الكورولا أكيد اقلهم استهلاك
عرض للطباعة
الكورولا أكيد اقلهم استهلاك
الجين 2 على الطرق السريعة
بدون حرق على الغيارات و التغيير عند 3000 لفة و اقصى سرعة 90
بتعمل 15 كم لكل لتر بنزين
يعني كل 20 لتر بيعملوا 280 إلى 300 كم
و بالتكييف
أما داخل المدن
فالاستهلاك لم يزيد عن 220 كم لكل 20 لتر بالتكييف برضه
يعني العربية موفرة جدا في البنزين
اعتقد ايضا ان داخل المدن الفروق مش كبيرة قوي
بس اسمع ان الصني بتستهلك بنزين كتير في اي طريق و الله اعلم
أما بقية السيارات .......... لن استطيع ان افيدك فيهم
لو اغلب القيادة داخل المدن
ايه فايدة العربية 1600 ؟؟؟؟؟؟؟؟؟؟
أكيد 1300 هاتوفر اكتر
يبقى لو عايز عربية هاتسوقها كتير داخل البلد
عندك حاجات كتيرة موفرة في البنزين زي
السيريون 1300
السيتي 1300
الياريس
فيات بونتو موفرة جدا
و غيرهم
و ممكن تنزل ل ماروتي و هيونداي 10 و بيكانتو و التو
هل فيه فرق في الاستهلاك بين العربية الانجشكن والكربراتير لو نفس الموتور ؟
وهل نقدر نقول ان الياباني موفر اكتر في البنزين عن الكوري ولا مش لازم ؟؟؟؟
طبعا هي مش قاعدة بس الاغلبية كده ؟؟؟؟
شكرا على ردك يا توت بس هى الفكرة انى اتعقدت من حكاية البنزين خلاص انا معايا لانسر مكواة 1300 بتعمل 180 كم/الصفيحة و برايد سيدان بتعمل 190-200 كم/الصفيحة و الاثنين 1300 فما بالك لو فكرت اجيب 1600 بس هو طبعا كدة معدل الجين2 تحفة داخل المدينة حتى لو 200 كم/الصفيحة بالتكييف فأعتقد ان رقم كويس اوى لعربية 1600اقتباس:
أما داخل المدن
فالاستهلاك لم يزيد عن 220 كم لكل 20 لتر بالتكييف برضه
العفو يا اخي الكريم
انا اسمع من ناس كتير و الله وحده اعلم علشان انا مجربتش بنفسي ان اللانسر و النيسان صني بيسحبوا بنزين
حتى اللانسر 1300 ناس بتشتكي منها
أما من ناحية الجين 2
فهي استهلكها معقول جدا لو تفهم العربية
العربية في الاساس بتاعة سحب و علشان تاخد منها سحب عالي لازم تدوس بنزين و اغلب ملاكها بيتعاملوه معاها على هذا الاساس
بس طبعا
لو عرفوا الطريقة الموفرة للبنزين لن يتخلوا عنها لانها بجد بتوفر كتير بس على حساب السحب
و ده طبيعي
أنا من النوع اللي مش بيفرمل عمال على بطال
يعني شايف ادامي اشارة
بهدي و مش بدوس بنزين
و اغلب الناس بتعمل العكس
يدوسوا بنزين ...... و هوب فرامل
يعني استهلك بنزين و فرامل وهو عارف انه كدا كدا واقف
بس عقول بقى تعمل ايه !!!!!!!!!!!!!!
