السلام عليكم ورحمة الله وبركاته
العربية عندى رحت بيها ليها كذا مرة كل ما اطلع بيها تبطل لوحدها فجأة ولما أجى أشغلها تشتغل من تالت او رابع مرة بعد ماتكون لمبة التشيك نورت وكمان لما باجى اسحب بيها احسن كده بعض الاحيان انها عايز تبطل
كمان فى مرة وانا ماشى بيها سرعة الموتور على السلانسية بترفع معايا على اخر دوسة يعنى ممكن توصل 2500 ار بى ام مع العلم انى نضفت الايدل مرتين زى ما الاستاذ فادى شارح فى موضوعه .. وفى نفس المرةبرضو ابطل واشغل تشتغل كويس من اول مرة بس الار بى ام بيعلى برضو لغاية ما حسيت انها بتقطع رحت ركنت وجيت اشغل اشتغلت على الار بى ام العالى ومشيت بيها وجيت ادوس فرامل لقيت الفرامل عالية خالص كما لو انى مبطل العربية وقافل الكونتاكت رحت ركنت وشغلت وكملت بيها مشوارى تمام مية مية
بعدها بيومين طلعت اجربها اشتغلت عادى بس مشيت بيها شوية وجيت عديت على شوية مطبات راحت بطلت والتشيك نورت شغلت اشتغلت رحت ركنت تحت البيت وقلت اشغل التكييف واجربها مع التكييف اول ما شغلت التكييف الار بى ام نزل من الف لغاية 900 تقريبا ( العادى عندى الف ) رحت زودت شوية بنزين لغاية الالفين وفضلت دايس فترة بعد فترة لقيت العربية بطلت لوحدها .. بعد كده شغلتها من غير تكييف اشتغلت عادى
ياريت تفيدونى وتحللولى المشكلة ممكن تكون فين ؟؟
العربية فيكترا بى 1 الموتور الاسود 1600 سى سى مانيوال موديل 99
المفضلات