ما هى افضل سيارة 1600 من حيث استهلاك البنزين

اقتباس:

---

المشاركة الأصلية كتبت بواسطة Qamar

دخلت للاطلاع فقط لكن شكرا للأخ توت لأنه الوحيد اللي كتب أرقام صالحة للمقارنة. ازاي المقارنة تكون موضوعية بدون أرقام؟ هو فيه حد ساق العربيات دي كلها و حسب استهلاكها؟

---

ياريت لو فعلا الاعضاء كل جماعه منهم يعملو موضوع لاستهلاك موديل العربيه اللي معاهم للبنزين و الناس تحسب بدقه استهلاكهم و يكتبو الارقام اول بأول لأن المنتدي بالاساس مخصص للسيارات

اقتباس:

---

المشاركة الأصلية كتبت بواسطة halloween

اقوللك تجربتى مع باراتى 1600 مانيوال
جوه البلد فى حدود 220-240 فى الصفيحه
فى السفر بتعدى ال 300 بتوصل ل 350 كم فى الصفيحة ده مع التكييف
بس انا مش غاوى جرى و دايما بحاول تثبيت ال Rpm بين 2500-2800

---

و ده بيأكد شكوكي ان كل السيارات ذات سعه الماتور الواحده بتستهلك نفس معدل البنزين بغض النظر عن الموديل, بمعني ان كل ال1600 استهلاكهم واحد, ده انا لاحظت من متابعه استهلاك البونتو كلاسيك مثلا و دي 1300 انها بتعمل نفس استهلاك مواتير ال 1600 جوه البلد!!!!

اقتباس:

---

المشاركة الأصلية كتبت بواسطة mecho_392

الماتريكس ما شاء الله عليها موفره جدااااااااا
بتعمل 660-670 كم ب 42 لتر فى احسن الحالات يعنى حوالى 315 كم للصفيحة
او 550 كم فى 42 لتر مع الحرق و الزحام الشديد جدا يعنى 260 كم فى الصفيحة
فى السفر احسن من كده..

لكن بالنسبة للعربيات المذكورة المفروض النيو اكسنت و السيراتو يكون ليهم احسن معدلات لان المحركات فيها تكنولوجيا
Cvvt..

---

نفس التعليق اللي فوق!!!

اقتباس:

---

المشاركة الأصلية كتبت بواسطة MEMES

انا شايفف فالجيتز موفره جدا (مع انكم مش ذاكرينها فى الاختيارات )
عند 2500 rbm ومع المشى الاقتصادى وبدون تكييف من 6 ل 7 لتر لكل 100 كيلو
عند 3500 rbm و على سرعه 120 مع التكييف من 10 ل 11 لتر لكل 100 كيلو
تقريبا وده مع بنزين 92

---

نفس التعليق اللي فوق

اقتباس:

---

المشاركة الأصلية كتبت بواسطة ezzatfox

من الاخر الترتيب تصاعديا حسب الاستهلاك بالنسببة للعربيات الموجودة فى التصويت كالاتى :
1- نيو اكسنت
2- سيراتو
3- بروتون
4- لانسر
5- صنى

---

اظن التصويت مش صحيح لأن معظم المصوتين صوتو عن سماع و ليس عن قياس
و الموضوع ده انا عامله لحساب استهلاك الصني اللي نتيجه التصويت الخاص باستهلاكها للبنزين في نهايه القايمه لكن لو راجعتو الموضوع ده هتستغربو!!!
http://www.nilemotors.net/Nile/showthread.php?t=62667
ده علي نتايج حساباتي لاستهلاك البنزين الصني الاوتو 1600 سي سي بتعمل استهلاك احسن من الياريس!!!!

اقتباس:

---

المشاركة الأصلية كتبت بواسطة moudy88

النيو اكسنت افضل ماتور 1600 في استهلاك البنزين علشان تكنولوجيا ال cvvt والله انها ساعات بتوصل جوه البلد ل240 كم في الصفيحه

---

ده برضو بيأكد كلامي ان مواتير ال1600 سي سي متقاربه في الاستهلاك, لو انت معجب لموتور النيو اكسنت ذو التكنولوجيا الحديثه علشان بتعمل 240 في الصفيحه جوه البلد امال نقول ايه علي الصني ال1600 اوتوماتك جوه البلد!!!!!

اقتباس:

---

المشاركة الأصلية كتبت بواسطة sa3dawy

بالنسبة لاستهلاك البنزين فالموضوع متعلق بعوامل كثير زى اسلوب السواقة وسعة الموتور االترية والتكنولوجى بتاعة الشكرة المصنعة..

بس عموما الى اعرفه ان الياريس اكثر عربية موفرة فى البنزين فى الفئئة دى ...وفى اميركا على سبيل المثال بيضرب بيها المثل فى الاستهلاك...

نيجى بقى للأرقام والاستهلاك الواقعى للياريس...

