الموضوع: يعنى ايه بيجو 508

ياريت ماننساش الدفعه الجديده من فتيس dsg بدأت الشركات فى سحبه فى اوروبا للمراجعه والتعديل
طبعا لمشاكله المتكرره

إتفرجت عليها إمبارح جميلة بس ضخمة جدا بعد الأوكتافيا
وكمان إتفاجئت بإن الرؤية الخلفية برضه ضيقه
عاملين إيه في الموضوعين دول ؟

المشاركة الأصلية كتبت بواسطة hsultan

إتفرجت عليها إمبارح جميلة بس ضخمة جدا بعد الأوكتافيا
وكمان إتفاجئت بإن الرؤية الخلفية برضه ضيقه
عاملين إيه في الموضوعين دول ؟

في ال 508 بتعتمد علي الحساسات الخلفية --- نازلة اساسي ---
الاتنين في الرؤية الخلفية ضيقة -- ومعظم العربيات الجديدية كده ---- انا في الأاسترا القديمة كنت مابشوفش ورايا خالص

المشاركة الأصلية كتبت بواسطة astra200

في ال 508 بتعتمد علي الحساسات الخلفية --- نازلة اساسي ---
الاتنين في الرؤية الخلفية ضيقة -- ومعظم العربيات الجديدية كده ---- انا في الأاسترا القديمة كنت مابشوفش ورايا خالص

أشكرك على الرد السريع
أنا أقصد مراقبة الطريق من الزجاج الخلفي كنت متخيل إنها أحسن أكيد من الأوكتاڤيا
طب وإحساسك إيه بتلك النقلة النوعية في الحجم من الأسترا إلى الـ 508 ؟
وهل تغير إسلوب قيادتك مع تغير الحجم

يا أعزائي
أنا مبحبش أحلف
بس أقسم بالله، ال ٥٠٨ دي فلتة من فلتات الزمن

بإختصار شديد،
كل العربيات المحترمة جميلة جداً وإعتمادية وزي الفل
والأوكتاڤيا سيارة ممتازة جداً ومبهرة في آدائها
واللي ينفع يتقارن فيها مع ال ٥٠٨ هوه الموتور بس
اللي بينزل في السوبريب واللي هيه - السوبريب - تنفع تتقارن مع ال ٥٠٨

وجهة نظري إن الفرق السعري بين الإتنين لازم ميقلش عن تلت ثمن الأغلى
يعني لو آخر ال ٥٠٨ ٢٧٠ ألف يبقي آخر الأوكتاڤيا ١٨٠ ألف

أنا عايز اللي ساقوا العربيتين يصدقوا علي كلامي دة أو يعدلوه حسب خبراتهم
واللي هيتهموني بالعمالة للحملة الفرنسية أقولهم لو الأوكتاڤيا تسوا سعرها
تبقي ال٥٠٨ تسوا أكتر بكتيير وفي الحالة دي تبقي صفقة

بس بما إننا في مصر ، فطبيعي ان عربيات تاخد وضع اكتر من وضعها
وعربيات متاخدش حقها، زي أي حاجة تانية

لومهاك تمن ال٥٠٨ هاتها لإنها تسوى أكتر من كدة،
ولو ممعاكش تمنها بس تقدر تجيب الأوكتاڤيا هاتها،
مع إنها تسوي أقل من تمنها بس أحسن من أي حاجة تانية،
ولو ممعاكش تمن الأوكتاڤيا دور علي بقية العربيات في المنتدي

نتكلم في النفسيات شوية،
ال٥٠٨ متقلش عن المرسيدس e ولا البي إم 5 في حاجة
مين قال إن باقي المصنعين الكبار ميعرفوش يعملو عربيات زي مرسيدس e وبي إم 5
مجموعة ڤولكس ڤاجن عاملة الأودي a6 ، والبيچو عاملة ال ٥٠٨
شفتو بقي ؟
يا رب تعرفوا قيمتها

آسف على أي إزعاج سببتهولكوا
إنتو متعرفوش إنكوا نور عينيا ولا إيه ؟

وكما قال أحد الحكماء؛ " الشعب المصري لازم يدفع "

أعتقد أن نجم السيارات الأوروبية بدأ في معاودة الظهور بقوة في سماء السيارات!
وهذا جيد جدا لينتهي عصر السيارات الكورية التي لاحت لها فرصة ذهبية في ظل غياب اليابانية وارتفاع سعر الأوروربية ولكنها - أقصد السيارات الكورية - لم تستغل هذه الفرصة! والله أعلم.

ما شاء الله
موضوع تحفه