مبروك علينا الفوز على غانا اتنين واحد
عرض للطباعة
مبروك علينا الفوز على غانا اتنين واحد
ههههههههههههههههههههههههه هههههه
بلا خيبه ولا حتي نافعين في اللعب هننفع في حاجه تانيه !!!!
مبروك علينا راحة الدماغ والهرب من الخية اللي كان معودنا عليها مبارك وهي انهم يشغلونا بالكورة وننسي ايه اللي بيحصل فالبلد.
لو كان الكلام عليها تنظيم البطولة كنا قولنا ماشي عشان بس المصالح والسياحة وفرص العمل اللي ممكن تطلع من ورا الحوار ده انما مادام مجرد مشاركة يبقي فيه حاجات اهم ممكن نهتم بيها ونركز عليها. البلد عايزة تتبني مش عايزة كاس يتحط علي رف اتحاد الكورة.
ياااااااااااااااااااه
الحمد لله فوز ثمين وغالي
وفرصه للمرتزقه يدور و علي مدرب اجنبي تاني
يسترزقوا من وراه بقرشين
.....................................
....................................
..............................................
انذار ووقف اسبوع لمخالفة القاعدة 12
يرجى مراجعة قواعد المنتدى
3:20pm 20/11/2013
السياسة اكلت دماغنا وزادت نسبة الغم والكآبة والسواد في حياتنا
مبقاش لينا نفس حتي نفرح
كل شعوب العالم بتحتفل بفرقها وبيتمنوا اليوم اللي يترفع فيه علم بلادهم ويفرحوا ويحتفلوا
واحنا بنعتبر الفوز والاحتفال مؤامرة من النظام علشان يلهي الشعب "يالا سخرية القدر"
وبقينا بنستني تواريخ محددة لاحياء ذكري قتلي وشهداء باعمال عنف تؤدي لمزيد من القتلي والشهداء
ايامنا كلها بقيت انتظار لتاريخ احياء ذكري قتلي ودائماً في انتظار وترقب للجماعة الثوار لتجديد التظاهر واعمال العنف وماذا سيفعلون وندعي ربنا يستر ويعدي اليوم ده علي خير
والجيش والشرطة في حالة تأهب مستمر وبقي مهمتهم محاصرة الميادين وتفريق المتظاهرين علشان لو سبنالهم الفرصة هيتجمعوا باعداد كبيرة وهتبقي فوضي تاني ونعيد القصة من الأول
وبعدين نرجع نقول الشرطة مش شايفه شغلها ومش بتطارد المجرمين والبلطجية والحرامية وقطاع الطرق طيب هما هيطاردوا المجرمين ولا هيطاردوا الاخوان واعوانهم الثوار اللي كل يوم في مكان جديد
وانا من هذا المزنق اطالب بفتوي تحريم لكرة القدم لأنها تذهب العقول...والغاء كأس العالم لأنه رجسُ من عمل الشيطان وقتل جميع لعيبة الكرة لأنهم أبالسة وعلي رأسهم ابوتريكة لأنه زنديق يظهر بوجه ملاك:angelme:
كما اطالب بالغاء الجيش والشرطة والحكومة ومش عايزين رئيس احنا نعيش كدة من غير ما حد يتحكم فينا ويقرفنا بس الجماعة الاخوان والثوار بتوعهم مش هيلاقوا حد يثوروا ضده ممكن بقي يثوروا علي حكومات الدول اللي حوالينا يعني يطلعوا علي اسرائيل من بتوع علي القدس رايحين شهداء بالملايين (اهم يبقوا عملوا حاجة مفيدة في حياتهم وثاروا ضد العدو بجد وميبقاش كلام وخلاص)
وشية يطلعوا علي امريكا الشيطان الأعظم (بس ياتري امريكا هترحب بيهم ماهما المفروض حبايب والمصلحة واحدة ولا هتعمل فيهم زي مابتعمل في اللي بيحب يتظاهر ضد الجيش والشرطة عندهم)
.........((((انا باين عليا قلبت الموضوع سياسة برده))))......مش بقولكم السياسة اكلت دماغنا
يعنى انتا بالنسبالك الشهداء قتلى
والثوره فوضى
والذكرى نكسه
وسخريه القدر هى اللى بتوصلنا لكده
ما شاء الله مثقف
لا حقيقى
عارف يعنى ايه سخرية القدر ؟
http://fatwa.islamweb.net/fatwa/inde...twaId&Id=35295
الحمد لله بطلت اتفرج علي كورة بقالي أربع سنين ...
