الموضوع: عذاب عفشة m11

العربية بعد حوالي 6 شهور من تاريخ ما اشتريتها بدأت تعمل صوت طقطقة من ورا و نقر مع الطرق غير المستوية
أو مثلا حفره في الطريق أو حاجة
أسمع صوت الطقطقة جاي من ورا يمين
لما العجل اللي ورا يطلع و ينزل على نفس المستوى في نفس التوقيت بيكون عادي مفيش صوت .. زي لما بطلع مطب مثلاً
الصوت بيحصل لما يكون مستوى عجلة أعلى من التانية .. زي مثلاً لو عديت على نصف مطب أو حفره صغيره نزل فيها عجلة واحدة بس
كل الصيانات اللي رحتها اشتكيت و في كل مرة يقولولي مفيش حاجة
لأنهم لما بيعملوا الاختبار بيضغطوا على الشنطة فطبعا العجل بيكون على نفس المستوى و الضغط متساوي فمش بيطلع صوت
مؤخراً أصبح في صوت تزييق بسيط جاي أيضاً من ناحية العجل اللي ورا عمال على بطال
مش بيروح
فياريت لو حد يساعدني عشان أنا معنديش أي فكرة عن أي حاجة تخص العفشة
و عندي استفسار تاني
الدركسيون مؤخراً بقيت بحس فيه بكل حاجة
لو معدي على حصوة صغيرة بحس بيها في الدركسيون لدرجة انها ممكن تحركه حركة بسيطة يمين أو شمال
لكن بتكون حركة محدودة جداً جداً
الطرق الخشنة بتكون باينة في الدركسيون بوضوح جداً بحس باهتزازات فيه
مش عارف ده طبيعي وللا أنا ماكنتش واخد بالي قبل كدة
فضلاً أفيدوني