كبالن مازدا 323

**yasser_mrk** · 18-09-2008 02:44 AM

انا عايز اعرف كبالن مازدا 323 الاصلي في حدود كام وهل يوجد منها صيني وفي حدود كام وشكرا

**abdelaziz-waleed** · 18-09-2008 04:45 AM

موديل سنة كام

**yasser_mrk** · 18-09-2008 09:51 AM

السيارة مازدا 323 موديل 1981

**uhlphp** · 20-09-2008 09:10 PM

الاخ وليد عبد العزيز سال موديل كام وصاحب الاستفسار رد علية وحتى الان مردش الاستاذ وليد
ممكن اعرف حضرتك كنت بتسال على الموديل لية من غير افادة

**abdelaziz-waleed** · 26-09-2008 09:44 AM

المشاركة الأصلية كتبت بواسطة uhlphp

الاخ وليد عبد العزيز سال موديل كام وصاحب الاستفسار رد علية وحتى الان مردش الاستاذ وليد
ممكن اعرف حضرتك كنت بتسال على الموديل لية من غير افادة

انا اسف جدا على التأخير.
انا اشتريت طقم كبالن NKN ياباني كانوا عاملين 470 جنيه
احسن مكان تشتري منه هو اخوان البلطي في التوفيقية.
هاحاول اجيبلك العنوان بالظبط ورقم التيليفون. بس هو مشهور هناك لو روحت وسألت هايدلوك.
ملحوظة انا اشترته لعربية مازدا 323 موديل 83

26-09-2008 09:46 AM

المشاركة الأصلية كتبت بواسطة uhlphp

الاخ وليد عبد العزيز سال موديل كام وصاحب الاستفسار رد علية وحتى الان مردش الاستاذ وليد
ممكن اعرف حضرتك كنت بتسال على الموديل لية من غير افادة

يا اخ uhlphp

بصرف النظر عن اننا هنا لمساعدة بعضنا الآخر..ودا الهدف من المنتدى اصلا
لكن فى نفس الوقت ..مستحيل تلاقى عضو 24 ساعة على الموقع !!!!
حضرتك بتكلم كأننا فى غرفة شات مثلا !!!!
كل واحد لية مشاغلة وظروفه..وانا ممكن حد يسألنى عن حاجة فى موضوع معين
وماردش غير بعد اسبوع كامل...لانى مكنتش بدخل
فياريت ياجماعة ...نشجع بعض اكتر من كده ونبعد الاسلوب اللى ممكن يحبط الواحد عن اى حاجة
....
وانا أسف للمداخلة
وكلنا اخوات
وكل سنة وحضرتكم طيبين

**yasser_mrk** · 26-09-2008 04:12 PM

متشكر جدا لكم جميعا وكل سنة وانتم طيبين

**uhlphp** · 27-09-2008 02:12 AM

الاخ Flyingpeugeot
انا لا استعجل الرد ( وان كان فى بعض الاحيان مطلوب سرعة الرد ) .
ولكن الاخ وليد طلب معرفة الموديل وبعد ثلاثة ايام لم اجد رد وما يوحى من السئوال انة لدية الرد ولكن يريد ان يتاكد من شى وهذا معناة انتظار الرد من صاحب السئوال .
ثانياً : الاخ وليد رد بعد ثمانية ايام وكل هذه الفترة اعتقد ان صاحب السئوال منتظر بناً على سئوال الاخ وليد فانا لا اقول اننا على شات او انة يجب الرد فى خلال يوم او اثنين ولكن فى نفس الوقت لا يجب ان يكون بعد ثمانية ايام لان صاحب السئوال ممكن ان يكون فى احتياج للرد فى اقصر وقت .
ثالثاُ : من اسبابى ايضاً انى الاحظ بعض المواضيع فى المنتدى ولا يوجد لها رد او لم يتم المشارك تكملة ردة وهذا شى اعتقد انة يضايق كثيراً صاحب اى شكوى او استفسار .

27-09-2008 04:12 AM

حصل خير ياباشا...ووليد باشا رد اهو :)

وكل سنة وحضرتك طيب...
وانا مع حضرتك فى النقطة دى بردو...ان ساعات بتبقى
المساعدة بتكون مستعجلة ...لكن احيانا بردو الواحد بينشغل ومش بيقدر يدخل وممكن الواحد يدخل وينسى موضوع معين..
فاحسن حل ان اى حد طالب استفسار من شخص عين واتأخر علية ,,احسن وسيلة انه يبعتلة على الخاص عشان لو كان نسى ولا حاجة :)
ووليد باشا كدة ملزم بغرامة تأخير

**ammarxn** · 27-09-2008 06:24 AM

أنا عندي اقتراح بسيط بالنسبة للكبالن ...

في واحد في شامبليون اسمه "الصغير" ... الراجل ده ممتاز في تصليح الكبالن وأنا مجربه شخصيا في تصليح كبالن السيارات الياباني ...

تصليحه كويس وبيضي ضمان مكتوب على تصليحه ده ...

يعني لو الكبالن الأصليه ال عندك اتصلحت ... اعتقد هيكون افضل من شراء الصيني ...

المهم ورشة الصغير ده لو حبيت تروحها هي في شامبليون قدام محل كشري كبير اسمه أبو طارق ...