اخر مره انا قطعت مسافة 140 كيلومتر ب 7 لتر بنزين(اول شرطة يعنى) ....يعنى تخيلوا وصلت ل20 كيلوا فى اللتر ...ودا بالفتيس الاوتوا كمان....وكان رقم قياسى يومها بالنسبالى..

دا كان اعلى معدل عملته بيها...بس فى الطبيعى يعنى ال 7 لتر دول بيعملوا معايا 120 كيلو....طبعا انا بتكلم فى السفر او الطريق السريع....

يبقى على الطريق السريع الياريس بتعمل من 340 الى 380 كيلوا فى الصفيحة....ولو مانوال ممكن توصل ل 400 كيلوا..

اما داخل المدينة...وفى بلد شوارعها ضيقة وزحمة زى المنصورة....الصفيحة اخرها بتعمل معايا 240 كيلوا....ولو بقيت بشد وبحرق على الغيارات ...بتوصل ل 200 كيلو فى الصفيحة..

بالنسبة بقى للعربيات ال 1600 ...فا اكيد الاستهلاك هيبقى اعلى من الياريس طبعا...

وانا برشح الكورولا ...التاريخ فى صالحها طبعا...

لكن الى اعرفه ان فى عربيات مشهورة باستهلاكها المرتفع...

على رأسهم التريوس (بلاعة بنزين) 150 كيلو فى الصفيحه جوه البلد

يليها الماتريكس (حوت بنزين) من 160 الى 180 كيلوا جو

الفيرنا والالنترا والسراتو والانسر معقولين يعنى..مش عارف ارقامهم ايهلا..بس اكيد احسن من المتركس والتيريوس....واقل من الياريس والسيريون طبعا....

بس عموما الى عاوز عربية موفرة جدا فى البنزين وفى نفس الوقت تسارعها وعزمها زى ال 1600 عليها بالياريس ...يعتمد عليها

---

طيب ما الصني بتاعتي ال 1600 اوتو بتعمل استهلاك احسن من الياريس اهوه!!!
http://www.nilemotors.net/Nile/showthread.php?t=62667






ياريت يا جماعه في كل قسم من اقسام المنتدي الناس تعمل موضوع عن استهلاك البنزين لكل موديل عربيه

1- تفول العربيه و تصفر العداد
2-تمشي زي ما انت عايز بس تحاول مثلا تمشي جوه البلد بس او علي طريق طوالي بس مش الاتنين مختلطين و لو هتشغل التكييف يبقي علي طول و لو مش هتشغل التكييف يبقي تسيبه مطفي طول المسافه اللي انت ناوي تمشيها
3- بعد ما تمشي و التنك يبدء ينقص تروح تفول العربيه و تقرا العربيه اخدت كام لتر
4-من واقع عدد اللترات المستخدمه و قراءه عداد الكيلومتري هتقدر تحسب العربيه مشيت قد ايه بكام لتر
5- المعادله بتقسم المسافه بالكيلومتر علي استهلاك البنزين باللترات هيبقي عندك العربيه بتمشي كام كيلو باللتر واحد
6- تضرب النتيجه دي في عشرين هيكون عندك استهلاك العربيه في الصفيحه خلال نوع سير محدد (طوالي- سفر-جوه البلد-تكييف او بدون)
7-و في الاخر تييجي تنورنا هنا و تكتب النتيجه و الموضوع مش موضوع قياس واحد او اتنين العمليه محتاجه اكتر من قياس مع مراعاه ان العربيات و هي لسه زيرو استهلاكها بيكون اكتر بكنير في حاله انها تكون مشيت مسافات اطول

و بلاش الاعتماد علي شرط مؤشر البنزين لقياس الاستهلاك لأنها طريقه غير دقيقه و المؤشر ده هدفه انه ينبهك للبنزين المتبقي بالعربيه انما مش بيقولك كام لتر


و لو الاعضاء فعلا حسبو استهلاك البنزين بتاعهم بدقه ممكن بعد كده نفتح موضوع للنقاش حول استهلاك مواتير ال 1600 و نقارنه بمواتير ال1300 سواء جوه البلد او علي الطرق الطوالي بالتكييف او بدون

ازاى يا أمير....

مش ممكن تكون الصنى بتستهلك افضل من الياريس..

ودا مش عيب فى الصنى ولا حاجة...بس دا واقع ..وفرق فى حجم الموتور...

انا قولتلك الياريس على الطريق السريع بتعمل من 350 الى 380 كيلو فى الصفيحة...وزى ما قلتلك انا وصلت معاايا ل 400 ....

جوه البلد طبعا الوضع مختلف...بس خد بالك انا فى المنصورة...يعنى شوارع ضيقة ومخنوقة وتقريبا مش بجيب الثالث دا الا كل فين وفين....وبعمل فى الصفيحة 250 او 240 كيلو...ودا سواقة تقريبا شبه رياضاية....يعنى بحرق برده وكده...

انا فاكر الاوبترا مثلا كانت ممكن تعمل معاايا 150 كيلو فى الصفيحة.....لو حرقت حبتين عليها....
والصنى والالنترا من خلال تجارب اصحابى دايما ماين 180 الى 220 فى الصفيحة.....