هارد لك لمصر و مبروك لاشقائنا في الجزائر الوصول للمرة " الرابعه "
الحمد الله علي كل شئ
وربنا يصلح حال البلد ونبقي احسن
ابشروا يا جماعة احنا ممكن نعمل حركة ونصعد للنهائيات
وده وفقا للقوانين والاعراف المصرية (الفقاقه)
وهي ان سيادة الرئيس الفريق المشير
يقبض على الفريق الغاني
والتهمة انو استغل مبارة مصر للوصول لكأس العالم وخدو الكورة معاهم فوق
زي بالظبط لما الاخون استغلو الديمقراطية للوصول للسلطة
وممكن برضوا نعملهم مشروع نهضة يجيب اجلهم
ونجيب واحد اسلامي نلبسه حزام ناسف ويدخل يفجر فريقهم
يعني هما هيبقوا ن احسن من العساكر اللى قتلوهم في رمضان !
ويطلع البلتاجي ببلاهتة المعتادة يقول : سيتوقف التفجير في اللحظة اللى تدخل مصر كاس العالم
اه ونستعبطهم ونقول معاهم سلاح وبيمارسو نكاح الجهاد
والفريق الغاني متاخد بطاقة اللاعيبه بتوعه عشان ميروحوش قبل مايرجعو بكأس العالم
ونعمل معاهم 3 مجازر وحتى مجزرة رابعه نقول ايه اللي وداهم هناك
ويطلع الجهلاء ويقولو مكافحة إرهاب ويلاقو المغييبين اللي بيصدقو
حدثني عن مصر اليوم وما وصلت إليه بسبب تخلف وغباء الانقلابيين
وتسلم ألايادي قصدي الرجول :11:
الحمد لله الذي شافانا وعافانا مما ابتلى به كثير من خلقه
ويطلع الاستبن يقول (حافظوا على حياة الخاطفين)
والاستبن يقول (لم نبدأ في مرحله الاغتيالات)
والبلطاجي ( ستتوقف الاغتيالات لما يرجع الاستبن)
والخرفان الصغيره تنكر
ده الجيش بيقتل بعضة .
والشرطة بتقتل بعضها ..
والمسيحيين بيحرقوا كنايسهم ..
والظباط بيحرقوا اقسامهم ويشربوا بعض ميه نار
والعيال بترمي نفسها من على العمارات !! احنا ملايكه
ولما يتمسك بكذبة يبدأ في التبرير للارهاب (اصلهم مظلوميين - احنا اتقتل منا)
المشكله ان كل ده لن يمنع المصير النهائي للخروف
ده بيخلي الناس تفهم قد ايه هو مغيب وخطر على نفسه وغيره
ده مش فكر حضرتي
ده الواقع ان 99% من الارهابيين في العالم اسلاميين .. وكل دول العالم بتكافحهم كأنهم مرض واولهم السعودية الدولة الوحيده اللى بتطبق الشريعة
بتسميهم الفئة الضاله
الاسلاميين على اختلاف توجهاتهم
اما ارهابي
واما يبرر للارهاب (يجدد اي مبرر لعمليات التفخيخ والتفجير والقتل وقطع الرؤوس)
واما يستفيد منه سياسياً (مش هيقف الا رهاب الا لما يرجع فلان)
واما يلصقة في اي حد تاني (السيسي بيقتل الجيش .. امريكا اللى فجرت البرجيين .. الخ من تبريراتهم المعتاده حتى بعد اعتراف المنفذيين بالقتل)
لاحظ ان في فرق بين المسلميين
وبين الاسلاميين اللى هما جماعه سموا نفسهم بهذا الاسم واتخذوا القتل والارهاب وسيلة وغاية
هو غالبا مسلم (في البطاقة يعني)
بس فكره عبارة عن نتاج مشوه نتيجة تلاقي مشبوه بين العلمانية والإسلام المتأمرك فأصبح نتاجه الفكر الممسوخ اللي انت شايفه ده
