الموضوع: اشتري اية - محتاج مساعدتكم ضرووووري-

المشاركة الأصلية كتبت بواسطة proffqen

ريح نفسك وهات جديد حتى لو قسط :::: ومتاااااااااااااااااااااا ااااااامنش لاى عربيه مستعمله

منخبرتى الطويله فى اللف علشان اشترى (ولسه مشتريش ) الرينج الاسعار اللى انت بتتكلم فيه لما صاحب العربيه بيلاقى العربيه محتاجه مصاريف تفوق الخمسة الاف جنيه بيعرضها للبيع :::: على سبيل المثال ::: النهارده بعد العصر لسه كنت رايح لواحد بيبيع عربيه دايوا نوبيرا موديل 97 اوتوماتيك لقيت حالتها كالتالى ( الدواخل سليمه - رشه كلها من بره ومغيره لون ومعرفشى ليه بسأله بيقول ده انا زهقت من اللون القديم فغيرته - وعلى فكره اللون القديم كان ذهبى واللون الجديد كان بيج !!!!!!!!!!!! طيب وبعدين لاقيت انه الموتور بينشع زيت جامد وغرقان بقوله ايه ده قالى ده محتاج طقم جوان (عمره يعنى ) طيب الشنطه سليمه وفيه الرفرف الشمال الخلفى خبطه قديمه مردوده على الساخن وايه العربيه ما شاء الله شبعان رش من بره ومن جوه مشعارف مغير الفتيس الاوتو وبيقول بيغيره زيت كل شهر ب 120 جنيه ..........طيب نيجى للصالون هههههه متهاااان جامد قولت اسال على الكماليات :::... التكييف مش شغال ...والسنتر مش شغال والبور شكله كمان بس قولت كفايه كده ..........ومشيت من عنده وقعدت مع زوجتى افكر لقيت انى ممكن اصرف على الكركوبه ده 7 الاف جنيه علشان تمشى بس وتقضى المشاوير ده من غير مشوف العفشه والذى منه ............فانا نصيحتى متجيبش فى الرينج ده عربيه محتاجه مسمار ::::هتيجب يبقى مش محتاجه حاجه خالص وغالبا مش هتلاقى الا مع تجار :::: السبوبه بتاع التاجر يوقع الحاله الحلوه وسغسلها بجاز ويوقفها فى المعرض ويقولك ده زيروا
ويزود فى السعر 10 الاف جنيه ::::::::::::::: ههههههه افتكرت امبارح روحت الف فى معارض مدينة نصر لعلى وعسى الاقى عربيه فيرنا او نوبيرا او بروتون او اى حاجه من 50 الى 60 فدخلت معرض بيقوللى على فيرنا 2007 ورشه حزام وبيقول 60 الف طبعا مسكت نفسى ومشيت (اصل الشتيمه حرام ) وبعدين قومت داخل معرض بجانبه بس عربيات جديده بيتاجر فى الصينى الجديد :::: ايه ده يا عم قاللى جيللى ايمجراند وبكام دى قاللى ب 83 الف ........اههههههههههه طيب وايه ده يا عم قاللى دى اسبيرانزا انفى طيب وبكام قاللى الشركه عامله عرض ب 77 الف قولت بس اصبر لغاية موديللات 2014 تنزل اكون اتصرفت واجيب الجديد وخلاص .....ولما رجعت البيت افكر لاقيت انى انا لسه هتعلم عليها السواقه ومعنديش خبره فى العربيات طيب هبهدل الجديد وهخسر فيها كتير .....ودخل فى الحيره بتااااااع كل يوم جديد وسليم ومفيش مصاريف وللا مستعمل محتاج مصارف او غالى قوى عن سعره الطبيعى وهيبهدلنى بس اتعلم ..............بس المنطق بيقول ان دى وسيله للراحه مش للعذاب فالواحد يجيب اللى يريحه مش اللى يبهدله بس الجيب بيقول غير كده تماما . وكفايه جرعت احبا ط النهارده واى لقاء ......................................

ههههههههههههه معلش انى قلبت عليك المواجع
هو الفكرة كلها انى لسة حاتعلم سواقة و اشتريها يعنى انا ابيض خالص فى موضوع العربيات دة لا معلومات ولا سواقة كمان .. فزي انت ما قولت حرام ابهدل الجديد غير ان تمنة غالى اوى عليا كمان .. وبالفلوس اللى معايا يا دوب ممكن اجيب لانوس 1 او نوبيرا 1 بس مش عايزها تبهدلنى بردو اعطال و مصاريف .. ربنا يوفقنى و يوفقك و نلاقى حاجة كويسة
دة غير ان لو جيبت مستعمل اظن مش حاخسر فيه كتير لو حاولت ابيعها واغيرها دة غير الجديد طبعا
وفعلا معظم اصحاب المعارض ربنا يهديهم باحس انهم مستنيين واحد يشتري منهم علشان ينصبوا عليه .. نصيحتى لك متروحش معرض الا لو حد تعرفة كويس اتعامل معاه و شكرلك فيه
انا ناوى ان شاء الله ماروحش معارض خالص اكيد هما مستنيين واحد غلبان زيى كدة هههههههه هاحاول بقى اشوف حد عندة حاجة حالتها كويسة مناسبة للسعر اللى معايا

المشاركة الأصلية كتبت بواسطة احمد الصعيدي

لانوس 1

المشاركة الأصلية كتبت بواسطة besso33

لانوس 1
شيري ايه11
لانشيا ديدرا
رينو كليو لغاية 2003
تمبرا
سيينا 1400
بونتو لغاية 2000
سوزوكي بالينو
برافا لغاية 2002
اكسنت لغاية 2002

المشاركة الأصلية كتبت بواسطة j a g u a r

لانوس99

المشاركة الأصلية كتبت بواسطة gmslem

لانوس 1
اكسنت

لكن الاهم هو الحالة

المشاركة الأصلية كتبت بواسطة aboomar22

لانوس 1

المشاركة الأصلية كتبت بواسطة ahmedit

اكسل ياباشا وتوكل علي الله وهاتها 1500



كلية التربية الرياضية - جامعة بنها

شكرا يا شباب على ردودكم دى والله
هي شكلها كدة حتبقى لانوس 1 ان شاء الله ناس كتير نصحونى بيها خصوصا ان قطع غيارها و صيانتها سهلة و رخيصة
كنت بافكر بردو فى نوبيرا 1 اظن بنفس السعر عاجبنى الشكل القديم بتاعها دة اوى بس معظم اصحابى قالولى لانوس اضمن
ادعولى بقى اقع فى حاجة كويسة ان شاء الله

المشاركة الأصلية كتبت بواسطة aboomar22

انا واحد صاحبى جايب نوبيرا وان كانت معاقين بسم الله ماشاء الله عليها فابريكة بالكامل صالون زيرو موتور وفتيس اتوماتيك الله اكبر جنوط اسبور وكاوتش جديد بطارية جديدة والمفاجاه فيها غاز طبيعى خالص دفع فيها 45 الف ربنا يباركله فيها وكان مشتريها من تاجر من خلال اعلان على النت يعنى اللى يدور هيلاقى

شكرا يا باشا رجعتلى الامل تانى :)
ربنا يباركله فيها و ان شاء الله الاقى حاجة كويسة ليا انا كمان