الموضوع: مرايات كهرباء لنيو اكسنت

المشاركة الأصلية كتبت بواسطة michohat

بعد اذن حضرتك علشان انا معايا نيو اكسنت عاوز اعرف هل مرايات كهرباء معناها اني اتحكم فيها من جوه واقفل وافتح كف المرايه الفيبر واعدل من وضعيه المراية نفسها

لو كده يا ريت بعد اذن حضرتك عاوز نمره تليفونه ولو امكن بس لو تصور الزرار والمرايات بعد التركيب
لاني ناوي بإذن الله اني اعمل كده
لان المرايه عندي كفها كبير وبلاقي مشاكل ان الناس بتخبطها وهي بتفاديني مثلا في شارع ضيق

باشا هو كل اللي بيعدله انه بيخليك تتحكم ففي فتح وقفل المرايا من الداخل بمفتاح كهرباء ، بدل الزومبتين المانيوال اللي في المرايا ، بس فتح وقفل كهرباء مينفعش عشان المرايا مقولة من الجنب مينفعلهاش موتور ضم ، هو بيشيل القاعدة اللي راكب عليها المرايا وبيكب مكانها موتور مرايا كهرباء وبيركب زرار كهرباءفي الباب مكان الطبة اللي موجودة في الباب ، يعني بتبقى المرايات الاصلية بس بتبقي كهرباء مش مانيوال

المشاركة الأصلية كتبت بواسطة saddam

صديقي المواطن
شكرا لتنويرك إخوتك أعضاء المنتدى الكرام بكل ما هو جديد في عالم التوفيقات واﻹفتكاسات والقضاء على العوائق ومتحرمناش من كل جديد ويا ريت تبعتلي رقمه عالخاص أخليه يجرب حظه في وحده من مرايات عربياتي جايز أعتمده جنب الأسطوات اللي شغالين في عربياتي عشان مش ملاحفين واللي شدني لموضوعك خبرته في اﻷمريكاني
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

بعت لحضرتك رقمه على الخاص

و المفتاح شكلة محترم ولا أي كلام؟ و بيوصل الفيشة بتاعتة فين؟

المشاركة الأصلية كتبت بواسطة a.saad

زرار اصلى وتقفيله مظبوط ولا بيوفق زرار

باشا بيركب الزرار الاصلي بتاعها

المشاركة الأصلية كتبت بواسطة kar!m

و المفتاح شكلة محترم ولا أي كلام؟ و بيوصل الفيشة بتاعتة فين؟

بيشيل الطبة اللي في الباب ويحط مكانها الزرار الاصلي او بتاع الماتريكس او الجيتس كلهم بيكونوا في نفس المكان بتاع الاصلي

المشاركة الأصلية كتبت بواسطة د.احمدالشافعى

السلام عليكم
الف مبروك فكره رائعه
ممكن تبعتلى رقمه على الخاص
وياريت لو فيه صور
تقبل تحياتى

تحت امر حضرتك بعتلك رقمه على الخاص