الموضوع: أكسنت 2005 الشكل القديم

المشاركة الأصلية كتبت بواسطة hopeless20

الموضوع ده هيفيدك


http://www.nilemotors.net/Nile/36112...post3875031049

متشكر جدا يا باشا على اهتمامك وردك
بس دى تقريبا الشكر الجديد مش القديم وكمان 1300cc
أنا بتكلم على الشكل القديم 1500cc

المشاركة الأصلية كتبت بواسطة amr011111

اعتقد ان الموديل ده فيه عيب ان طرمبة البنزين بتبوظ كتير ( هى كانت بتنتش كتير ومش بتدور )
لانها كانت مع معرفه لى فمش عارف بقى ده عيب فردى ولا

ألف شكر على اهتمامك يا باشا
أعتقد برضه أ/ hopeless أشار للنقطة دى فى مشاركته

العربيه كموديل كويسه
راجع حالتها مع واحد امين وفاهم وارفعها ومبروك مقدما

عربية محترمة اتوكل على الله واشتريها العيوب اللى فيها مقارنة بسعرها لا تدكر

العربية ياباشا لو فعلا 2005 فا كدا متسقطلها موتور 1500 لان مفيش 2005 موتور 1500 كله 1300 بس :)
وبالنسبة لموضوع طرمبة البنزين مش مشكله ولا حاجه انا قعدت 4 سنين شغال بالطرمبة مقالتش لا :d

بالنسبة للميزاتها قلة الاعطال واعتمادية جباره بمعني الكلمه واستهلاك البنزين لو مظبوطه بتستهلك قليل جدا بالمقارنه باي عربية 1300 او 1500 وجرايه وسواقتها ناعمه وتكييفها تلاجة بجد والابعاد بتاعتها لزيزة جدا وسهله.

عيوبها انها واطيه شوية ع الارض زي اغلب العربيات وصاجها ضعيف شوية ومش ثابته اوي علي السرعات العاليه وبتتحل بجنوط اكبر والتبلوه بتاعها رخم اوي لو محافظتش عليه هتلاقيه بيشقق.

[QUOTE=modo88;3875307361]العربية ياباشا لو فعلا 2005 فا كدا متسقطلها موتور 1500 لان مفيش 2005 موتور 1500 كله 1300 بس :) المعلومة دى جديدة بالنسبالى هاسأله ساعة المعاينة وأشوف
وبالنسبة لموضوع طرمبة البنزين مش مشكله ولا حاجه انا قعدت 4 سنين شغال بالطرمبة مقالتش لا :d أنا بقول برضه إنها مش قضية لأن طريقى رايح جاى فيه كذا بنزينة ممكن كل 3 أو 4 أيام أزود وخلاص

بالنسبة للميزاتها قلة الاعطال واعتمادية جباره بمعني الكلمه واستهلاك البنزين لو مظبوطه بتستهلك قليل جدا بالمقارنه باي عربية 1300 او 1500 وجرايه وسواقتها ناعمه وتكييفها تلاجة بجد والابعاد بتاعتها لزيزة جدا وسهله. أعتقد مش مطلوب أكتر من كدا فى أول عربية أسوقها

عيوبها انها واطيه شوية ع الارض زي اغلب العربيات وصاجها ضعيف شوية ومش ثابته اوي علي السرعات العاليه وبتتحل بجنوط اكبر ما أفتكرش إنى هاجرى بيها لحد ما أتمكن من السواقة عموما ومن أبعادها خصوصا والتبلوه بتاعها رخم اوي لو محافظتش عليه هتلاقيه بيشقق. مش باركن فى الشمس كتير[/QUOTE]
شكرا على اضافتك واهتمامك يا باشا