لوجان 2013 مانيوال 2 اير باج + abs

**wassim_nasser** · 30-11-2013 03:30 PM

أصل انا شايفك متدايق ازاي التوكيل ينزل دفعة فيها abs وحاسس ان فيه خيانة في الموضوع .. و هى كل الحكاية ان شركة ادوية تعاقدت مع التوكيل علي دفعة عربيات فيها ايه بي إس و فاض منهم كذا عربية و اللي حجز حظه كان كويس ولحق منهم حاجة .. يعنى هى مسأله حظ لا اكتر ولا اقل .. اما بالنسبه لتخبط التوكيل و نقص المعلومات فا ده عادي جدا .. الاسبوعين اللي فاتوا اتصلت بالتوكيل اسأل عن حكاية المسجات ناس في خدمة العملا قالوا ده تغيير طارة الدركسيون و ناس قالوا لأ ده سوفت وير و مهندس فرع اسيوط أنكر معرفته بال 2 .. عادي جدا .. انا برضه كنت باندهش ف الاول بس اتعودت اكبر دماغي

**handas** · 30-11-2013 05:09 PM

كلام مظبوط .. أنا حجزت واحده من الفرع اللى جنب سان ستيفانو
الايرباج التانيه مكانها هو الفتحه اللى فوق درج التابلوه
ولمبة الإيه بى إس كده كده موجوده .. لما تيجى تدور العربيه حتنور ثوانى تعمل تشيك وتطفى تانى

حتى لما جيت أحجز قاللى مفيش غير لون بترولى
غير كده مفيش أى اختلاف
والله الموفق

**handas** · 30-11-2013 05:27 PM

أنا كنت شاكك برده .. بس بعتلهم على صفحتهم على الفيس بوك وده كان ردهم على رساله خاصه

Renault Egypt

كان يوجد لدينا بعض الوحدات من السيارة المدعومة بنظام المكابح ABS وعدد 2 وسادة هوائية وهى نفس بلد الصنع ولنفس المواصفات ، بموديلات 2013 وآخر سعر تقديرى لها للأوتوماتيك 98.500 ج.م ، للمانيوال فئة جميع الكماليات 90.500 تقريباً ، يمكنك الاتصال علي مسئول المبيعات الخاص بالشركة للمتابعه او الاتصال علي رقم خدمة العملاء 16202 لمزيد من الاستفسارات والمعلومات .".A.S."

**adel_edrees** · 30-11-2013 07:06 PM

المشاركة الأصلية كتبت بواسطة handas

أنا كنت شاكك برده .. بس بعتلهم على صفحتهم على الفيس بوك وده كان ردهم على رساله خاصه

renault egypt

كان يوجد لدينا بعض الوحدات من السيارة المدعومة بنظام المكابح abs وعدد 2 وسادة هوائية وهى نفس بلد الصنع ولنفس المواصفات ، بموديلات 2013 وآخر سعر تقديرى لها للأوتوماتيك 98.500 ج.م ، للمانيوال فئة جميع الكماليات 90.500 تقريباً ، يمكنك الاتصال علي مسئول المبيعات الخاص بالشركة للمتابعه او الاتصال علي رقم خدمة العملاء 16202 لمزيد من الاستفسارات والمعلومات .".a.s."

أذن حسب كلامهم فهى أغلى من المانيوال و الأوتوماتيك العاديين ب7 ألاف جنيه على أعتبار ان الموديلات دى 2013 و أن سعر ال 2013 83500 كده الكلام بقى منطقى شوية و أن يتوافر لها لون واحد و هو البترولى فده كلام يأكد كلام الأستاذ وسيم أنها كانت دفعة خاصة لشركة واحدة أصل أبن خالى لسه مستلم 2014 مانيوال فول أوبشن مافيهاش زيادة غير البلوتوث و اليو أس بي و جوز أخته لسه شارى الأوتوماتيك ما كملش 10 أيام و كان حاجزها من التوكيل و لا فيها أي تغيير

**wassim_nasser** · 30-11-2013 07:22 PM

طيب ياتري ينفع مثلا 15 20 عميل عادي زينا يروحوا التوكيل يتفقوا علي دفعة لوجان بأوبشنات معينة و تجيلهم مخصوص ؟

**adel_edrees** · 30-11-2013 09:02 PM

المشاركة الأصلية كتبت بواسطة wassim_nasser

طيب ياتري ينفع مثلا 15 20 عميل عادي زينا يروحوا التوكيل يتفقوا علي دفعة لوجان بأوبشنات معينة و تجيلهم مخصوص ؟

أعتقد كده بقى ممكن بس هل لازم تدفع لهم الفلوس كاملة الأول و ألا تديهم مقدم تعاقد و ألا تشتريها بالتقسيط من عندهم و أذا كان عندهم ال customization ده من الأول و ما قلوش ليه عن شروطه و الله العظيم فكرة ممتازة لراغبى التميز و حتحقق لهم و تحقق للعميل أرباح بالهبل أعتقد أن الكلام لازم يكون مع مدير التسويق مباشرة يعنى ممكن تطلب رينو لوجان مانيوال موتور ال 16 صباب + عمود أتزان +abs +كاوتش نوع أحسن من اللى هي فيه + أربع مفاتيح زجاج كهرباء في الأربع أبواب + زرار كلاكس يكون في الطارة و ب 120 ألف جنيه ة ساعتها تقول الله طيب ما أنا أدفع 20000 و أجيب بيجو 301 أحسن