معلش أصل الأفكار والعقول دي بتعدي على الواحد علطول فلا تستعجب إنك تلاقي واحد بيقولك أنا مسلم وتلاقيه بيهاجم كل ما هو إسلامي بحجة إن في فرق بين المسلم والإسلامي :POINTIy2[2]: وطبعا هيحاول يثبتلك إنه هو اللي بيمثل فهم الدين الصحيح ومش بعيد يقولك أنا بفهم في الدين أحسن منك زي إلهام شاهين كده ما عايزة تعلمنا الدين الصحيح :10D5C8w1107:
نصيحة محدش يشغل نفسه بيه علشان مش هيستفيد حاجة سوى تضييع وقته والظاهرة دي بتاخد وقتها وبتندثر وبالتالي أتباعها يا إما بيفوقوا يا إما بيندثروا معاها برده وتطلع ظاهرة تانية وهكذا زي زمان كان في شيوعية واندثرت وماركسية واندثرت وعلمانية واندثرت وشوية افتكسولها اسم جديد وهو الليبرالية وهتاخد وقتها برده وتندثر ويطلعولنا بافتكاسة جديدة
معلش يا جماعة هما الناس دول كتروا فعلا اليومين دول بالذات بسبب اكتساح (الإسلاميين !) الرهيب في انتخابات مجلس الشعب والشورى السابقين واستفتاء الدستور وصعود أول رئيس منتخب (إسلامي !) للسلطة بدعم شعبي كبير لم يتوقع بالرغم من تجييشهم لكل جيوشهم العلمانية وتسخيرهم جميع وسائل الإعلام لصالحهم وبالرغم من كده لم يجدوا أي قبول لهم في الشارع المصري فبالتالي حصلهم اللي انت شايفه دلوقتي ده :Oc_sun1[1]:
حضرتك ملاحظاتك خليها بعد كده بعيد عن ديني .. عشان بس بعد كده ملاحظاتي هتضايقك لو الباب اتفتح للملاحظات الشخصية :)
بس هجاوب على سؤالك لأنه مهم جداً ومش هاخده بشكل شخصي
ايوا انا مسلم واسمي محمد
بس سؤالك ده بيكشف شئ مهم في عقيده جماعتكم الضاله
وهو التكفير
ده نفس الفكر اللى اتقتل بيه (السادات) الله يرحمه
وهو نفس الفكر اللى اغتالت به الاخوان (النقراشي) رئيس وزراء مصر
وهو الفكر نفس الفكر اللى حاولتوا بيه اغتيال عبد الناصر واللى نتيجته (وضعكم في المكان الطبيعي لكم كمكفراتية وهو السجن)
وهو نفس الفكر اللى قتل بيه جنودنا في سينا
هو نفس الفكر اللى القى به متخلف مهوس اطفال من فوق عمارات
هو نفس الفكر اللى قتل في النهضة وبين السريات وهو فكر تكفير وقتل كل مخالف
وهو التكفير ثم الاستحلال ثم الدم والقتل ثم العمليات الانتحارية
وده نتيجته الطبيعية انتقام الدولة والمجتمع
يعني دقن زي اللى بيتكلم ده ممكن جداً في الايام اللى فاتت كان يمشي في الشارع حد يهزقة
شوية كده مش هيأمن حتى في بيته هو وامثاله (ده مش تهديد ده واقع هتعيش لحد ماتشوفة بعينك قريباً)
اعتقد المفروض تكون فهمت حاجه
وان كنت اعتقد انه صعب الحوار مع ارهابي اذكي واحد في جماعتهم الغبي الاستبن
رد فعل على ارهابكم وفكركم اللى هم عباره عن اجرام مش فكر
فان وصلت بالمصريين اما نحن او انتم
سنكون نحن بكل تأكيد .. ومفيش ادنى شك في كده
دي صورة على تطبيق فكركم بعد تمكنه في سوريا
التقطت قريباً من حلب سوريا
وبالتأكيد ده مش هيحصل في مصر لو لامؤاخذه شفتوا حلمه ودانكم
https://fbcdn-sphotos-a-a.akamaihd.n...93932863_n.jpg
يافندم أنا سألت حضرتك بذوق وأدب وكنت أتمنى حضرتك مايكونش ردك كده ..بس أنا عاذرك لأن فيه ردود اتبنت على سؤالى ممكن تكون ضايقتك بس تذكر انى مسئول عن كلامى فقط وليس عن كلام غيرى.
