بيجو 301 لن تنتشر

**Mohamed.Ramah** · 29-11-2013 12:42 PM

السبب أن نيسان صنى موجودة فى التوكيل قبل البيجو بفترة كبيرة .

سعر الصنى الاعتبرة الكثير مناسب وقت الشراء ولاكن دة أصبح واضح لما تشوفها على الحقيقة والخامات الداخلية المستخدمة (السيئة ) الاقرب لليروتون ساجا تعرف لية سعرها مزادش للدرجة زى ما حصل مع التيدا مثلا الموديل 2013 وموديل 2014 الوصل ل 160.000
.

التقييم الغير حيادى لمن قيم السيارة او قال ان انها جيدة جداً فى بداية نزولها ودة أثر فى قرار الشراء للكثير .

سمعة الصنى القديمة بالرغم من وجود بعض المشاكل لاكن اسعار قطع الغيار والصيانة كانت جيدة ووثوق الاشخاص فى توكيل نيسان بالرغم من التقصير فى بعض الاحيان بس الكمال لله وحدة.

كل دة أدى ان توكيل نيسان باع من الصنى 6.000 سيارة خلال 6 شهور الكلام دة بتاريخ 14/1 العام الجارى دة غير الحاجز واستلم حتى اليوم فالطبيعى انك تشوف الصنى منتشرة أكثر خاصة الفئة سوبر صالون .

**Mohamed.Ramah** · 29-11-2013 01:00 PM

أخر تقرير للمبيعات ذكر أن بيجو 301 باعت خلال عام 2013
835 سيارة فقط التقرير كان بتاريخ 1 سبتمبر يعنى من شهرين قول وصل النهردة ل 1000 بالحيستلم قريب و قيس حجم المبيعات على مستوى الجمهورية مقابل النيسان صنى حتعرف لية انت شايف عدد محدود من بيجو مقابل الصنى :)

**abohend** · 29-11-2013 04:25 PM

المشاركة الأصلية كتبت بواسطة shawke hamed

يا جماعة سيبكم من كلمة ثقافة شعب دى الى عايز عربية بيجيبها مفيش اى مشاكل خالص سواء العربية صنى او 301 انتشرت فدى ازاق انت عايز دى اودى صباح الفل .........

أكيد كل واحد بيجيب العربية اللي عجباه....
لكن كلمة ثقافة شعب يعني ايه المعايير اللي بيلجألها المشتري عشان ياخد قراره
جودة المنتج و لا إنتشاره و لا رخص قطع الغيار و لا أساليب الرفاهية و لا معايير السلامة و لا و لا و لا
هو ده المقصود بثقافة شعب
أنت شايف ايه أكبر المؤثرات في إختيارات الشعب المصري؟؟؟؟
مبدئيا إحذف معايير السلامة و عبور المنتج ﻹختبارات السلامة و الجودة....المعظم في مصر ميعرفش عنها حاجة

**Batman372** · 29-11-2013 04:42 PM

الخامات فى الصنى القديمه ممتازه ... يمكن فى الجديده قلت الجوده بعض الشئ و لكنها ليست سيئه ...

مفيش حاجه اسمها تقييم غير حيادى !!! لو عشرات عملوا كده اكيد الالوف مش حيعملو كده !!
العربيه من 2006 و اثبتت كفائتها ... بدون اى مزايدات ...

سعرها المنافس ده لانها مجمعه محليا ... التيدا مازالت استيراد و عليها جمارك ...

اكيد طبعا فيه حاجه اسمها ثقافه شعب ... و الدليل المرسيدس حتى اليوم بتعمل مبيعات اضعاف كل المنافسين مجتمعين !! مع ان الفروقات بسيطه و الجوده متقاربه جدا .... و اسعار المرسيدس اعلى :)

استحاله ال 301 تعمل مبيعات اللوجان ...لان الفئه السعريه مختلفه تماما ... فرق 50 الف جم ..

اخيرا الناس الى بتقارن ال 301 بالصنى ... غير عملى لان الفئه السعريه مختلفه ...
لو ميزانيه حتى 115 الف يبقى صنى وش ... لو ممكن حتى 130 او اكتر يبقى 301 بدون تفكير ..

