عربيتي غرزت يا رجاااااااااااااااله

**medosalah** · 22-11-2013 08:04 PM

زي ما العنوان بيثقول... طبعا بعد تركيب المريات الكهربا والفرش الجديد والزي منه العربيه بقت ما شاء الله تحفه فنيه... بس تقريبا اتحسدت .. النهارده كنت في مشوار انا والحاج والحاجه وطبعا اشادوا واعجبوا جدا بالتغيرات الجديده بس جيت في دخله كده ابويا يقولي خش عادي اقوله هتغرز علشان ده مطلع وكمان رمل يقولي خش انا بقولك مش هتغرز اقوله يا حج انا عارف عربيتي كويس يقولي ما شاء الله عربيتك عفيه خش ولا يهمك روحت داخل لقيت هوب راحت غرزه.... حاولت كتير احفر واطحط طوب بس كل ما تطلع من حته تغرز في اللي بعدها لحد ما ربنا كرمنا بجرار راح قاطرها من ورا بس الاطصدام الامام هبط لتحت لحد ما شبك في الارض وملص من العربيه...
المهم انا الحمد لله روحت البيت وطلعت العده وامسامير والصواميل الليفي البيت كلها ونزلت علي رواقه وركبته ورجعت كل شيء زي ما كان بس المفيد ,,, ان الواحد لما يعجب بشيء لازم يقول ما شاء الله تبارك الله,,,, ما يحسد المال الا صحابه وربنا ما يوريكم غرزت الفيكترا

**Silent~Dream** · 22-11-2013 08:20 PM

الحمد لله انها عدت على خير و ضرر بسيط

**Car's Sniper** · 22-11-2013 08:59 PM

الحمد لله على كل شئ وبعد كدة لما تحس انك هاتغرز شد الدواسة من تحت رجلك وارميها تحت كاوتش العربية

**eltanamly** · 22-11-2013 09:33 PM

المشاركة الأصلية كتبت بواسطة car's sniper

الحمد لله على كل شئ وبعد كدة لما تحس انك هاتغرز شد الدواسة من تحت رجلك وارميها تحت كاوتش العربية

عملت كدة وال دواسة إتفرتكت الله يرحمها بس الحمد لله طلعت

**matrix_it** · 22-11-2013 09:36 PM

المشاركة الأصلية كتبت بواسطة car's sniper

الحمد لله على كل شئ وبعد كدة لما تحس انك هاتغرز شد الدواسة من تحت رجلك وارميها تحت كاوتش العربية

مع اول دوسة بنزين الدواسة هتلف مع العجلة

**hossamalsadik** · 22-11-2013 09:41 PM

حلوه فكرة الدواسه ديه بجد والحمد لله على كل شيىء
وفعلا الواحد لازم يقول على الحاجه لما يعجب بها حتى لو كانت ملكه او لولده
ما شاء الله لا قوة إلا بالله لقوله تعالى ( وَلَوْلا إِذْ دَخَلْتَ جَنَّتَكَ قُلْتَ مَا شَاءَ اللَّهُ لا قُوَّةَ إِلاَّ بِاللَّهِ )

وأذا راى ما لغيره وأعجبه أن يقول : ما شاء الله تبارك الله

وربنا يستر طرقنا جميعا

**medosalah** · 22-11-2013 10:30 PM

بازن الله هصورها بس بكره او بعده لانهها عايزه تتغسل بعد اللي حصلها النهارده

**فادى محمد** · 22-11-2013 10:46 PM

الفيكترا صعب تغرز , بس لو غرزت مابتطلعش !!
دي حقيقه..
المره الوحيده اللي غرزت مني كنت في مرسي مطروح
علي شاطيء روميل والرمل ناعم وابيض ونزلت هوووب
غرزت ومستحيل تطلع الا لما واحد بربع نقل شدني من بعيد.

-

الموضوع: عربيتي غرزت يا رجاااااااااااااااله

LinkBack

أدوات الموضوع

عرض

عربيتي غرزت يا رجاااااااااااااااله - انشر الموضوع فى :

-

-

-

-

المواضيع المتشابهه

كيف تخرج سيارتك إذا غرزت ؟؟

انا غرزت على الاسفلت ياجدعان !!!!!!!!!!!!!!!!!!!

غرزت فى الصحراء

اللاند كروزر يبدو لك انها غرزت ولكن ... كمل الفيديو !

باينها غرزت

الكلمات الدلالية لهذا الموضوع

المفضلات

المفضلات

ضوابط المشاركة