نقطة تانية باعذرك فيها لأنك عضو جديد وهو "عقيدة جماعتكم الضالة"..وده مش لأنى حاحلف لك انى مش اخوان بس باحترمهم زى غيرى .. لكن لأن تاريخى فى المنتدى هنا يعرفه الأعضاء القدامى ومشاركاتى موجودة فى الأرشيف
ونصيحة صغيرة من أحد معارضى الاخوان .. ليس عداء الاخوان معناه ان 99 % من الارهابيين فى العالم اسلاميين أو اخوان أو حتى من ارهابيى مصر... لنكن منصفين قدر المستطاع حتى فى الخصومة.
لو دورت عالنت هتلاقي فيديوهات توريك رد فعل دول العالم اللي حضرتك بتستشهد بيهم دول اتجاه اي حد لابس لبس اسلامي حتي النساء المحجبات واشهرهم طبعا الدكتورة المسلمة اللي اعتدي عليها في فرنسا فقط لانها لابسة حجاب. وهتعرف مين الارهابي بجد ( فبلاش ناخدهم معيار او شاهد ).
اعتذر ان كان ردي ناشف شوية
وده بسبب الردود الاخرى
عموماً الاسلاميين بالفعل يقومون بمعظم عمليات القتل والارهاب في العالم (الاخوان جزء مش كل الاسلاميين)
وده ممكن تشوفة بشكل واضح في مصر (مفيش جماعه قامت باغتيالات وعنف منظم وتفجيرات في تاريخ مصر الا الفصائل الاسلامية منذ ارهاب الاخوان الاول حتى اغتيال السادات و ارهاب التسعينات والارهاب الحالي)
ممكن برضوا بمجرد مشاهده نشره الاخبار يومياً هتلاقي ان تقريباً 99% على افضل الاحوال من الارهابيين واخبار الارهاب والعمليات الانتحارية والتفخيخ والذبح بالسيوف هي حصراً على الاسلاميين
لو كل ده مش
في احصائيات يافندم ممكن نجيبها بعمليات الارهاب وضحاياها
وان كان الامر واضح كالشمس مش محتاج دليل
رد فعل ؟ ههههههههههههه
ده في أي قانون طيب إن جماعة إرهابية مثلا على كلامك أقتل منها 3000 واحد منهم أطفال ونساء وشيوخ بدون أي تمييز وبدون أي محاكمة عادلة وبدون حتى عقد جلسات نصح وعمل مراجعات فكرية وهكذا ده على افتراض يعني انهم جماعة إرهابية لكن الإرهابي فعلا هو الذي يبرر القتل وسفك الدماء ولن يعدم الوسيلة ولا التبرير والإرهاب فعلا هو إنك تشيل رئيس منتخب بالديمقراطية اللي صدعتوا دماغنا بيها تشيلوا جبرا وقهرا وقسرا وتخطفه وتحبسه وتحارب جماعته وتقتلهم وتعتقلهم هو ده الإرهاب مهما كان المبرر وأتحداك إن أسيادك الغرب اللي هتموت من الانبهار بيهم يوصل واحد منهم للسلطة بالانتخاب وحد يشيله بالطريقة الهمجية دي ويقتل أنصاره وأتباعه هما فعلا متحضرين عننا في النقطة دي علشان معندهمش السذج اللي بيفتنوهم بعبارات الحرية والديمقراطية والحرب على الإرهاب ولأنهم مؤهلين نفسيا فبيتقبلوا كل الكلام الفاضي ده ويقعدوا هما يضحكوا عليهم للركب من خلف الكواليس
