حادثه دمرت السياره

**ehabpopo** · 23-11-2013 06:21 PM

قدر الله وما شاء فعل والحمد لله انك بخير *
لو هاتصلح فى التوكيل يبقى خلاص هاتلاقى هناك كل حاجة ....
لو هاتصلع عند ميكانيكى ... روح للاسطى حمدى ... وامشى معاه واحدة واحدة وقطع الغيار عند شخلول كويس واصلى واسعارة افضل من شارع دمشق ... وربنا يوفقك إن شاء الله
بس قولنا اية اللى حصل فى العربية وطمنا عليك

**حمدى الفنى** · 23-11-2013 06:36 PM

حمد الله على سلامتك ما يهمكش كلو سهل اهم حاجة انت

**Saudikamal** · 23-11-2013 06:42 PM

المشاركة الأصلية كتبت بواسطة ahmedselaraby

لا حول و لا قوة إلا بالله ,, قدر الله و ما شاء فعل

ألف سلامة على سيادتك ,, طمنا عليك .........

بالنسبة لقطع لغيار ,, فا فيه محل شخلول اللى فل زاوية و ذكى جرجس فى شارع دمشق - هارون الرشيد - مصر الجديدة

هى الحادثة حصلت ازاى ؟

والله العظيم ما اعرف ده انا لسه جايب العربيه فى شهر 8 جديده من وقتها وكل يوم نصيبه شكل لحد اخر مره جابت اجلى

**Saudikamal** · 23-11-2013 06:49 PM

المشاركة الأصلية كتبت بواسطة elswaha

[overline]الحمد لله انك بخير
وعن تجربة
اذهب للتوكيل افضل وأرخص
طبعا مش هاتصدقنى
لكن دى الحقيقة
وتقدر تروح فرع الشرابية
هناك مهندس اسمه محمود
زوق جداً وهايفيدك جدا جدا
والصنايعية هناك افضل حالاً بعد الاسكندرية

[/overline][overline][/overline]

انا حضرتك لسه جايب العربيه من شهريين جديده دافع فيها 77 الف جنيه ولما حصل لى الحادثه الاولى وغيرت طقم دبرياج روحت التوكيل ودفع الف ومتيين جنيه ولما حصل لى الحادثه الاخيره دى جبت الونش ورحت على التوكيل قالى 35 الف جنيه والعربيه فى الضمان انا اكيد يعنى مش هاروح بره من نفسى واضيع الضمان على بس بجد حسبى الله ونعم الوكيل فيهم لان ده اوسخ خدمه عملاء وضمان فى مصر

**Saudikamal** · 23-11-2013 06:54 PM

المشاركة الأصلية كتبت بواسطة mody112

الحمد لله على سلامتك واى استفسار من ناحية قطع الغيار انا تحت امرك

حضرتك انا المشتروات الى عندى فى العربيه
الدونجل الخلفى
الاربع فوانيس
اكسدام امامى وخلفى
اربع فوانيس شبوره امام وخلف
علبه البور
المروحتيين الى قدام
المقص الامامى يمين
الباره اليمين الى واصله على علبه الدركسيون
البيضه الى فى المقص اليمين
الزجاج الامامى
ولسه فى حاجات تانيه مش عارف اسمها
وكمان المشكله الكبيره فى الجنوت وهى دى اكبر حاجه دايخ عليها وربنا يكرمك ياريت تفدنى فيها

**Saudikamal** · 23-11-2013 06:59 PM

المشاركة الأصلية كتبت بواسطة ehabpopo

قدر الله وما شاء فعل والحمد لله انك بخير *
لو هاتصلح فى التوكيل يبقى خلاص هاتلاقى هناك كل حاجة ....
لو هاتصلع عند ميكانيكى ... روح للاسطى حمدى ... وامشى معاه واحدة واحدة وقطع الغيار عند شخلول كويس واصلى واسعارة افضل من شارع دمشق ... وربنا يوفقك إن شاء الله
بس قولنا اية اللى حصل فى العربية وطمنا عليك

والله موضوع التوكيل زى ما قولت كان غالى جدا وكان من المستحيل انى ادفع المبلغ ده كله اما بالنسبه للسياره فهى لحد دلوقتى عند السمكرى وده واحد اسمه الاسطى قدرى فى مصر القديمه انا عارفه وهو بصراحه كويس جدا بس هى المشكله عندى فى المشتروات قطع الغيار

**Saudikamal** · 23-11-2013 07:02 PM

الف شكر لكل الاعضاء بس ياريت ياجماعه حد يقولى على اسعار لو يعرف وكمان كل الى الناس الى انتو قولتو عليهم بتبيع قطع غيار جديده فياريت حد يقولى كمان على الاستراد وكمان فى واحد اسمه سحس فى عين السيره ده كويس ولا لاء والحاجات الى عنده مضمونه ولا ممكن تكون اى كلام وربنا يبعد عنكم اى شر يارب وشكرا على لكل الاعضاء

**bassem.naguib** · 23-11-2013 07:03 PM

https://www.facebook.com/groups/241076152715808/

**bassem.naguib** · 23-11-2013 07:09 PM

المشاركة الأصلية كتبت بواسطة elswaha

طالما فى الضمان
يبقى كل اللى هاتدفعوه حوالى من 12 الى 15 %
من اجمالى الفاتورة
معلش ... ربنا يعوض عليك
والناس مش زى بعضها
احنا فى مصر مش بسوق
احنا بنحارب

أيه علاقة الضمان بالحادثة ؟!!

الضمان بيبقى على قطع الغيار اللي لو باظت في فترة الضمان .. وبيبقى من حق العميل تغيرها في فترة الضمان ببلاش .

ولكن في حالة الحوادث فالتوكيل مالوش دعوة بالقطع اللازم تغيرها والعميل اللي بيشيل كامل الثمن والمصنعيات .. خااااااااالص تحياتي