الموضوع: عندي سؤال بخصوص المقصات الامامية للفيات 127

المقصات الامامية بتتغير كلها بس حاول تجيب نوع اصلى عشان يعيش معاك اما عن التأثير فهيا هتخليك متعرفش تظبط زوايا وبالتالى العربية هتاكل كاوتش معاك وهتعوم منك . اما المقصات الخلفية بيتغير لها جلب والاصلى منها ب 10 جنية اواكثر وفى كل مقص 4 جلب يعنى هتجيب 8 جلب للمقصين. المقصات الامامية فى منها تركى ب55 جم تقريباً الواحد ويمكن يكون غليو وهيه مش وحشة

الف شكر علي الردود.........

قمت فعلا بتغيير المقصات بذلك النوع ( اوكاب )........ بس المشكلة جيت اضبط زوايا الراجل قالي خلي بالك الجلب بتاعة المقصات اللي انا لسة مركبها دي و حشة و خلاني كنت حاتجن ساعتها لاني المفروض جايب احسن حاجة و انا اللي شاريها جديدة بنفسي مع الصنايعي و تابعته علشان يركبهم و ما ينصبش عليا يعني عملت كل احتياطاتي المفروض ..... رجعت للعفشجي و خليت الاسطي الكبير يبص علي المقصات و قالي انها زي الفل و قالي كمان ان المقصات الايطالي عمرها ما بتنزل فيها عيوب بخلاف التركي او الصيني و قالي اضبط زوايا عند محطة بنزين اخري ...... رحت محطة البنزين التانية و ضبطت زوايا و قالي انها ضبطت تمام وانا كنت متابعه و كان فرق الزوايا حاجة بسيطة اوي وقام برجلشتها و بقت تمام ....
بس المشكلة دلوقتي اني حاسس ان الديريكسيون تقل شوية خصوصا عند ركن العربية بالرغم من انه كان اخف من كده .......... كده يبقي فيه مشكلة ولا كده عادي بعد تركيب اسكاترا جديدة ؟