وعلى فكرة الصورة دي مش في سوريا ، الصورة دي في تركيا بتاريخ 8 يونيو 2012 والله أعلم واقعتها إيه وسببها إيه ممكن تكون في فيلم معمول مثلا لتشويه صورة الإسلام أو متفبركة فوتوشوب زي ما بتقعدوا تردوا على أي صورة تدينكم وتفضحكم فياريت بلاش تتفرج كتير على المواقع اليهودية والصليبية علشان شكلك متشبع بيهم أوي وهتلاقي على فكرة صور من دي كتير بس لو حبيت أنا ممكن أجيبلك صور كتير أوي برده لمسلمين ملتزمين وملتحين ومنتقبات علماء وعظماء وأدباء بس أكيد عمرك ما سمعت ولا هتسمع عنهم لأن انبهارك بالغرب وبغضك لكل ما هو إسلامي هيعمي عنيك عن أي تقدم للمسلمين
Turkish Man in Germany Beheads Wife - Bulletin Of The Oppression Of Women in Islam - Bulletin Of The Oppression Of Women in Islam
يافندم أنا بقالى حوالى 10 شهور مابادخلش فى مناقشات سياسية ..ومش عايز أطول فى النوع ده من المناقشات..لكن تعليقين صغيرين على رد حضرتك ياريت يتسع صدرك لهما :
1- لو اعتبرنا عمليات الاغتيال السياسى كلها ارهابا فلا يجب أن نبدأها منذ ارهاب الاخوان الأول كما تقول ولكن السادات نفسه يمكن تصنيفه كارهابى لأنه اغتال أمين عثمان .
2- نشرات الأخبار فى العالم كله لايجب أن تكون مصدر احصائيات..لأنها موجهة وليست محايدة
تحياتى
حضرتك ده يوضح كلامي اكتر
ان الاسلاميين والارهاب وصموا الاسلام والمسلميين نفسهم
وبعد كل غزوة من غزواتكم المباركه بداية من تفجير البرجيين و تفجيرات لندن .. الخ من غزواتكم التى لاتنتهي
كل العالم بيبدأ يشك في المسلميين وشوف معامله المسلم في اي مطار حتى لو مش غربي (كارهابي محتمل)
لأن طبعاً العالم لايفرق بين مسلم واسلامي .. اضافة الا ان الشعوب دي مهما كانت متحضره .. احنا عندنا هنا الخناقة بيموت فيها 10
هنا في مصر التفريق سهل والشعب مش متحضر اوى واسهل حاجه الانتقام
مش عارف ليه حاسس ان في كلام حضرتك نوع من السخرية .. عموما هاخد كلامك بحسن نية.
حضرتك ليه مصمم تلصق كلمة الاسلامي بالارهابي وترجع تقول الاسلاميين الارهابيين هما اللي وصمو الاسلام. علي فكرة الاسلام بريء من كل القتل ومن كل الدم . ولو بتبص بعين المنصف هتعرف ان في كل ديانة فيها القاتل والارهابي وصاحب الفكر المتطرف فاليهودية هتلاقي وفالمسيحية هتلاقي. وممكن نقول امثلة توضيحية بس للاسف مبحبش ادخل في مناقشات تعمل فرقة بين الناس ويبقي فيه تفضيل دين علي دين ونرمي اتهامات علي بعضنا. فممكن حضرتك تدور عاليوتيوب وهتشوف كمية التحريض اللي بيتم من ديانات غير الاسلام.
بس العين بتشوف بس اللي عايزه العقل يصدقه. مش بيصدق اللي العين بتشوف.
ربنا يهدي.
