الموضوع: مش لاقي زيت الفتيس المانويل

المشاركة الأصلية كتبت بواسطة peter magdy

نفس المشكلة
معايا 2013 byd f3
و بقالى اسبوعين عمال ادور على زيت gl4 مش لاقى خالص و ماسيبتش رقم موزع من فالفولين مكلمتوش
اللى موجود gl5 بس
انا دخلت على مواقع اجنبية كتير و دورت فيها - لكن لقيت تناقض شديد فى اللى بيقول عادى استخدام gl5 لفتيس بمواصفات gl4
و ناس تقول دا بياكل النحاس على المدى الطويل لان gl5 فى نسبة كبريت اعلى من gl4 و مع الحرارة بيتسبب بتأكل النحاس اللى بداخل الفتيس
و قريت هنا و فى منتدى اجنبى ان زيت فتيس فالفولين مش قد كدة للى بيشتكى ان فى عضة فى الفتيس عندة و بتبان اكتر فى الحرق على الغيارات - الكلام دة مش مشاركة عضو هنا و فى منتدى اجنبى
ليا صديق حط فى عربية byd زيت والف gl5 و ماشى بية دلوقتى تقريبا 5000 كم و بيشكر فية جدا فى حيث العضة و نعومة الغيار - لكن للاسف مكنش يعرف موضوع ارقام gl
فلو حد توصل لحاجة متجربة و تكون gl4 او اى حد عندة معلومة ميبخلش علينا بيها
شكرا

امبارح كنت في التوكيل و غيرت زيت الفتيس حطيت ال meguin
مش هقدر اقول ايه اخبار الزيت علشان لسه محطوط امبارح و لو في طريقيه حضرتك تعرفها اجرب بيها علشان اشوف ايه اخباره اتفضل قولها و انا هجرب و
الزيت gl4 هرد عليك

منقول من نايل موتورز

الفرق بين انواع زيت ناقل الحركة اليدوي

الكلام دة ايه بقا
وبعدين بنزينة موبيل اللى في صلاح سالم مغير زيت الفتيس فيها 80w90 بس معرفش gl4 ولا gl5
مغير 2كيلو ونص ب 45جنية بالتغيير دة زيت ايه بقا

المشاركة الأصلية كتبت بواسطة m7md 3tya

امبارح كنت في التوكيل و غيرت زيت الفتيس حطيت ال meguin
مش هقدر اقول ايه اخبار الزيت علشان لسه محطوط امبارح و لو في طريقيه حضرتك تعرفها اجرب بيها علشان اشوف ايه اخباره اتفضل قولها و انا هجرب و
الزيت gl4 هرد عليك

للاسف التجربة اللى حضرتك اللى تحكم عليها من احساسك بالفتيس
اخبار نعومة الغيار و الحرق علية
يعنى اعرف ان الزيت يكون كويس لما تحرق على الاول و تغير للتانى شوف كدة هل الفتيس هيعض او الغيار فى النقل بينط كدة و بردو احرق على التانى بردو و جرب
لو محصلش كدة يبقى زيت كويس - وبرد احتياطى كل فترة بص على لزوجة الزيت لانة زيت مش متجرب و بردو علشان تبقى مطمن
مستنى تجربتك - و انا هبص على المواقع الاجنبية و اشوف بتقول اية علية
موفق انشاء اللة

المشاركة الأصلية كتبت بواسطة peter magdy

للاسف التجربة اللى حضرتك اللى تحكم عليها من احساسك بالفتيس
اخبار نعومة الغيار و الحرق علية
يعنى اعرف ان الزيت يكون كويس لما تحرق على الاول و تغير للتانى شوف كدة هل الفتيس هيعض او الغيار فى النقل بينط كدة و بردو احرق على التانى بردو و جرب
لو محصلش كدة يبقى زيت كويس - وبرد احتياطى كل فترة بص على لزوجة الزيت لانة زيت مش متجرب و بردو علشان تبقى مطمن
مستنى تجربتك - و انا هبص على المواقع الاجنبية و اشوف بتقول اية علية
موفق انشاء اللة

بصراحه يا فندم انا مش بسوق كتير بس من ساعه ما غيرت الزيت منزلتش غير مشوار واحد بس و محستش باي فرق في الفتيس عن الشل اللي كان محطوط انا مشكلتي في الفتيس انه بعد السواقه لمده طويله النقلات مبتبقاش خفيقه زي ما اول ما ادور العربيه و كمان المرشدير لازم ادوس جامد علي الفتيس مش عارف هل دا عيب و لا انا اﻷي رومانسي مع الفتيس بس الانطباع النهائي ان مفيش اي فرق و تحت امرك يا فندم في اي سوال

من يومين حطيت زيت وولف gl5 75/90 فى العربية اللانسر - الشكوى و سبب التغيير انها كانت بتعض فى الغيار
بعد التغيير النقل بقى انعم من الاول و صوت احتكاك التروس لو بنقل من غير دبرياج بقى اخف ( على سبيل التجربة للفتيس مع الزيت مش اكتر)

الزيت عن تجارب لصديق - بردو شكر فية و قال نفس كلام حضرتك
بس مشكلتة انة gl5
و للاسف لو ملقتش gl4 هضطر انى احط الزيت دة
مبروك لزيت