على العموم برضه انا مهتم بالعربية و صيانتها و علشان كدا مريحاني
و بحط على تانك البنزين منظف رشاشات كل 2500 كم لتنظيف الرشاشات من اي عوائق متعلقة بها نتيجة البنزين الغير نظيف
و ايضا لزيادة الاداء و انخفاض معدل الاستهلاك
و علبة المنظف لا يتعدى ثمنها 7 جنيه مصري و هو منظف موجود في كارفور و محطات البنزين و صناعة مصرية و اكثر من رائع و عن تجربة لمدة تزيد عن سنتين اﻻن
جرب تحط منظف رشاشات في اللانسر و تهدي سواقتك شوية
يمكن تاثر تاثير ايجابي على الاستهلاك و تخليه يقل
و شكرا
دخلت للاطلاع فقط لكن شكرا للأخ توت لأنه الوحيد اللي كتب أرقام صالحة للمقارنة. ازاي المقارنة تكون موضوعية بدون أرقام؟ هو فيه حد ساق العربيات دي كلها و حسب استهلاكها؟
أنا آسف في التأخير في الرد جدا على سؤالك يا أخي
أولا يجب التنويه إن فيه نوعيتين من منظفات الوقود
هناك منظف رشاشات و هو يقوم بازالة أي أتربة أو أوساخ ملتصقة بفتحات الرشاش مما يسهل وصول أكبر كمية من البنزين مما يساعد على عملية الأحتراق المناسبة مما يقلل الهدر في البنزين و يجعل السائق يشعر بسحب السيارة
النوع الثاني
و هو منظف دورة الوقود
ده بيقوم بتنظيف الدورة كاملة و لكن ليست لدي معلومات كافية عنه
و هذا هو الخطر لو تم إستعماله على فترات قريبة
و هذا يجب إستخدامه كل 10000 كم مثلا و ليس أقل من ذلك
اذن هناك نوعان
منظف رشاشات ( لا يوجد مشكلة في استخدامه ) و أنا أستخدمه كل 1000 أو 1500 أو 2000 كم
حسب نظافة محطة البنزين و احساسي بالسيارة
و هناك منظف دورة الوقود و هو الخطير
لذلك يجب الحذر عند الشراء
فيه فرق ما بين الإستهلاك للسيارة الكاربراتير و الحقن الإلكتروني من نفس الشركة و نفس الموديلاقتباس:
هل فيه فرق في الاستهلاك بين العربية الانجشكن والكربراتير لو نفس الموتور ؟
وهل نقدر نقول ان الياباني موفر اكتر في البنزين عن الكوري ولا مش لازم ؟؟؟؟
طبعا هي مش قاعدة بس الاغلبية كده ؟؟
بس في النهاية كله بيعتمد على طريقة السواقة
بالنسبة للكوري و الياباني
لاءة مش لازم طبعا
ممكن عربية كوري تكون موفرة عن ياباني ....... أيه المشكلة
و عندك مثلا أغلب الناس بتشتكي من لانسر و إستهلاكها
و فيه ناس تانية معاها حاجات كوري و إستهلاكها معقول جدا
هي حسب تكنولوجيا المحرك نفسه و طريقة السواقة كمان
شكرا أخي Qamarاقتباس:
دخلت للاطلاع فقط لكن شكرا للأخ توت لأنه الوحيد اللي كتب أرقام صالحة للمقارنة. ازاي المقارنة تكون موضوعية بدون أرقام؟ هو فيه حد ساق العربيات دي كلها و حسب استهلاكها؟
شكرا يا توت فعلا لردك الموضوعى بس انا ليا سؤال انا عربيتى كربرادتير فهل منظف الرشاشات هينفع معاها ولا فيه حاجة مخصوص للكربرادتير.اقتباس:
و علبة المنظف لا يتعدى ثمنها 7 جنيه مصري و هو منظف موجود في كارفور و محطات البنزين و صناعة مصرية و اكثر من رائع و عن تجربة لمدة تزيد عن سنتين اﻻن
جرب تحط منظف رشاشات في اللانسر و تهدي سواقتك شوية
يمكن تاثر تاثير ايجابي على الاستهلاك و تخليه يقل
السلام عليكم و رحمة الله و بركاته
بُص ياباشا
مينفعش تحط منظف رشاشات لتنظيف الكابراراتير
بس فيه منظف منظف مخصوص للكاربراتير
و برضه من نفس النوع و بأشوفه دايما في كارفور
اسمه سبيدو أو رابيدو ......... مش فاكر قوي
انما مش غالي ......... و نتايجه ممتازه ( أنا بتكلم عن اللي جربته و هو بتاع الرشاشات )
إنما بصراحة أنا مجرب كذا حاجة للشركة دي ........ و كل المنتجات اللي جربتها ممتازة ....... و ثمنها معقول جدا و فوق ده كله صناعة بلدنا
و إن شاء الله مشكلة استهلاك البنزين عندك تتحل و ربنا يكرمك
و السلام عليكم و رحمة الله و بركاته