متقدرش تخدها الا بحسن نية
مش عافية :)
لأن دي التعبيرات اللى استخدمها الاسلاميين الارهابيين
وسموها غزوة نيوريورك
اما ان فكرهم ضد فكرك وتدينه بشكل واضح وبالتالي تبقى مش اسلامي تبقى (مسلم)
واما انك تكون شايف افعالهم خير ولاتستحي من تسميتها غزوة كما يسموها
بالنسبة لكل ديانه فيها ارهابي .. مفيش حد يقدر ينكر كده
لكن كمية الارهابيين من الاسلاميين مهوله .. برضوا مفيش حد يقدر ينكر كده
مفيش يوم يعدي الا وهتلاقي مئات القتلى على يد الاسلاميين
واحنا شايفيين في مصر وسوريا والصومال والعراق وافغانستان
واي حته يوجد فيها اسلامييين يوجد قتل ودم يومي
مفيش حد يقولك انت سني (ويدبحك لهذا السبب) او انت (شيعي) فيدبحك لهذا السبب الا الاسلاميين
دي حاجه بقت حصرية علي الاسلاميين وماركه مسجله
معلش أسف على التداخل مرة أخرى..أرجو مراجعة التالى :
1- المذابح ضد المسلمين فى صربيا
2- المذابح ضد المسلمين فى البوسنة والهرسك
3- المذابح ضد المسلمين فى بورما
4- المذابح ضد المسلمين فى الشيشان
5- المذابح ضد المسلمين فى الهند
6- العنصرية الدينية فى أوروبا ( مثال : مروة الشربينى)
كل هذه الحالات لم تحدث بيد الاسلاميين
تحياتى
يا أخي انت فاهم غلط
المسلمين هما اللي كانوا بيدبحوا بعض وبيغتصبوا بعض ولحد دلوقتي أفغانستان والعراق هما اللي بيموتوا بعض والجيش الأمريكي والأوروبي العسل الكيوت رايح هناك علشان يحجز بينهم بس مهوش قادر على الإسلاميين الإرهابيين الوحشين الكخة
بالنسبة للأخ الأوروأمريكي ده بقولك إيه: ما تفكك من مصر ومن المنتدى ده ومن كل حاجة فيها مسلمين وحشين كخة وتروح تعيش في أمريكا بلد الحرية والتحضر والتقدم وشاركلك في منتدى سيارات أمريكي برده بس بشرط ميكونش فيه مسلمين . ولا أقولك ! ما تسيبك من الإسلام عموما طالما أصبح وصمة عار وأصبح كل إرهابي هو إسلامي وكل إسلامي إرهابي وتشوفلك ديانة تانية بتاعة الناس المتحضرين المتقدمين دول وتكبر دماغك وتريحنا احنا كمان مش ناقصة والله خلينا ياعم احنا نموت في بعض وناكل في بعض لحد ما ننقرض لوحدنا إيه رأيك ؟؟
تعرف كل ما أقرأ كلامك أو أشوف تعليق ليك هعمل إيه بعد كده ؟
هقول: الحمد لله الذي عافانا مما ابتلاك به وفضلنا على كثير ممن خلق تفضيلا
اللهم ثبتنا ولا تفتنا
انه الاعلام الموجه وعدم الحيادية وعدم الانصاف ولا المهنية . وبرده محدش يقدر ينكر كدة.
وهكتفي باللي قاله استاذ محمد يوسف لانه وفر عليا كتير ربنا يجازيه خير. بس السؤال بقي هل حضرتك سمعت عن المذابح اللي ذكرها الاستاذ محمد :::
- يااما سمعت عنها او شوفت فيديوهات ليها ومذكرتهاش وده تبقي عدم انصاف من حضرتك لانك بتتهم الاسلاميين بس بالارهاب ومبتذكرش الارهاب اللي بيتعرضو ليه من غير ديانتهم.
- او ماسمعتش عنهم ويبقي هو ده اللي قولته فوق الاعلام المضلل الموجه الغير منصف. ولاسف نجح انه يبني عند الناس قناعات ووجهات نظر زي وجهة نظر حضرتك كدة في كل ماهو اسلامي.
