بيجو 301 لن تنتشر

**ah-elgendy** · 28-11-2013 07:01 PM

وجهه نظرى ان السوق المصرى فيه تشبع من العربيات ومفيش اى عربيه هتنتشر زى ما انت متخيل ( لانسر بومه او سيراتو شكل قديم ) حتى التويوتا يارس برود مش هتنتشر انا نفسى يلغوا دخول عربيات مصر الطرق خلاص مش مستحمله ااااااكتر من كده كفايه كده ويعملوا احلال للعربيات القديمه زى التاكسى

**Ahmedshalaby** · 28-11-2013 07:28 PM

انا من اسكندرية و باشوف ال ٣٠١ علاقل ٣-٤ مرات كل نزلة
سبحان الله

**amrelsaqqa** · 28-11-2013 07:36 PM

المشاركة الأصلية كتبت بواسطة abohend

السلام عليكم و رحمة الله و بركاته
الواضح أن بيجو 301 هتنتشر فالعالم اﻹفتراضي فقط ﻷن معظم رواده من الشباب
لكن على أرض الواقع اﻹنتشار محدود
صني 2014 نزلت بعد البيجو و رغم كده تمشي تتكعبل فيها
لدرجة أنا شكيت في نفسي و قلت أكيد في حاجة أنا مش فاهمها صح
دخلت على قسم نيسان و قعدت أشوف رأي ملاكها فيها و تقارير المستلمين إستغربت
كلهم أجمعوا على قلة جودة التقفيل و ضعف الصاج
ده غير المشاكل الموجودة في بعض الدفعات من تيل و طنابير
صحيح كلهم أجمعوا على إهتمام الوكيل بالمشكلة لكن هل قوة الوكيل و سعر إعادة البيع يخلوني أفضل عربية موتورها أضعف تقفيلها سئ صاجها ضعيف على عربية أوروبي
حاسس أن في حلقة مفقودة...
ثقافة شعب...يمكن
ضعف دعاية للبيجو...ممكن
سمعة الصني القديمة...معتقدش
رهبة المصريين عامة من اﻷوروبي عشان قطع الغيار و إعادة البيع....مش عارف
أنا عارف أن بعضكم هيهاجمني و يقولي أن حجز البيجو بال3 شهور
يا سيدي عارف و أنا حاجز و مستني...لكن أنا فاﻷسكندرية مشوفتش العربية غير 5 مرات
و في القاهرة بقالي 5 أيام شفتها مرة واحدة
عايز تفسير مقنع

قلشت منك خالص دي ياعم الحاج ! الصنى نازلة من زماااان جدا لان فيه منها 2013 ونازلة من نص 2012 تقريبا ! انما البيجو كلها موديل 2014 !!!!!
ولو بتتكلم على موديل 2014 نفسه ، يبقى مقارنة غير عادلة لان العربية اللى موجودة اولريدي في السوق ومعروفة هتبيع اكتر حتى لو موديل 2014 تحديدا نزل بعد البيجو ، المقارنة دى صح في حالة واحدة ، ان يكون الاتنين اول ظهور ليهم في 2014 :)

بالنسبة للبيجو ، لو العربية معليهاش طلب مكنش هيبقى الاوفر برايس 7000 جنيه ، ماهى عرض وطلب في الاخر ، ولا انت ايه رأيك ، الانتشار الرهيب اللى انت بتتكلم عليه اللى هو في اي عينة عشوائية تلاقي عربية بيجو ، ده محتاج كمان فترة قدام ، وعلى فكرة بعد ده كله ، مش شرط برضة البيجو تكتسح المبيعات من نيسان ، على فكرة نجاح المبيعات مالوش اي علاقة بنجاح المنتج وجودته :)

عندك الهيونداي فيرنا كمثال ، سعرها وصل حاجة و 80 الف ولسة الناس بتشتريها !

