مشكلة الغيار العكسى فى اللادا 2105

**new_man2010** · 23-11-2013 02:42 PM

[overline]السلام عليكم
اخوانى عندى مشكلة مع الغيار العكسى (الغيار من الاعلى للاقل) وهى كالاتى:

- عربيتى 4 غيارات
* الاول بيحرك العربيه
* التانى على 20
* التالت على 40
* الرابع على 60

- لما بكون ماشى بسرعه مثلا 90 وامور العربية علشان اهدى سرعتها والاقى نفسى مثلا على 50 بديها التالت بلاقى العربيه هديت جامد كأنى كلبشتها ... جربت مرة تانية اديها الرابع بلاقيها بتترج مرتين كدا

- كمان نفس الشئ لما سرعتى بتكون مثلا فوق العشرين بقليل اديها التانى الاقيها اتكلبشت والصوت اتغير بيكون اهدى ولو اديتها التالت بتترج

- ملحوظة: انا فى الغيارين الاول والتانى بشيل رجلى ببطئ من على الدبرياج اما مع التالت او الرابع بشيل رجلى بسرعه هل ده له علاقة بالموضوع ولا انا كدا بتصرف صح .. فى الغيار من الاقل للاعلى مش بيعملى مشاكل

يريت احد الاخوة يساعدنى فى المشكلة دى

مشكورين[/overline]

**zamek** · 23-11-2013 06:19 PM

انا عربيتي نفس المشكله خالي ودنك مع صوت المتور لان عدد لفات المتور بتحدد الغيار الي العربيه تاخده مش سرعه العربيه او تركب عداد rbm و الله اعلم

**ابو لؤى** · 23-11-2013 06:32 PM

متأكد انك بتدى الغيار صح يعنى العصايه مافيهاش بوش مثلا ممكن بدل مابتدى التانى بتدى الاولانى مثلا ؟ وكمان انت ليه بتنقل بدرى كده يعنى المفروض الاولانى لحد 20 التانى 40 الثالث 60 الرابع وهكذا

**new_man2010** · 24-11-2013 10:54 AM

المشاركة الأصلية كتبت بواسطة ahmed air

متأكد انك بتدى الغيار صح يعنى العصايه مافيهاش بوش مثلا ممكن بدل مابتدى التانى بتدى الاولانى مثلا ؟ وكمان انت ليه بتنقل بدرى كده يعنى المفروض الاولانى لحد 20 التانى 40 الثالث 60 الرابع وهكذا

ايوه انا متاكد لان الغيارات عندى 4 مش خمسه

- الموتور صوته بيعلى من عند العشرين فبديها التانى ,,, فوق التلاتين بيبتدى صوت الموتور يعلى بديها التالت وهكذا

- انا اكيد بدى الغيار الصح لانه مش بتحصل معايا مشكلة فى الغيار من الاقل للاعلى من الاول للرابع , المشكلة كلها فى الغيار من الاعلى للاقل

**mostafa8085** · 24-11-2013 12:23 PM

مشكلتك تتلخص في انك بتدي غيار مش مناسب لعدد لفات الموتور
مثال : تكون ماشي على الرابع و تهدي شوية فتنقل على التالت رغم ان العربية ممكن تكمل عادي على الرابع عشان كدة العربية هتكلبش معاك لحد ما تاخد سرعتها تاني
ملحوظة اخرى : انت فعلا بتنقل بدري جدا
يعني التالت على 40 و الرابع على 60 العربية مابتلحقش تجمع
حاول تشبع الغيار شوية و هتلاقي العربية اتحولت معاك لحاجة تانية

**Zing0** · 24-11-2013 11:43 PM

مع كامل إحترامى لرأى الإخوه
عربيتك طبيعية جداً و أنا عندى نفس الكلام و النقل هالى نفس السرعات إللى إنت كاتبها بالضبط
الأربعة غيار كده و الغيارات مش بدرى, فعلاً صوت المكنه بيكون عالى
إللى إنت بتشتكى منه ده إسمة تسقيط غيار بس بيظهر واضح علشان لفات الموتور بين الغيارات الأربعة قليل
عاوز تتغلب عالموضوع ده
زود بنزينقبل متسيب دبرياج, بحيث ينزل الغيار على آر بى إم مناسب (عالى نسبياً)

مثال:لو إنت هتنزل من الرابع على المور و بعدين تنزل على سرعة 50 (فى نص الثالث) يبقى تزةود بنزين هتلاقى العربية لا كلبشت و لا حاجه
ربنا يكفيك شرها و يمتعك بخيرها