طيب نستثني (الحالات اللى في الماضي) لأن الماضي لاينتهي لو تم ذكره
وانا لا انكر ان كل شعوب العالم ممكن تمارس العنصرية والمذابح .. دي حاجه والله ماباتكلم فيها
انا بتكلم في الحاضر والعصر الحالي عن (الارهاب)
الهندوس والمسلميين .. صراع طائفي ... مش ارهاب الطرفين بتقوم عليهم هوجة يقتلوا بعض .. ممكن تكون شبية بفتن المسلمين والمسيحيين في مصر .. صراع طائفي بيدخل فيه اعداد كبيره من الناس بدافع الحمية مش ارهاب
بورما .. صراع طائفي بين البوذيين والمسلمين .. نفس الحاله
ومفيش شك ان المسلميين الاضعف في اي قتال طائفي او غيره لأنهم متخلفيين سياسياً واجتماعياً ومالياً بالنسبة لجيرانهم الهندوس والبوذيين وبالتالي سهل ضياع حقهم
موضوعنا الارهاب مش الحروب الاهلية والطائفية بين المسلميين وغيرهم
كم مره سمعت بوذى (ديانة بورما) فجر فندق او برج ؟ او فجر نفسه بين سياح ؟
كم مره سمعت هندوسي قتل جنود الجيش (الهندوس) لأنه كفرهم وهندوسيتهم مش عاجبة سيادته ؟
كم مره سمعت اسلامي فعل ذلك ؟
كم مره سمعت اسلامي كفر ابناء بلده المسلميين واستحل دماءهم سواء جيش او افراد عاديين ؟
الفرق رهيب ولايمكن اخفاؤه او علاجة بالانكار
مشكلة الارهاب موجوده في كل الدول المجاورة لنا (الاسلامية) بشكل لايمكن مقارنتة بأي حاجه تاني في العالم
انت هتحاول تنكر مشكلة الارهاب لدى الاسلاميين لأن ده شئ بعيد عنك
هتجيلك لحد باب بيتك وبدلاً من غزو نيويورك هتلاقي (غزوه مدينه نصر)
انت ماشاء الله فاتح كل الاقمار الصناعية وبتراقب العالم كله ومحدش أدك
ياستاذ مش معنى ان حضرتك مبتسمعش ومبتشوفش غير الدول العربية
يبقا الارهاب موجود داخلها فقط ؟؟؟؟
وبعدين حضرتك مشاركاتك معظمها انت مش شايفها غير انها سياسية ؟؟؟؟؟؟؟؟؟؟؟
المنتدى سيادتك عن السيارات ويخص بعض الاقسام ألاخرى من ضمنها القسم إلاجتماعي
مش السياسي يافندم
عاوز تتكلم فالسياسة اتكلم فيها فأي مكان الأجواء مفتوحة
وأنا أأكدلك ان عمر ماحد هيدايقك من الدولة بفكرك الجميل ده
أنا مش فاهم النقط دى فى كلامك :
1- تطلب استثناء الماضى وعدم ذكره(مع ان أقدم ماذكرته من حوالى 20 سنة فقط) ... ولا أدرى بأى منطق احصائى تطلب ذلك ..وكيف تطلبه وأنت أول من أشار الى ماضى الاخوان الارهابى
2- كيف يكون ضحايا الصراع الطائفى ليسوا ضحايا ارهاب لمجرد أنهم مسلمين ؟ فهل ضحايا اعتداءات الكنائس فى مصر من الأقباط مثلا ليسوا ضحايا ارهاب ؟ بأى منطق؟ هل تنكر حقيقة المذبحة وتتحايل فى توصيفها لمجرد أن ضحاياها مسلمين؟
3- ماذا تعرف عن المنظمات الارهابية الدولية - الغير اسلامية - التالية : الألوية الحمراء - منظمة ايتا الأسبانية - الجيش الأحمر اليابانى - حركة كاخ اليهودية - منظمة نمور ايلام تاميل الكندية - منظمة ايلا اليونانية - منظمة كلو كلوكس كلان الأمريكية
ده غير الميليشيات اليمينية الأمريكية المنسوبة للولايات المختلفة