لكن انا بقولك الياريس بتعمل 240 او 250 مستريح...سواقه فيها شد وحرق براحتك....لكن لو هتسوق بنعومة وهدوء هتجيب ال 280 كيلو فى الصفيحة.....

وعلى فكرة يا امير الياريس معروفة انها من اكثر موفرة فى البنزين

والناس بره فى اوروبا واميركا بيشتروها للسبب دا مخصوص...

الصنى والسيفيك والكورولا انا معاك استهلاكهم ممتاز ...ومش بعيد عن الياريس بكتير...لكن بالطبع الياريس اقل استهلاكا...حتى فى ال1500 بتاع الياريس...ما بالك ب 1300..

اقتباس:

---

المشاركة الأصلية كتبت بواسطة sa3dawy

ازاى يا أمير....

مش ممكن تكون الصنى بتستهلك افضل من الياريس..

ودا مش عيب فى الصنى ولا حاجة...بس دا واقع ..وفرق فى حجم الموتور...

انا قولتلك الياريس على الطريق السريع بتعمل من 350 الى 380 كيلو فى الصفيحة...وزى ما قلتلك انا وصلت معاايا ل 400 ....

جوه البلد طبعا الوضع مختلف...بس خد بالك انا فى المنصورة...يعنى شوارع ضيقة ومخنوقة وتقريبا مش بجيب الثالث دا الا كل فين وفين....وبعمل فى الصفيحة 250 او 240 كيلو...ودا سواقة تقريبا شبه رياضاية....يعنى بحرق برده وكده...

.

---

ماهو علشان الارقام المذكوره دي و الارقام اللي وصلتلها انا بقول كده
انا بقي عندي شبه اقتناع بأن العربيات 1600 و 1300 الفرق بينهم بسيط جدا جدا في الاستهلاك خصوصا جوه البلد
و علشان نتأكد من كده ياريت كل قسم يبقي فيه موضوع عن استهلاك لكل موديل عربيه
لأن من خلال متابعتي للمنتدي لاحظت ان استهلاك العربيات ال1300 جوه البلد بالذات مش فارق كتير عن العربيات ال 1600

السيراتو 2010 بتعمل 240 فالصفيحة مكس بين جوة البلد و عالطريق و بتكييف متوسط استهلاك

اسمع فيات لينيا الجديده

أنا جربت عربيات كتيره باستغرب من اللي بيقول جين٢ لانها بتاكل بنزين كتير
الأفضل في اللي جربته علي الإطلا هونداق سيفيك يليه اللانسر
أما اكتر العربيات اللي بتآكل بالترتيب كارينز - جين ٢- اوبترا

اليابانى دايما اوفر مع اعطاء السيارة عزم عالى وبالأخص هوندا وتويوتا

اقتباس:

---

المشاركة الأصلية كتبت بواسطة sa3dawy

لكن الى اعرفه ان فى عربيات مشهورة باستهلاكها المرتفع...

على رأسهم التريوس (بلاعة بنزين) 150 كيلو فى الصفيحه جوه البلد

يليها الماتريكس (حوت بنزين) من 160 الى 180 كيلوا جو

الفيرنا والالنترا والسراتو والانسر معقولين يعنى..مش عارف ارقامهم ايه..بس اكيد احسن من المتركس والتيريوس....

---

اسمحلي أقول لحضرتك ان الكلام ده مش دقيق وانا مش هتكلم على التريوس لاني مجربتهاش لكن اللي أقدر أكلمك عليه الماتريكس لان بعد استخدامها لمده 6 سنوات ولحد دلوقتي فأقدر اقول لك انها مش حوت بنزين خالص بالعكس العربيه دي استهلاكها في البنزين هايل يعني لما تكون العربيه بتعمل متوسط 235 كم في الصفيحه بالتكيف قياده داخل البلد وعلى الدائري تبقى نسبه جيده جداً
أما بالنسبه بقى للسيراتو فاللي أنا أعرفه انها بتاكل بنزين زياده عن الماتريكس وده من خلال مقارنه بين عربيتي وعربيه ابن خالتي السيراتو اللي هو بيشتكي من استهلاكها العالي للبنزين
أما بخصوص باقي العربيات فمش هقدر افيدك فيها بصراحه عشان معرفش أخبار استهلاكها للبنزين ايه

رغم ان الكورسا مش فى المقارنه
بس اسمحولى اقول رأيي
الاوبل كورسا سيدان 1600 cc
فى الصفيحه جوه البلد 250 : 270
على الطوالى 300 : 320
وطبعا لو العربيه مظبوطه

اقتباس:

---

المشاركة الأصلية كتبت بواسطة hazeeeeem

رغم ان الكورسا مش فى المقارنه
بس اسمحولى اقول رأيي
الاوبل كورسا سيدان 1600 cc
فى الصفيحه جوه البلد 250 : 270
على الطوالى 300 : 320
وطبعا لو العربيه مظبوطه

---

فعلاً
ده كلام صحيح