الموضوع: سؤال عن المساعدين للشاهين........

بص لو انت عايز رئيي انا معايا شاهين 2007 كان بقالي فترة بدور على مساعدين ودايخ االسبع دوخات
1- ناس قالتلي لاء متلعبش في العربية تركب الاصلي بتوعها
(مع العلم اني غيرت الاصلي بتعهم اكتر من مرة في الضمان وباظوا برضة )
2- ناس قالتلي عليك وعلى التركي بس برضة معمرش معايا وباظ من شهرين قعد بالظبط 10 شهور ولله الحمد وكان الواحد ب220 جنية .
3- ناس بقى بتحب الحاجة الغالية قوي قالتلي انت عايز تنسي الحوار دة عليك وعلى المساعدين الكوني غاز وحيثبتولك العربية صح ومش عارف اية طب بكام يعم قالي ب 560 الواحد قلتلة تصدق رخيص والمشكلة انة طلع ناشف جدا جدا....
3- ناس قلتلي عليك وعلى الاسيتيراد دة جميل قوي وعرفت انة رخيص ب80 جنية الواحد وعرفت انة مش حيعيش معايا.
قلت لاء بقي الضرب في الميت حرام والحمد الله توصلت اخيرا لواحد عملي حل جامد جدا بيركبوا مساعد البيجو وبيتملي زيت كل لما ينقص والحياة زي الفل وطري في المطبات والتكلفة بالظبط كانت 350 جنية للاتنين

انصحك انك تشوف عفشجي يكون ثقة وتقلى على الحوار دة وهو حيظبطك جدا جدا

وانا اسف اني طولت عليك بس حبيت انك تعرف كل حاجة علشان تبقي مدرك وانت بتختار