طبعاً ضحايا الصراع الطائفي في مصر مش ضحايا ارهاب
هم مجرد ضحايا صراع طائفي
الصراع الطائفي معروف شكله (مجموعه من الالاف المسلميين العاديين) بيتصارعوا مع (مجموعه من الالاف المسيحيين العاديين) لأي سبب او مشاجره بمجرد انتهائها بتعود الامور لطبيعتها
ده مجرد صراع طائفي
انما ناس داخله كنيسة او جامع او حسينية بتوع شيعه او فندق او ماشي في الشارع ويطلع يلاقي عربية مفخخه في انتظاره او اطلاق نار بشكل عشوائي
دي افعال لايفعلها في الغالبية العظمى للحالات الا الاسلاميين واجرام خاص بهم
بالنسبة للجماعات التى ذكرتها
كم واحد قتلتهم هذه الجماعات طوال هذا العام كله مثلاً ؟
واحد اثنيين ... 10
ياباشا الاسلاميين في مصر بيخلصوا على عشرات في عملية واحده .. والعملية الكومبو زي تفجيرات شرم الشيخ بيخلصوا على مئات في العملية
واصدقائهم في العراق وسوريا بيخلصوا على 300-500 واحد في يوم
ده غير الصومال وليبيا واليمن .. الخ
العدد هائل ومهما مارسنا من فنون الكلام والاخفاء وذكر الشارد والوارد في العالم وكثير منها جماعات قديمه لم يعد لها وجود حالياً
هتلاقي الارهاب حالياً حاجه مرتبطه بالاسلاميين بشكل لايمكن تبريره ولاانكار الظاهره
واضح ان مصادر معلومات حضرتك غير دقيقة
أنصح حضرتك بالقراءة المتعمقة فيما ذكرته لك سابقا
وكذلك بمراجعة بعض مفاهيمك
وأتمنى أن تراجع نفسك فى تعريف كلمة اسلاميين ودمغها بالارهاب
لأنك تدمغ دينك كله بالارهاب
ومع احترامى لحضرتك ..أنا أعرف أجانب كثيرين ولم أجد فيهم من يتحامل على الاسلاميين مثلما أرى فى كلامك
الاخوان مخطئين..نعم ... الجهاديين منحرفين...نعم
لكن الاسلام دينك ودينى لا تنسب له الا ما يستحقه من عدل وخير وحق.
مفيش علاقة بين الدين في حد ذاته وهؤلاء القتلى المرضى نفسيين
التفسيرات للدين لايمكن تبرئتها فكثير من كتب التراث متخلفة ومليئة برضاع الكبير وشرب بول البعير .. الخ مما تم دسه في الدين
مفيش حاجه في الدين اسمها اسلامي
فيه مسلم فقط .. اي تسمية اخرى هي ضلال
ومن يتسمون بها يحاولون التستر على افعالهم المريضة
الارهاب ظاهره مرتبطه بالفكر السياسي للجماعات التى تسمي نفسها اسلامية
ولايوجد جماعه منهم لم تقتل او تحرض على قتل .. لأنه ببساطه ان كنت انت تمثل الاسلام .. فالمعارض كافر .. وبالتالي قتله مرتبط بقدرة هذه الجماعات على القتل فقط
ان كانت ضعيفة تمارس التقية (الاخوان) وان كانت قوية (تقتل المعارضين زي طالبان) اللى لم تتورع عن قتل وتفخيخ حتى المجاهدين الافغان زي احمد شاه مسعود
بالنسبة لمصدر معلوماتي
الموضوع مش تحدي اكتر منه بحث عن الحقيقة
بس مستعد اثبت لك بكل مصدر موثق ان اغلب هذه الجماعات التى ذكرتها
عشان تقول الاخريين برضوا عندهم ارهاب
جماعات لم يعد لها وجود اصلاً او تحولت لمجرد افكار متطرفة لكن لاتؤدي لقتل احد
ولايمكن مقارنتها بارهاب الاسلاميين من حيث حجم الدم والقتل اليومي الذى يرتكبونه
تحياتي