الموضوع: اشتريت سيتى 2005 ومحتاج خبراتكم

السلام عليكم
انا اشتريت أول امبارح أول عربية في حياتي ، جبت هوندا سيتي 2005 أتوماتيك
أول ما جبتها ركنتها في جراج جنب الشغل بتاعي ، وبروح ابص عليها كل شوية وانا في الشغل
الحمد لله بعد عناء وتبحث كتير اكتر من 3 شهور بدور على عربية اشتريها ، وسبحان الله عمري ما فكرت في الهوندا ولا حتى السيتي
بس سبحان الله كل واحد بياخد نصيبه اللي كتبهوله ربنا
محتاج نصايحكم يا وحوش الهوندا
ممكن تشرحولي بالترتيب الخطوات اللي اعملها ان شاء الله علشان احافظ على العربية
انا اول مرة هسوق في حياتي ، في واحد زميلي في الشغل قالي هديته لي انه كل يوم بالليل بعد الشغل لمدة اسبوع هيخرج معاياه ويسيب عربيته علشان يعلمني عليها ،
بصراحه انا مبسوط اوي انه هيقف معاياه ، وقعد ينصحني شوية ويقولي اعمل ايه وحاجات كتيرة ، بس انا بالنسبالي كلامه كله جديد ، انا مش بفهم حاجة خالص في العربيات
خليكم معاياه الفترة اللي جايه ديه بخبرتكم لو سمحتم وانا هبلغكم عن كل حاجة بعملها وتقولولي رأيكم ايه







تم تعديل العنوان ليتناسب مع المحتوى

ألف مبروك وموضوع السواقه الاتوماتيك سهل اوى وهيختصرلك وقت كتير فى وقت تعلم السواقه
وبالتالى هيبقى تركيزك كله فى الطريق

الفين مبروك
وربنا يستر طريق

ربنا يخليكم يا رجالة ، يالله بأه انزلوا بالستاير قصدي النصايح اعمل ايه في العروسة اللي عندي ، اول حاجة النفروض اعمل ايه

يا رجالة الهوندا انا انهارده الخميس غيرت زيت الفتيس وزيت الباور عند الميكانيكي ـ والراجل قالي مش محتاج اغير بوجيهات او تيل الفرامل لان حالتهم كويسة
بس في حاجه غريبة مش عارف هيه ايه ؟
في نتشة في العربية وانا بسوق ، فممكن اعرف سببها ايه ؟ واعمل ايه علشان تروح ؟
واحد صاحبي بيقولي ممكن تكون ان البكات مش نظيفة ، أو ان صاحب العربية كان بيستخدم بنزين 80 علشان كان مش مهتم بيها لإنه بيفكر يبعها ومش عايز يكلف نفسه
انا حطيت انهارده بنزين 92 ، حوالي 23 لتر على الموجود لاني شكيت يكون صاحبها حاطط بنزين 80 بس النتشة لسه موجوده ؟
اعمل ايه علشان النتشة ديه تروح ؟؟؟؟؟؟؟؟؟؟؟؟

محدش رد عليه محتاج رأيكم يا جماعة في النتشة اللي عندي ، ممكن يكون سببها ايه وازاي احلها ؟

تمام يا باشا ، انا هكشف على الفتيس ، اكشف عليه في البنزينة ولا ايه ؟
انا نزلت انهارده مع واحد صاحبي وسبناها عن الراجل بيعملها care كامل وهاروح اخدها منه على الساعة 7 ان شاء الله ،
انا بيجي معاياه دايماً واحد صحبي هوه اللي بيسوق انا لسه معنديش الجرأة اني اسوقها ، ديه اول عربيه في حياتي .
معلش استحملوني شوية لعاية ما اتعلم
كشف على الفتيس في مركز صيانه مثلاً ؟؟؟؟

الحمد لله النتشة خفت شوية بعد ما عملا ال care الكامل امبارح
بس للاسف بعد ال care الكاسيت مش شغال ، عايز اعرف ايه اللي حصل بليز ؟؟؟؟؟؟؟؟؟؟