الموضوع: منظومة الفرامل للماروتى ... نفسى أفهم

المشاركة الأصلية كتبت بواسطة mesaharaty

السلام عليكم ورحمة الله وبركاته
=
=
=
عندى قصور شوية فى معلوماتى فى موضوع منظومة الفرامل
يعنى عاوز أعرف إزاى نقدر نحكم على عربية إن التيل كويس من عدمه وما هو المقياس لذلك .
عندى وسواس من الفرامل وعلى طول حاسس انى مش قادر أفهمها ومش قادر احكم على الفرامل هل هى جيدة ولا هى كده ولا إيه ؟
ودايما أسمع حد يقول لك أنا غيرت التيل فما المقصود بالتيل هل العجلتين الخلفيتين أم الأماميتين أم الأربعة مع بعض .وهل فيه أولوية للتغيير فى الأماميتين عن الخلفيتين ؟
هل تغيير التيل يستوجب تغيير الزيت ؟ ومذا لو لم يتم تغيير الزيت ؟
ما معنى خرط الطنابير ولماذا ؟
فيه جزء شكله كده زى الحلة ما علاقته بالطنابير وهل أيضا يتم خرطه ؟

معلش الأسئلة كتير وده لكى يكون الموضوع غنى وعاصفى ....ههههههه

وللفائدة المجمعة برضة .

ولكم الشكر الجزيل

تحكم على الكفاءة بكذا :
الامامي من الوقوف المفاجئ.. لو الكوتش بيمسك لدرجة الزحف يبقى التيل ممتاز بشرط الدواسه متكونش بتغوص لحد اما يحصل الكلام ده،،

التيل الخلفي بيتحكم عليه بعدد تكات الهند بريك اللازمه لتوقف السيارة،، في الماروتي من 3-5 تكات..

مقدار تآكل الامامي 3-4 اضعاف الخلفي وبالتالي التغيير عادة بيتقال عالامامي

زيت الفرامل لازم يتغير كل 40 الف او سنتين ايهما اقرب وبيتاخد الهوا من الدورة فنفس الوقت وهو عندنا dot3 ولو متمش تغييره عمر المنظومة بيقل وبيفقد خواصه ويتشرب الرطوبه ويغلي بسرعه وبالتالي الفرامل تضعف جامد...
خرط الطنابير هو اعادة صقل سطحها ليعود املس ومستوي وده له قياسات محدده لو اقل منها مش هينفع لان الطنبوره هتتكسر بالسمك القليل وعادة في عمر الطنبوره ممكن تنخرط بالكتير قوي مرتين

مفهمتش الحلقه اللي تقصدها...
تحياتي

Sent from my Xperia Arc S using Forum Runner