عندي سؤال .ممكن حد يفيدني فيه؟

**civilpharaoh** · 17-09-2008 03:24 PM

عندي شويه خدوش بسيطه في بودي العربية منها خدوش سطحية ومنها خدوش تقشير (اللون الاسود الي تحت دهان العربية باين)و فيه كمان خدوش في الجنط حصل نتيجة احتكاك الجنط بالرصيف وانا باركن العربية. فهل ممكن اني اداري هذه الخدوش خصوصا خدش الجنط؟

**civilpharaoh** · 17-09-2008 03:32 PM

نسيت اقول ان عربيتي لانسر بومة لونها شامبين .يا تري اللون ده صعب انه يتلاقي

**Dr.SherifMansy** · 18-09-2008 01:52 AM

اللى اعرفه ان حتة قطن بشوية كومباوند و تدعك بيها مكان الخدوش السطحية و بعد كده حتة تانية عليها بوليش و تدعك بيها نفس المكان ، معلوماتى ان ده هايدارى الخدوش السطحية ، اما بالنسبة للأعمق فمش عارف لكن يمكن (والله اعلم) تقل شوية
الحاجات دى بتتجاب من محلات الدوكو و سعرها رخيص مش غالى .
و لو حد من الأعضاء عنده فكرة احسن ياريت يدلنا ...
و على فكرة ... الخدوش دى سمة شوارعنا ، و بكده يبقى انت اكيد فى مصر

**Adham** · 18-09-2008 03:25 PM

المشاركة الأصلية كتبت بواسطة civilpharaoh

نسيت اقول ان عربيتي لانسر بومة لونها شامبين .يا تري اللون ده صعب انه يتلاقي

مافيش حاجة اسمها لون صعب يتلاقي

اي لون بيتعمل من تضريب مجموعه من الالوان الاساسية بنسب و اوزان معينة عند اي بتاع دوكو فرن

يا يكون معاك رقم اللون من التكت عالعربية

يا تفك غطاء تنك البنزين و هوة يضبط اللون علية

او يطلع اللون من فاتورة الالوان اللي بتبقى متقسمة حسب الماركات والموديلات و سنوات الصنع

و ممكن تشتري قلم دوكو (اللي فية بلية) من اي مكتبة و تعالج بية الخدوش لو من الالوان اللي بتنزل في الاقلام دي (الأسود- الفضي- الابيض-الأحمر.........)

و نفس الشيء للجنوط, قلم دوكو فضي و تعالجهم

**onsi** · 19-09-2008 08:18 PM

رقم السريال بتاع لون الشامبين هو a17 واخدوش اللى عن طريق احتكاك جسم صلب بالعربية زى مفتاح او مفك او سلك او جسم عربية دى صعبة وماينفعش معاها غير الرش فعلا حتى القلم البلية اللى بلون العربية دى لو لقيتة اصلا فهو حتى لا يزيلها تماما بل يغطيه فقط اما اثر الخدش فهو لا زال موجود.