مبروك عليك 301 مقدما ... و ان شاء الله تستلم على خير ...

تحياتى ...

**amrelsaqqa** · 29-11-2013 05:12 PM

العربيه من 2006 و اثبتت كفائتها ... بدون اى مزايدات ...

معلش ، اهو كلامك ده من ضمن التقييم الغير حيادى ، دى حمادة ودى حمادة تانى خالص

الصنى القديمة كنبة ضيقة واستهلاك بنزين عالى ، والباقى مميزات
الجديدة كنبة واسعة واستهلاك بنزين حلو والباقى عيوب

يعنى دى عكس دى خالص !

**neemmohamed** · 29-11-2013 05:23 PM

اختلف مع صاحب الموضوع .... لان العربية بتتكلم عن نفسها اى حد ينزل يشوف العربية بخاماتها و اسمها بسعرها ده و يقارنها بالمنافسين ها يلاقى ان البيجو تكسب
و متوقع لها شعبية و انتشار فى شريحتها السعرية بلا جدال

**assaf** · 29-11-2013 05:30 PM

المشاركة الأصلية كتبت بواسطة abohend

كلامك مضبوط
و ده حصل في اللوجان
فعلا لما نزلت بسعر تنافسي إكتسحت الفيرنا و اللانوس
و ده اللي أنا بسأل عنه
ليه البيجو مش قادرة تحقق ده قدام الصني و هي المنافس ليها في نفس الفئة السعرية
عموما توكيل البيجو عليه عامل قوي في إنجاح العربية أو إفشالها
يعني الصني رغم عيوبها وكيلها قدر يثبت رجليها فالسوق
و بروتون رغم أنها عربية جيدة جدا وكيلها كره الناس فيها

خالي بالك من عنصر الوقت
يعني البيجو لسه نازله من 6 شهور و اسم بيجو كان بيخوف فدا عامل لكن مع الوقت العربيه حتنتشر
يعني اللوجان لما نزلت اول مره سنه 2009 مكانتش منتشره بدت تنتشر بجد اخر 2010 لما الناس بتدت تتعود عليها انا متوقع السنه الجايه البيجو حتعمل زي الرينو في ارتفاع المبيعات
مش حيكونوا زي هيونداي بس علي الاقل عربيات منتشره مشكله الخوف من الماركه دي بتقل مع الوقت و مع استخدام العربيه خاصه لو مبانش عيوب
الصني شغاله بسمعه النيسان القديمه + انها بقالها سنه ونصف في السوق يعني قبل البيجو بسنه

**Batman372** · 29-11-2013 05:31 PM

المشاركة الأصلية كتبت بواسطة amrelsaqqa

معلش ، اهو كلامك ده من ضمن التقييم الغير حيادى ، دى حمادة ودى حمادة تانى خالص

الصنى القديمة كنبة ضيقة واستهلاك بنزين عالى ، والباقى مميزات
الجديدة كنبة واسعة واستهلاك بنزين حلو والباقى عيوب

يعنى دى عكس دى خالص !

مع احترامى لك ... ليس من حقك اتهامى بعدم الحياديه !!!
و الى كل الى بتقوله ده حاجه قديمه و معروف للجميع ... و ميعبش اى عربيه !!!
و رغم ذلك شئت او ابيت مبيعات الصنى سواء قديم او جديد مكتسحه ... تفتكر كل الناس (الى اغلبهم مش فى المنتدى ) ديه مش بتفهم و مضحوك عليها او متأثرين بالناس عديمى الحياديه ؟؟؟
كون العربيه مجملا مش عاجباك فانت طبعا حر ... و ده الى اسمه مش حيادى :)
تحياتى ...

-

الموضوع: بيجو 301 لن تنتشر

LinkBack

أدوات الموضوع

عرض

-

-

-

-

-

-

-

المواضيع المتشابهه

تجليد السيارات ....!!!! موضة جديدة تنتشر في دبي

كيف للفيات تفشل كيف للينيا والبنتو والبرافو لا تنتشر

ديدان شريطية تنتشر بين المصريين في صيف 2010

الكلمات الدلالية لهذا الموضوع

المفضلات

المفضلات

ضوابط المشاركة