية بين العامة و الغير متعمقين فى الدين اللى بينتهى بيهم الامر انهم ممكن يقتلوا او يحرقوا و هم فاكرين انهم بيعملوا خدمة للدين. . . و هنروح بعيد ليه ما الهيستريا دى بلدنا بتعانى منها مع الارهابيين اللى فاكرين انهم بيحاربوا المجتمع الكافر

انا من اكتر الافلام اللى بحب اتفرج عليها هى شفرة دافنشى و ملائكة و شياطين لدان براون و كمان قرأتهم كروايات. . . لسبب بسيط انى بحب امشى عكس التيار و اتفرجت على شفرة دافنشى مخصوص عشان اشوف الهوجة اللى كانت عليه و لاقيتها و لا تستاهل لان دان براون ليه مفتاح معين اللى يعرفه هيفهم الليلة كلها. . . دان براون بيجيب حقائق تاريخية و يبنى عليها تفسيرات و تأويلات من خياله فبالنسبة لغير القارئ للتاريخ هينزعج من المكتوب لعجزه عن التفرقة بين ما هو تاريخى و ما هو خيال الكاتب و ده طبعا بيستدعى قراءة كتير لتفاصيل تاريخية كتير لفصل الحقيقة عن الخيال

نفس الكلام رواية عزازيل قرأتها و وجدتها عادية جدا فى محتواها و لا تستدعى كل الجلبة التى اثيرت حولها

و هكذا فالعقل الذى يستطيع ان يصل للحقائق بنفسه و يمتحنها لا يهتز بسهولة من اى عمل ترفيهى لكن المشكلة الحقيقية ان معظم الناس غير معتاد على ذلك

انا عارف ان اى موضوع ثقافى هلاقى حضرتك فية

وانا واحد من الناس شوفت فيلم شفرة دافنشى اكتر من مرة ومحتفظ بية على الهارد وهوة فيلم بيقتحم الاماكن المحرمة فى عقل ناس كتير

ورواية عزازيل بتاعة يوسف القعيد عندى وهيا جامدة طحن بس للى يقراها بخيال متفتح

ومن الافلام اللى محتفظ بيها على الهارد قائمة شندلر Schindler's List رغم ان ناس ممكن تعيب عليا حاجة زى كدة

وبردو فيلم Kingdom of Heaven اساسى على الهارد

فية افلام وكتب مينفعش الواحد ميحتفظش بيها