اشتريت سيتى 2005 ومحتاج خبراتكم

**ahmedabeed** · 19-02-2014 04:50 PM

المشاركة الأصلية كتبت بواسطة martin5555

انا روحت يا جماعة للميكانيكي قالي ممكن نبدأ بتغير الزيت بتاع الفتيس ونجيب 4 لتر cvt
,ولو ما جبش فايدة ، نغير طقم البوجيهات التمانية
ايه رأيكم امشي معاه ممكن النتشة ديه تروح ؟
أرجوكم ردو عليا ويا رييت الاستاذ سامح يفيدني بخبرته

بص يا باشا خلى بالك ان الزيت تمنه 440جنيه انا لسه جايبه من شهر من التوكيل فخلى المكانيكى يشوف الزيت اتحرق ولا لا وده من رأئحته ومدى لزوجته اما البوجيهات فا ماعتقدش تكون السبب ممكن تكون قعدة فتيس تعمل نتشه فى الطلعة بلاش مصريف كتيرة على الفادى انا شايف انه يغير البوجيهات ببوجيهات طالعة من اللى عنده بس عشان يتست العربية فى فرق ولا لا ويبص على قاعدة الفتيس ونشوف راى سامح برده فى الموضوع

**Martin5555** · 19-02-2014 11:14 PM

طيب لو السبب في قاعدة الفتيس المفروض انا اعمل ايه ؟
لو سمحتم قولولي ابدأ ازاي لو تكرمتم انا بجد مضايق اوي
ممكن ترتبولي الخطوات اللي اعملها ربنا يكرمكم

**Martin5555** · 20-02-2014 09:50 AM

يا جماعة ممكن حد يرد عليه ، العيب ده اصلحه ازاي وهيكلف كام
لاني بجد بفكر ابيع العربية ديه لاني زهقت ، انا اول مرة اجيب عربية في حياتي ومش عايز اروح كل شويه عند الميكانيكية
شكراً

**ahmedabeed** · 23-02-2014 12:05 PM

بص يا مان متقلقش قوى كده وده احتمال مش اكيد وعلى فكرة القواعد تقريبا بتتغير كل 100 الف ك يعنى كل 8 سنين تقريبا يعنى مش ده السبب اللى تخليك تبيع العربية بص انا عندى نفس الموضوع وماشى عادى ومكبر دماغى النتشه فى الطلعة بس لاكن مع الطريق مفيش مشاكل ولو قلقان قوى اكشف عند مكانيكى محترم وانشاء الله خير

**Martin5555** · 23-02-2014 04:21 PM

انا كشفت عليها امبارح عند ميكانيكي في محرم بيه ، وقمنا جربناه مع بعض وعملت النتشة وفصلت منه مرتين
راح حطها على جهاز صغير وقالي ان حساس الكرنك هوه السبب ولازم يغيره ، فقالي انا عندي واحد بتاع عربية زي بتاعتك نجرب ونشوف ، المهم جربه والحمد لله النتشة راحت
وبالمرة نظف البوابة وغيرلي 4 بوجيهات اللي ورا ، وهوه بيركب البوجيهات قالي ان في موبينة مش مظبوطة راح لف شيكرتون على الموبينات وقالي انا ظبطلك الموبينة اللي فيها مشكلة
الحمد لله روحت بيها الشغل وماشية كويس ومعملتش النتشة
ايه رأيكم هوه كده العربية اتصلحت ولا شوية وممكن ترجع تاني لعادتها القديمة

**Martin5555** · 25-02-2014 11:45 PM

إيه رأيكم يا وجوش الهوندا في الكلام ده ؟؟؟؟؟؟؟؟؟؟؟؟؟؟؟؟؟؟؟؟؟؟؟
اغير كمان زيت الفتيس واجيب بتاع الهوندا الاصلي ال cvt ????????????????
ردوا عليا لو سمحتم

**ahmedabeed** · 26-02-2014 04:03 PM

المشاركة الأصلية كتبت بواسطة Martin5555

انا كشفت عليها امبارح عند ميكانيكي في محرم بيه ، وقمنا جربناه مع بعض وعملت النتشة وفصلت منه مرتين
راح حطها على جهاز صغير وقالي ان حساس الكرنك هوه السبب ولازم يغيره ، فقالي انا عندي واحد بتاع عربية زي بتاعتك نجرب ونشوف ، المهم جربه والحمد لله النتشة راحت
وبالمرة نظف البوابة وغيرلي 4 بوجيهات اللي ورا ، وهوه بيركب البوجيهات قالي ان في موبينة مش مظبوطة راح لف شيكرتون على الموبينات وقالي انا ظبطلك الموبينة اللي فيها مشكلة
الحمد لله روحت بيها الشغل وماشية كويس ومعملتش النتشة
ايه رأيكم هوه كده العربية اتصلحت ولا شوية وممكن ترجع تاني لعادتها القديمة

بص ياسيدى محدش يقدر يعرف غير بالتجربة لاننا اصلا مش متاكدين من المشكلة كانت فى ايه

بص على كلا خليك ماشى وانشاء الله متعملهاش تانى

بالنسبة للزيت خلى حد يشوفه وهو غالى عشان متدفعش فلوس والزيت لسه كويس

**Martin5555** · 07-03-2014 03:57 PM

الحمد لله يا جماعة العربية زي الفل ما شاء الله بعد ما غيرت حساس الكرنك لغاية دلوقتي
انا عايز اسأل على غسيل العربية من تحت ؟
في ناس قالت لي اشحمها من تحت ، وفي ناس بتقولي العربيات الجديدة مش بتحتاج تشحيم خالص من تحت
وفي ناس بتقولي اغسلها بالزيت والجاز
وبعدين اغسلها بالمياه والصابون كلها من فوق
ايه الصح اعمل ايه ؟
ان معايا هوندا سيتي 2005 أتوماتيك