الموضوع: أستخراج رخصة لأول مرة ؟؟؟

المشاركة الأصلية كتبت بواسطة saddam

صديقي المواطن
ياااه قولا واحدا مش حرد على مشاركتك وطلبك عشان مصدمكش بواقع الحال بس أنا أحس حضرتك لسه إنسان جديد وأحلامك وردية وبتنظر للحياة بتفاؤل ومش عايز أصدمك في مصر بس أما تشوف حتقول ألف وأرجع تاني بره وقولا واحدا مفيش رخصة تطلع في يوم لو إنت ماشي نظامي ومفيش تسوق أوتوماتيك وهناك حلان تتبهدل آخر بهدلة وتروح وتيجي كام يوم ثم تطلع رخصة بطلوع الروح وبعديها بيومين ثلاثة أي كمين من المنتشرين في الشوارع دلوأتي يسحب رخصتك ﻷي سبب يناسب تفاهة اﻷخ بتاع كمين المرور وترجع تلف وراها تاني في وحدات المرور معرفش بس بحس ظابط المرور وأمين شرطة المرور بيلعبوا مع المواطن زي توم وجيري في حالة جري دائم ورا بعض وأنا عندي إستعداد أقابل الشيطان وأقعد معاه جايز نقدر ننصحه لكن لما أشوف كمين مرور في الشارع بحس إني بكره نفسي ناس تجيبلك الغم
وطبعا قطعا هناك الطريقة الخالدة ﻹستخراج الرخصة المبنية على القاعدة الوطنية هين قرشك ولا تهين نفسك وهي بإنك تدفع 800 جنيه وتروح تفضل بس واقف تخش تصور وتاخد رخصتك حتى لو إنت لسه متعرفش الفرق بين الدركسيون والدبرياج والكفته بالطعمية
وطبعا هناك طريقة نصف المذلة وهو.بأنك تشوف والدك يعرف مين ظابط أمن دولة.أو ظابط مرور أو ظابط جيش بس مش معاش يخش معاك يطلعهالك وإسمك إتكسرت عنيك لصاحب والدك أحسن ما تتمرمط وتتهان وتهون وتصعب عليك نفسك وآدميتك في وحدات.المرور المصرية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

تمام يا أستاذنا ,,,

ليا صاحبي قالي ليه وسطه بس تبع الجيزة وووالدي ليه كتير في في المنيا وانا بطاقتي 6 أكتوبر

فرحت فيوم شفت مرور 6 اكتوبر من بره كده وزحمه وكده بس واحد اخو صاحبي طلعها منه بواسطه واختبر على عربيه أوتو عموماً فكرة الفلوس حلوه بس 800 كتير حاسس انها أوفر خاصة أني في السليم يعني

أما حوار سحب الرخصة نخليه لوقته لما تطلع الأول :D