مشكلة تيل الفرامل و الطنابير

**edodahab** · 18-11-2013 05:18 PM

المشاركة الأصلية كتبت بواسطة smsm2004w

نصيحة فكر كويس انا كنت حاجز سوبر صالون ولغيت الحجز بسبب المشاكل الى بسمع عنها والصاج الضعيف انا حجزت بيجو 301 صاج محمل ناشف موتور اقوى 1600 عربيه اوسع فى الصالون والشنطه تجميع اسبانى قطع غيار تقريبآ متفاربة مع النيسان بس معمرة اكثر وكمان مفيش حد اشتكى منها نهائى وبعدين انا قعدت فى العربيتين بصراحة البيجو من برة وجوة افضل واقيم بكتير

معاك فى كل حاجة بس الصنى اوسع من البيجو بكتير سواء فى الصالون او الشنطة
الحاجة التانية ان الصاج فى الاتنين زفت
الحاجة التالتة ان التجميع سمعت انه مغربى مش عارف الكلام دة ايه صحته

**smsm2004w** · 18-11-2013 06:30 PM

المشاركة الأصلية كتبت بواسطة edodahab

معاك فى كل حاجة بس الصنى اوسع من البيجو بكتير سواء فى الصالون او الشنطة
الحاجة التانية ان الصاج فى الاتنين زفت
الحاجة التالتة ان التجميع سمعت انه مغربى مش عارف الكلام دة ايه صحته

مع احترامى لوجهة نظر حضرتك بس أرجو انك تروح على اقرب معرض موجود فيه بيجو 301 واتفرج عليها كويس وبعدين احكم انا كنت فاكر ان النيسان اكبر بس لما شفت شنطة البيجو اكبر بكتير يمكن النيسان اطول فى الصالون الداخلى بس .
بالنسبة للصاج اختلف مع حضرتك البيجو صاجها ناشف مش ضعيف وأقرب شئ جرب بأيدك على كابوت النيسان وعلى كابوت البيجو والأكصدامات وهتعرف الفرق الأوربى معروف بالصاج الثقيل.
وكمان البيجو فرنسية تجميع اسبانى ملهاش علاقة نهائى بالمغرب وبالأخص السيارة 301 يمكن يكون فى موديلات تانية سابقة زى 405 كانت بتتجمع فى المغرب وايران الله اعلم
لك احترامى

**smsm2004w** · 18-11-2013 06:53 PM

المشاركة الأصلية كتبت بواسطة nonalaziza

انا رايحة ابص ع البيجو دلوقتي يارب ييسر

يالتوفيق انشاء الله وياريت تقولى رأيك

**edodahab** · 18-11-2013 07:12 PM

انا شفت الاتنين و ركبتهم عشان كنت محتار بينهم و طبعا الصنى اكبر من جوة و من الشنطة و اعلى و دة موضوع منتهى
البيجو افضل من جوه و من برة شكلاً

**toty_305** · 18-11-2013 07:56 PM

-شكلا و موضوعا---------> Peugeot

**smsm2004w** · 18-11-2013 08:07 PM

المشاركة الأصلية كتبت بواسطة edodahab

انا شفت الاتنين و ركبتهم عشان كنت محتار بينهم و طبعا الصنى اكبر من جوة و من الشنطة و اعلى و دة موضوع منتهى
البيجو افضل من جوه و من برة شكلاً

يا باشا مبروك عليك الصنى ويارب يكفيك شرها ويباركلك فيها بس راجع معلوماتك البيجو شنطتها 640 لتر والنيسان 490 لتر يبقى ازاى النيسان اوسع فى الشنطه

**grumby78** · 18-11-2013 11:03 PM

انا بقى مختلف عن الاراء السابقه . البيجو شكلها حلو من قدام ولكن مدمج ومختلف من الخلف يعني تحس ان الشكل الخلفي لايناسب المقدمه . مراكز خدمة نيسان تتفوق على توكيل بيجو اللي على قده . سعر اعادة البيع لو بتفكر فيه ويهمك كجزء من قرار شرائك للعربيه لصالح النيسان صني . ببساطه اي واحد بيبيع عربيه فرنساوي بيعاني وانا عانيت لما بعت عربية واحد صاحبي سافر بره وعملي توكيل بالبيع . العربيه كانت ستروين c3 2003 وكان صارف عليها ومجدد العفشه بالكامل وجنوط 15 وكاوتش جديد ومع ذلك سمعت الكلمه الشهيره لبخس السياره من كل مشتري تقريبا وفي الاخر تم البيع بسعر دون المتوقع .. ده اقرار لواقع مش حكم على البيجو ولكن ده واقع السوق وانا يهمني اني لما اصرف فلوس في عربيه فوق ال 100 الف اني مااتصدمش بسعرها لما ابيعها لاي سبب . ناهيك عن سعر البيجو اللي اعلى من الصني بحوالي 14 الف واللي مش لاقي اصلا مايبرره .رأي شخصي

**hossam eldeen** · 18-11-2013 11:36 PM

المشاركة الأصلية كتبت بواسطة nonalaziza

السلام عليكم جميعا
معلش عندي شوية أسئلة ليكم علشان عايزة اجيب صني سوبر صالون
بالنسبة للتسارع ايه ظروفه يعني انا معايا سانديرو تجميعها كويس هل صني تجميعها ممتاز و لا شغال ولا ضعيف
بالنسبه بقي لمشكلة التيل و الطنابير هل اتحلت في الدفعات الجديدة و لو في مشكلة في الطنابير هعرفها منين و ازاي؟؟؟
و آخر سؤال بقي معلش طولت عليكم هل لما بتتغير بتتغير بنفس المشكلة و هحتاج اغيرها تاني ولا بيغيروها بواحدة متعدله.

لو نيسان يبقي الشكل القديم سوبر صالون احسن بكتـيــــــــــــــــــــ ــــــــر اوي من الجديده , لان الجيده التيل والطنابير بتتغير بنفس العطل تاني ,,

**edodahab** · 19-11-2013 10:19 AM

بص يا باشا المقارنة بين الصنى و البيجو قتل بحثا و كل عربية ليها ما يميزها عن التانية و الاختيار فى الاخر دة حرية شخصية و ارتياح نفسى للسيارة و ربنا يكرم كل واحد بعربيته
الصنى تتفوق على البيجو فى الارتفاع ، الوسع ، استهلاك البنزين ، العفشة ، الفتيس ، السعر و سعر اعادة البيع ، قطع الغيار و نضافة التوكيل
البيجو تتفوق على الصنى فى الشكل الخارجى و الداخلى ، خامات الصالون و التابلوه، التقفيل ، قوة الموتور و التسارع
و فى الاخر كل واحد يختار اللى يناسبه و مفيش عربية فى السعر دة مفيهاش مشاكل
تحياتى

**edodahab** · 19-11-2013 10:35 AM

المشاركة الأصلية كتبت بواسطة smsm2004w

يا باشا مبروك عليك الصنى ويارب يكفيك شرها ويباركلك فيها بس راجع معلوماتك البيجو شنطتها 640 لتر والنيسان 490 لتر يبقى ازاى النيسان اوسع فى الشنطه

تصحيح معاك حق الصنى 490 بس البيجو 506 بس يعنى مش فرق شاسع ،راجع معلوماتك انت

http://www........cars.com/compare_n...?ids=3580,3221

متنساش فرق ال airbags للراكب الامامى و ال abs و التوزيع الالكترونى و نظام التبيه ضد السرقة و فوانيس الضباب