سعدونى لو سمحتو بيجو 307 ولا بورا موديل 2000

**quaresma** · 26-11-2013 12:15 PM

انا معايا 70 الف فالبورا بتلعب فى الرنج دا اما البيجو فلقيها ب 50000 الى 60000 فانا خايف ان البيجو 307 يكون فيها عيب او مشكلة او قطع غيرها فيها حاجة لو سمحت ساعدونى لان كلام بتاعكو هيتوقف عليه شراء العربية

**quaresma** · 26-11-2013 04:23 PM

للرفع

**quaresma** · 27-11-2013 08:22 AM

up up up up

**TOOLA** · 29-11-2013 02:03 PM

بص للاسف انا مستعجل فمش هقدر ارغى كتير دلوقتى, البيجو عموما انا بحبها بس عليها كلام كتير, ناس بتشكر و ناس بتشتم, بشكل عام مشاكلها بعض العيوب الظهرت فى الفتيس, و اعطال كهربائية, عموما انا بحبها بس بقلق منها.

البورا انا ركبت عربيتين, بشكل عام عربية كويسة و هيا هيا الأوكتافيا ال a4, عيوبها صوت الماتور عالى على سرعات, العزل فى رايى مش احسن حاجة (و ان كان اختلفت معايا فى ده), اصوات متعددة من التابلوه و كونسول التكييف و الزجاج. عربية برستيج و شكلها مابيروحش عليه و مش محتاجة ترويش, عربية لو عفشتها و كاوتشها و جنوطها مضبوطين تاخدمنها ثبات عالى و على جميع السرعات. المشكلة ان العربية قديمة و هتتعب اوى عشان تلاقى حاجة كويسة.

ال 307 بيتشكر فى عزلها و ثباتها بردو على سرعات.

عموما تقدر تراجع مواضيعى و ردودى هتلاقى كل الانتا عاوز تعرفوا عن البورا و اسعار قطع غيار و مزايا و عيوب و اماكن الورش و محلات قطع الغيار.