**mahmed0100** · 28-11-2013 08:03 PM

انا عن نفسي يوميا بشوف البيجو 301 مره علي الاقل في المعادي و الهرم
و حجزتها لانها عجبتني بصراحه
الكوري ضعيف اوي .. صاج و امان و جوده ..بالنسبه ليها و الالماني و الياباني .. شريحه اعلي من الاقتصاديه
فانا حجزتها علشان اركب علي مزاجي .. انا شايف ناس كتير راكبه هيونداي و نيسان .. بس لو انا ركبت زيهم علشان الناس بتشتري العربيات دي ... يبقي انا مش حستمتع بالعربيه و ححس اني اشتريت علشان الناس مش اشتريت ليا

نصيحه يا جماعه ... اللي تعجبه عربيه يشتريها و يركبها .. الناس هنا بتتكلم عن عربيات زيروا فانت حتركب بفلوسك .. يبقي اركب علي مزاجك و اركب اللي انت ترتاح ليه
و سيبك من السوق .. في الاخر بعد سنه بعد عشره .. لما تفكر تبيع حتلاقي اللي يشتري منك
و لو مش مصدق اتفرج في سوق الجمعه :)

**abohend** · 28-11-2013 09:57 PM

المشاركة الأصلية كتبت بواسطة mohamed hussei

بيجو 301 نازلة قبل نيسان صني ازاي ؟؟؟؟؟ دة نيسان صني نازلة من نص 2012 او قبل كدة كمان وبيجو 301 انا عندي في الحي بتاعي في بتاع 5 عربيات بيجو وشوفتها كذا مرة في صلاح سالم اول لما نزلت

أنا بتكلم عن الشكل الجديد
و فعلا ممكن يكون عندك 5 في الحي بتاعك أنا مش هكدبك
لكن بوجه عام مين حقق إنتشار أكبر و بكام ضعف و ايه السبب
هو ده سؤالي اللي بوجهه لكل أعضاء المنتدى
ايه تفسيرهم ﻹنتشار الصني رغم عيوبها

**abohend** · 28-11-2013 10:06 PM

المشاركة الأصلية كتبت بواسطة assaf

انا من الشرقيه امبارح نزلت الزقازيق شفت 3 عربيات منها وعربيه ستتروين حتي لاول مره الاقي معارض العربيات جيباها و دا حدث تاريخي ان معرض عربيات ينزل عربيه اوربي في الشرقيه كانوا مشيين بمبدأ الكوري التام او الموت الزوام بس استثني الانسر من الموضوع دا
بص السعر له عامل جامد في انتشار البيجو و الرينو لان الكوري سعره رفع اوي

كلامك مضبوط
و ده حصل في اللوجان
فعلا لما نزلت بسعر تنافسي إكتسحت الفيرنا و اللانوس
و ده اللي أنا بسأل عنه
ليه البيجو مش قادرة تحقق ده قدام الصني و هي المنافس ليها في نفس الفئة السعرية
عموما توكيل البيجو عليه عامل قوي في إنجاح العربية أو إفشالها
يعني الصني رغم عيوبها وكيلها قدر يثبت رجليها فالسوق
و بروتون رغم أنها عربية جيدة جدا وكيلها كره الناس فيها

**Eng HateM** · 28-11-2013 10:19 PM

بالعكس أنا شايف فيه انتشار شبه أسبوعي لبيجو 301 في اسكندرية , كل يومين أو تلاتة لازم ألمح واحدة بلون مختلف عن اللي قبلها خصوصا في شارع أبو قير / الإبراهيمية , مسألة وقت وتلاقي 301 حلت مكان عربيات تانية كتير بعد زيادة ثقة الناس في الموديل , الثقة موجودة في الماركة من عقود لكن الموديل جديد ع الأسماع :)

**abohend** · 28-11-2013 10:26 PM

المشاركة الأصلية كتبت بواسطة akram.gamal

مش عارف ارد عليك
عندى مشكله فى الكتابه
بس انا رافض معظم كلامك
و متخافش من حاجه توكل على الله و متتبعش ثقافة الشرا بتاعة المصريين
ياراجل ده احنا بقينا كل ماحد يفكر ف عربيه الناس تقوله هات سيراتو -- هات ريو - هات النترا
بالرغم ان اسعارهم مبالغ فيها قصاد اوبشن اصلا ضعيف نسبيا

