مساعدة بخصوص لانسر بومة 2014

**Ahmed_Mega** · 22-11-2013 06:21 PM

وعندك نيسان صني سوبر صالون مش ex وشيفرولية اوبترا وكيا ريو اول فئة بس مش متاكد منها

**mxz911** · 23-11-2013 06:19 PM

المشاركة الأصلية كتبت بواسطة ahmed_mega

اية هي مشكلة العفشة ف الشارك؟ انا بدور على واحدة مستعملة اول فئة ومحدش راضي يفرط فيها نهائي دة بعد ماكنت بدور على بومة وجربتها عربية ممتازة
اما البدايل هيونداي اكسنت وبروتون جين 2 او بيرسونا بيجو 301 دول اللي اعرفهم بس انا بفضلك البيجو لسبب انتشارها بدا يزيد جدا وتوافر كل عوامل اﻻمان اللي مش هتﻻقيها ف اي عربية تانية بالسعر دة نهائي وقطع غيارها رخيصة جدا بالنسبة لقرائنها وهتستمتع بيها غير اول فئة ف اي عربية تانية

مش عارف مشكلتها بصراحة لكن اللى اعرفه ان عفشتها اضعف اللى هيه اللانسر ال شارك اضعف من البومة.
حاضر هقوله على البدايل دى وربنا يكرمك ب عربية حلوه :)

المشاركة الأصلية كتبت بواسطة ahmed_mega

وعندك نيسان صني سوبر صالون مش ex وشيفرولية اوبترا وكيا ريو اول فئة بس مش متاكد منها

تمام جدا يا فندم هقوله عليهم وربنا يكرمك

المشاركة الأصلية كتبت بواسطة ahmed_mega

الموجود اول فئة بس اوتو مفيهاش حاجة فاضية جدا ومفيها abs ولما يجي يبيع هيخسر ﻻنها نازلة بعفشة 1300 بالكامل يعني عربية ﻻ تمت بصلة ﻻحسن موديﻻت البومة 2007 2008 2009العربية دي مفيهاش غير موتور وفتيس من القديم ومشاكل ف علبة الريكسيون والناس على فكرة اتغيرت عن زمان نصيحة بلاش منها نهائي وفكر ف البيجو 301 بشكل جدي

انا عندى سؤال دلوقتى يا جماعة بخصوص عفشه اللانسر 2014 هل هيه فعلا عفشه ال 1300 سى سى .؟؟ هل ده كلام مؤكد ؟ وايه الفرق

**kok200** · 23-11-2013 06:32 PM

يا جدعان البومة بعد ما حققت نسبة مبيعات خيالية التجار جابو منها كميات رهيبة

وكانت ساعتها لسة القرش نازلة فا كل التجار (التجزئة والخليجي ) ضربو في سمعة القرش لصالح البومة

اقسم بالله العظيم القرش عربية محترمة جدا ومفهاش اي مشاكل وكل دي اشاعات :)

**kok200** · 23-11-2013 06:33 PM

حضرتك اشتري اي حاجة وابعد عن البومة ميندفعش فيها 130 الف جنية :)

**vip74** · 23-11-2013 08:55 PM

السﻻم عليكم
أنا معايه البومه

2014
مفيهاش أي مشاكل العربية ما شاء الله زي الفل

**محمد هاني** · 02-12-2013 03:46 AM

انا معايا بوما 2014 برضة ونصيحة لوجه الله اوعى تشتريها
عربية فاشلة فشل ذريع مفيهاش حاجه حلوة اقسم بالله غير التابلوه والثبات ع السرعات العالية
غير كده عفشه زفت تكييف بحالات موتور صوته عالي شكل خره
انا بنصحك لوجه الله اوعى تشتريها

**vip74** · 05-12-2013 12:21 AM

المشاركة الأصلية كتبت بواسطة محمد هاني

انا معايا بوما 2014 برضة ونصيحة لوجه الله اوعى تشتريها
عربية فاشلة فشل ذريع مفيهاش حاجه حلوة اقسم بالله غير التابلوه والثبات ع السرعات العالية
غير كده عفشه زفت تكييف بحالات موتور صوته عالي شكل خره
انا بنصحك لوجه الله اوعى تشتريها

مش اوي كده أنا معايه العربية تكيف زي الفل يمكن عربيتك فيها مشكله
وصوت المتورطين عالي بس مش للدرجة العربية مش بالسوء ده

**flavio_egypt** · 06-12-2013 11:08 PM

احب اعرف حضرتكم ان اللانسر البومة اول فئة اتوماتيك سعرها دلوقت وصل 135 الف بسبب ان انتاجها هيتوقف
رغم ان سعرها الرسمى 131000 والله حرام المبلغ ده ده كده تبقى الشارك والبيجو 301 احسن 100 مرة
احنا بنتعامل معاها كأنها 128 او شاهين مش عارف لحد امتى هنفضل نفكر بعقلية اللى نعرفه احسن من اللى منعرفوش

**mxz911** · 18-12-2013 08:21 AM

سلام عليكم

شكرا ليكم كلكم جزيلا وصاحبى صرف نظر عن موضوع اللانسر لأنه لقى سعرها مبالغ فيه جدا خصوصا ان كمان الموديل الجديد مفهوش abs

وحمد لله اشترى بروتون جين 2 حمراء اللون تحفة . ربنا يديله خيرها ويكفيه شرها :)