الموضوع: نصائح عند شرائك BMW e90

السلام عليكم
1)تدخل على الi drive و تتأكد ان العربية عاملة كل الصيانات و تتأكد من check control messages أن مفيش أي errors
2)لازم تتأكد ان اللى مكتوب جنب العداد km مش mls لان أحد أصدقائي كان هيتعرض لمحاولة نصب عند معاينته لعربية عاملة 66000 و طلع صاحب العربية مغير الUNITS من كيلوات الى أميال
3)تأكد من البطاحات الأمامية و الخلفية و عدم وجود شروخ
4)العربيات من 2006-2008 فيها حاجة اسمها Hard shift و هيا عبارة عن نطره بتحصل فى العربية لما الفتيس بيغير من سرعة لسرعة فى بعض الحالات و دي علاجها software زي ما ناس زمايلنا جربوا فى الجروب.
5)راجع على العفشة كويس و خصوصا علبة الدركسيون
6)راجع على التكييف كويس جدا و جربه لأن الكمبريسور فى العربية دي عمره فى حدود خمس سنوات عند أغلب الناس اللى معاهم العربية و هو فى حدود 3000استيرد و 5500 جديد و 8250من التوكيل
7)راجع على الشكمان بالكامل لأن العربية واطية و معرضة للحكات
8)لازم تجرب العربية و تقرص بالمانيوال لغاية 6RPM و ولو علامة ترس ظهرت فى الشاشة يبقى العربية محتاجة فتيس
9)تأكد ان العربية فيها كاوتش رن فلات لأن العربية مفيهاش استبن
10) الكشف فى التوكيل فرع أبورواش لأنه الحجز عنده لا يزيد عن يومين
11)لو هتكشف بره ممكن رياض (ميكانيكا و كنترول و كهرباء ) و رقمه 01004449649 و كشف دهان و سمكره ورشة نايل موتورز 01115151578
لو حد عنده ملحوظات تانية ياريت يزود

المشاركة الأصلية كتبت بواسطة maskeen

novo باشا راجل خبره ومدقدق بى ام عشان كده ممكن يفحص عربيه بنفسه

لكن لو اى حد مبتدىء زى حالاتى كده افضله يروح بيها التوكيل...هايضيع الف جنيه كشف بس هايوفر بيهم عذاب و50 الف :)
التوكيل هايجيبلك كل مسمار فى العربيه وكمان ال history كامل...عشان لو كان ملعوب ف عدادها لو متغيرلها حاجه مهمه زى الفتيس

الله يخليك و أنا متفق معاك أن الكشف فى التوكيل لازم طبعا بس الحاجات دي ممكن الواحد يبص عليها بنفسه قبل ما يدفع الألف جنيه