اعمل استخاره و انزل اتفرج ع العربيه ال عجباك و توكل على الله

أنا مقتنع بالبيجو 100%
و حجزتها فعلا بعد ماستخرت ربنا
و على قد عدم اﻹنتشار مبيدوخ الواحد فالصيانة و قطع الغيار لكنه بيحسسك بالتميز و أنت راكب
أنا مثلا راكب بيجو 206 عربية فوق الممتازة لكن عشان تصلحها بره يبقى أكيد الخبير اللي هيصلح هيبوظلك حاجة تانية ده غير قطع الفيار اللي دوخك عشان تلاقيها
يعني مثلا لوحة العدادات عندي واحد ابن حلال الله يسامحه خربهالي
مش لاقيها لا فالتوكيل و لا بره مفيش غير مستورد إستعمال و سعرها غالي 350 جنيه
يا رب الحال يختلف مع ال301 ﻷن ده هيساعدنا فالصيانة و قطع الغيار ده غير سعر إعادة البيع
و كل دي حاجات مش هتأثر في إختياري للعربية لكن بالتأكيد تزود من قيمتها و تشجعك على شرائها
تقبل تحياتها

**abohend** · 28-11-2013 10:34 PM

المشاركة الأصلية كتبت بواسطة ahmed opel

وجهه نظرى ان السوق المصرى فيه تشبع من العربيات ومفيش اى عربيه هتنتشر زى ما انت متخيل ( لانسر بومه او سيراتو شكل قديم ) حتى التويوتا يارس برود مش هتنتشر انا نفسى يلغوا دخول عربيات مصر الطرق خلاص مش مستحمله ااااااكتر من كده كفايه كده ويعملوا احلال للعربيات القديمه زى التاكسى

مش الحل إننا نمنع العربيات
الحل إننا نوفر وسائل مواصلات عامة آدمية و نصلح الطرق و نطلع من ال3.5 % من مساحة مصر اللي إحناىعايشين فيهم
مش إننا نمنع الناس من أقل حقوقها في إقتناء عربية
و بعدين اللي لسه مشتراش يعمل ايه؟؟؟
يبقى مجبر على إستغلال سواقيين التاكسي.
أظن نبقى عامليين زي اللي ايده وجعاه قطعها بدل ميعالجها

**abohend** · 28-11-2013 10:39 PM

المشاركة الأصلية كتبت بواسطة amrelsaqqa

قلشت منك خالص دي ياعم الحاج ! الصنى نازلة من زماااان جدا لان فيه منها 2013 ونازلة من نص 2012 تقريبا ! انما البيجو كلها موديل 2014 !!!!!
ولو بتتكلم على موديل 2014 نفسه ، يبقى مقارنة غير عادلة لان العربية اللى موجودة اولريدي في السوق ومعروفة هتبيع اكتر حتى لو موديل 2014 تحديدا نزل بعد البيجو ، المقارنة دى صح في حالة واحدة ، ان يكون الاتنين اول ظهور ليهم في 2014 :)

بالنسبة للبيجو ، لو العربية معليهاش طلب مكنش هيبقى الاوفر برايس 7000 جنيه ، ماهى عرض وطلب في الاخر ، ولا انت ايه رأيك ، الانتشار الرهيب اللى انت بتتكلم عليه اللى هو في اي عينة عشوائية تلاقي عربية بيجو ، ده محتاج كمان فترة قدام ، وعلى فكرة بعد ده كله ، مش شرط برضة البيجو تكتسح المبيعات من نيسان ، على فكرة نجاح المبيعات مالوش اي علاقة بنجاح المنتج وجودته :)

عندك الهيونداي فيرنا كمثال ، سعرها وصل حاجة و 80 الف ولسة الناس بتشتريها !

هو ده سؤالي يا باشا
ليه رغم جودة المنتج مينتشرش
و يفضل منتج أقل منه في الجودة و الخامة مكتسح
دعاية و لا ثقافة و لا سمعة و لا إشاعات و لا جهل و لا قلة خبرةو لا.........